Zakari 4:6 - NYANMIƐN NDƐ'N 1998

⁶ Nan ɔ'a yiyi nun ɔ'a kle min. Yɛ ɔ seli min kɛ yoo: «Ndɛ nga Anannganman'n kan kle Zorobabɛl'n yɛ. I waan: ‹Nán kɛ ɔ wue kekle'n ti-ɔ, yɛ nan kɛ ɔ wunmiɛn dan'n ti, yɛ a kwla di junman nin-ɔn, sanngɛ min Wawɛ'n ti yɛ man a kwla di-ɔ.

Zakari 4:6 ပူးပေါင်းရင်းမြစ်များ

Bo Bolɛ 41:16

Zozɛf seli famiɛn'n kɛ: «Nannan, nán min yɛ n kwla tu i bo-ɔ. Nyanmiɛn yɛ ɔ kwla tu i bo klanman man wɔ-ɔ.»

1 Famiɛn Mun 19:12

Kɛ asiɛ'n kejeli sinnin'n, sin jueli, sanngɛ Anannganman nun-man sin sɔ'n nun. Kɛ sin'n wieli'n, aunngban fɛfɛ kan wie fitali.

2 Be Nyoliɛ 14:11

Anannganman man Aza nin Zidafuɛ'm be kwlali Etiopifuɛ mun, nan Etiopifuɛ'm b'a wanndi bé bo.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 3:10

Kɛ sua kplanfuɛ'm be wlali Anannganman i sua'n i bo ase'n, be flɛli Nyanmiɛn nyrun jranfuɛ mun kɛ be wa trɛn i bo. Be ´ba'n, be tralɛ'n wla be wun, be awɛ'n wo bé sa nun. Levifuɛ nga be ti Azaf awlo'n nunfuɛ'm be kusu be jue tolɛ ninnge ng'ɔ ti kɛ ndɛ sa'n wo bé sa nun. Be wa manmannin Anannganman kɛ Famiɛn David kleli kɛ be `yo'n sa.

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Ezai 30:1

Anannganman wan yoo: «Ba nyin keklefuɛ mun, amun yako! Kɛ amun bu sa'm be yolɛ akunndan'n n wun-man nun. Amun kpɛ anuansɛ wie mun bɔ nán min yɛ n kleli kɛ amun yo-ɔ. Amun yo sa tɛ be uka sa tɛ su!

Ezai 32:15

Cɛn kun wa ju bɔ Nyanmiɛn ɔ ´fɛ i wawɛ'n ɔ ´man ye. Kpɛkuun aawlɛ flɛnnɛn'n ɔ ´kaci kɛ lika bɔ be tali nun waka'n sa, yɛ lika bɔ be tali nun waka'n, ɔ ´kaci bo ble .

Ezai 34:16

Amun `fa Anannganman i fluwa'n be nian nun, amun `kanngan. Be klɛli i nun kɛ: Be wie fi su tu-man nun, be wie fi sa su mlin-man. Afin Anannganman yɛ ɔ sieli i sɔ-ɔ. I wawɛ'n yɛ ɔ yiali nnɛn sɔ'm bé nuan-an.

Ezai 59:19

I liɛ'n, kɛ ɔ fɛ i wia afiliɛ lɔ lele b'ɔ ´fa ju wia atɔliɛ lɔ'n, be ´sro Anannganman i dunman'n nin i nyrun b'ɔ ti nyannyan'n. Sɛ i kpɔfuɛ'm be ba kɛ nzue dan sa bɔbɔ'n, i Wawɛ'n ɔ kan bé bo .

Daniɛl 2:34

A o lɛ a ´niɛn i siin kpɛkuun yɛbuɛ kun, bɔ nán sran yɛ ɔ toli'n, ɔ fɛ i oka su lɔ vii ɔ wa finnin i ja ngbabua bɔ be ti blalɛ nin wufa'n, nan b'a fufu.

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 2:21

«Kan kle Zorobabɛl b'ɔ sie Zida'n kɛ: ‹N ´keje nyanmiɛn ng'ɔ la nglo lɔ plaii nin asiɛ'n .

Zakari 6:12

Nan se i kɛ Anannganman b'ɔ sie mɛn wunmuan'n waan: ‹Sran kun wo wa be flɛ i anyɛn. Ɔ ´fifi kan ɔ tran lɛ'n. I yɛ ɔ wa kplan mín sua nin-ɔn.

Kalɛ 27:16

«Anannganman, ɔ bɔ a man like kwlaa nga a yili be'n be nguan'n, fa sran kun sie nvle'n i ti su.

Efɛzfuɛ Mun 6:17

Man delɛ bɔ Nyanmiɛn de amun'n ɔ yo kɛ kpongbo kle sa, an `fa wla amún ti. An `fa Nyanmiɛn ndɛ'n b'ɔ ti kɛ i Wawɛ'n i tokofi'n sa b'ɔ fa mannin amun'n .

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.

1 Samiɛl 14:6

Zonatan seli i gbanflɛn ng'ɔ suɛ i alɛ ninnge'n kɛ: «Bla e wɔ Filistifuɛ nga b'a wla-man be klɛn'm bɔ be nyin yi-man Nyanmiɛn bé wun lɔ. Sɛ Anannganman ´uka ye o! Afin i liɛ'n, sɛ ɔ klo kɛ ɔ ´man sran kwlalɛ'n, ɔ lɛ-man kɛ amun ti kaan, annzɛ amun sɔnnin.»

1 Samiɛl 17:47

Yɛ kusu, sran nga b'a yia kukuku yɛ'n be ´si kɛ nán tokofi, annzɛ kusu cua yɛ Anannganman fa de sran-an, afin Anannganman yɛ ɔ kwla-a. Ɔ ´fa amun wlɛ é sa nun.»