Zakari 4:2 - NYANMIƐN NDƐ'N 1998

² Ɔ usa min kɛ: «?Nguɛ yɛ a wun i-ɔ?» Yɛ n waan: «Kannin siewlɛ b'ɔ ti sika ɔkwlɛ yɛ n wun i-ɔ. Kannin sɛ kun wo i ti su nglo, kpɛkuun kannin nso jinjin i ti su nglo lɔ wie, i kannin nzue sinsinwlɛ'n ti nso .

Zakari 4:2 ပူးပေါင်းရင်းမြစ်များ

1 Be Nyoliɛ 28:15

Sika ɔkwlɛ kannin'm be takatakawlɛ'n, ɔ nin sika ɔkwlɛ kannin'm be bɔbɔ'n, ɔ kleli be nɔnnin-nɔnnin'n i nuan. Kannin'm be takatakawlɛ'n, ɔ nin kannin'm be bɔbɔ bɔ be ´fa jɛtɛ ufue be ´yo be'n, ɔ kleli be nɔnnin-nɔnnin'n i nuan. Ɔ niannin like nga be ´fa kannin'm be takatakawlɛ'n nin kannin sɔ mun be ´yo'n i su yɛ ɔ kleli sika ɔkwlɛ'n annzɛ jɛtɛ ufue'n i nɔnnin-nɔnnin i nuan-an.

2 Be Nyoliɛ 13:11

Nglɛmun nin nnɔsua'n, e yi tɛ nga be yra be nnɛn'n kɔlikɔli'n mun man Anannganman, e yra ansans mɛn i. Kpaun nga be fa be mɛn i'n, e fa be sie i tabli'n su e mɛn i. Yɛ nnɔsua kwlaa e sɔ kannin bɔ be o kannin siewlɛ bɔ be ti sika ɔkwlɛ jrɛiin. E liɛ'n, e nian Anannganman e Nyanmiɛn'n i junman'n nun e di kpa, sanngɛ amun liɛ'n, amu'an kaci amun sin a si Nyanmiɛn bɔ i li yɛ ɔ ti kpa'n.

2 Be Nyoliɛ 4:7

Be yoli kannin takawlɛ blu, be ti sika ɔkwlɛ. Be yoli be wafa nga be kleli be'n su. Be fa be sieli Nyanmiɛn i sua'n nun, nnun o fama su, nnun ekun o bɛ su.

Akunndanfuɛ'n 12:6

Kɛ ɔ ko yo sɔ'n, nguan nyanman b'ɔ ti kɛ jɛtɛ ufue nyanman sa'n i nun ´kpɛ. Kannin sɛ nga be fali sika ɔkwlɛ yɛ be fa yoli'n, ɔ ´bo, nyanman nga be fa cuɛn nzue'n i nun ´kpɛ, so nga be fa sa nzue'n, ɔ ´bo.

Zeremi 24:3

Anannganman'n usali min kɛ: «?Zeremi, nguɛ yɛ a wun i-ɔ?» Min waan: «N wun figie mma wie mun, wie'm be ti kpa. Wie'm be kusu be ti-man kpa mlɔnmlɔn. Be di-ɔ ɔ yo-man ye.»

Zeremi 52:19

Gladi difuɛ'm bé su kpɛn'n fali ninnge nga be fa tu nzuɛn'n, nin sɛ mun, nin kannin siewlɛ mun, nin klowa mun, nin klowa nga be fa kpɛntɛn-kpɛntɛn nzue'n, ɔ nin ninnge nga be fa sika ɔkwlɛ nin jɛtɛ ufue yoli'n, ɔ fali be kwlaa.

Amɔs 7:8

Ɔ usa min kɛ: «?Amɔs, nguɛ yɛ a wun i-ɔ?» N tɛli i su kɛ: «N wun nyanman kun, sunmun wo i nuan.» Yɛ Anannganman'n waan: «N su nian min mɛn'n sɛ ɔ ti tinngɛwa sein o. Afin sa tɛ nga i nunfuɛ'm be yo be'n, n su yaci n cɛ-man be.

Zakari 5:2

Kpɛkuun anz'n usali min kɛ: «?Nguɛ yɛ a wun i-ɔ?» Min waan: «N wun fluwa kun b'ɔ ti nyɔnnyɔnwa. N wun kɛ aunngban'n su fa tu sin nglo. I tɛnndɛn nun'n ti mɛtri blu yɛ i tɛtrɛ nun'n ti mɛtri nnun.»

Sa nglô yile 1:12

N kpɛli mín nyin kɛ n ´nian sran ng'ɔ kan ndɛ sɔ'n kle min'n. Kɛ n kpɛli mín nyin'n, n wunnin sika ɔkwlɛ kannin nso be jinjin lɛ.

Sa nglô yile 1:20

Nian, nzraama nso bɔ a wunnin be min sa fama nun'n, nin sika ɔkwlɛ kannin nso bɔ be jinjin lɛ'n, bé bo'n yɛ: nzraama nso'n be ti asɔnun nso'm be anz mun, yɛ sika ɔkwlɛ kannin nso bɔ be jinjin lɛ'n be ti asɔnun nso mun.»

Sa nglô yile 4:5

Bian sɔ'n i wun lɔ'n, nyanmiɛn'n kpa sin, yɛ be ti sran wie'm be nɛn nin nyanmiɛn'n i kplalɛ. Tɛ nso be kpaja kpa, be o bia'n i nyrun lɛ, be yɛ be ti Nyanmiɛn i Wawɛ nso nin-ɔn .