Zakari 3:4 - NYANMIƐN NDƐ'N 1998

⁴ Yɛ anz'n seli sran nga be nin i be o lɛ'n be kɛ: «An `yi i wun tralɛ fiɛn'n.» Kɛ ɔ yoli sɔ'n, kpɛkuun ɔ seli Zozie kɛ yoo: «Nian, m'an nunnun ɔ sa tɛ'n, n su wa wla wɔ cɛn dilɛ tralɛ.»

Zakari 3:4 ပူးပေါင်းရင်းမြစ်များ

2 Samiɛl 12:13

Yɛ David seli Natan kɛ: «N yoli sa tɛ Anannganman wun.» Natan tɛli David su kɛ: «Anannganman ɔ'a yaci ɔ sa sɔ'n ɔ'a cɛ wɔ . A su wu-man,

1 Famiɛn Mun 22:19

Mise kɛnnin i ekun kɛ: «N wunnin Anannganman, ɔ ti i famiɛn bia'n su. Nyanmiɛn su lɔfuɛ'm be wo i wun lɛ. Be wie'm be wo i sa fama su, yɛ wie'm be wo i sa bɛ su. Tie ndɛ nga Nyanmiɛn kannin'n .

Jue Mun 51:9

Yo man min wun sa'n wie nan man n yo saun, wunnzin min nan n fɛn fitafita.

Ezai 43:25

M bɔbɔ min yɛ n yaci amún sa tɛtɛ mun n cɛ amun-ɔn. Mín wla su kpɛn-man amún sa tɛ'm be su kun le.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Zeremi 52:33

Evil-Mɛrɔdak fali tralɛ uflɛ kacili Zozakin i bisua tralɛ mun. Zozakin nin i be dili like likawlɛ lele fa juli i nguan'n i awieliɛ.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 42:14

Ng'ɔ o su'n, Nyanmiɛn nyrun jranfuɛ nga be wlu Nyanmiɛn lika kpa nun'n ɔ fata-man kɛ be fite gua su lɔ awlo liɛ'n nun nin bé wun tralɛ'n. Ɔ fata kɛ tralɛ nga be wla suli Anannganman'n ɔ ka lɔ, nan be `wla uflɛ nan b'a fa to nvlefuɛ'm be lɛ.»

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Mise 7:19

A ´si ye aunnvuɛ ekun, a su bu-man é sa tɛ'm be akunndan, a ´to é sa tɛ mun a ´guɛ i jenvie'n nun .

Zakari 3:1

Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.

Zakari 3:7

Anannganman b'ɔ sie mɛn wunmuan'n wan yoo: «Min atin nga n kle wɔ'n, sɛ a fa su'n, yɛ sɛ a fa mín nuan su ndɛ'n, a ´yo mín sua nin min awlo'n bé su kpɛn. M ´man wɔ su, ɔ man a nin min sufuɛ nga be o wa yɛ mun be ´sɛ.»

Zakari 3:9

M'an fa yɛbuɛ kun m'an sie Zozie nyrun lɛ, yɛbuɛ kunngba cenje sɔ'n, nyinma nso o su. Like nga bɔ be ko klɛ i su'n, m bɔbɔ yɛ n ´klɛ-ɔ. Kpɛkuun mɛn nga nun sa tɛ'n, n ´salo i le kunngba .

Matthieu 22:11

Kɛ famiɛn'n wluli lɔ b'ɔ ´nian be b'ɔ yiali be atɔnvlɛ'n bo'n, ɔ wunnin sran kun bɔ ɔ'a wla-man tralɛ nga be fa kɔ atɔnvlɛ bo'n wie.

JÉSUS-CHRIST I DYASIN FE'N BO LUC KLELI'N 1:19

Anz'n seli i kɛ: « Min yɛ be flɛ min Gabriɛl nin-ɔn, n ti Nyanmiɛn i sran. Ɔ sunmannin min kɛ n wa wun ɔ wun nan n kan ndɛ fɛ nga n kle wɔ.

JÉSUS-CHRIST I DYASIN FE'N BO LUC KLELI'N 15:22

Sanngɛ i si seli i sran'm be kɛ: ‹An `fa tralɛ klanman kpafuɛ'n bla ndɛndɛ fa wlɛ i wun, an `fa sama ti nga kun wlɛ i sa, yɛ an `wlɛ i ngbabua .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Kolɔsfuɛ Mun 3:10

yɛ amu'an fa nzuɛn uflɛ b'ɔ man amu'an yo kɛ sran bɔ Nyanmiɛn yili i uflɛ'n sa, Nyanmiɛn kaci sran sɔ'n titi lele ɔ si i kpa yɛ ɔ fɛ i mlɔnmlɔn .

Hébreu 8:12

Sa nga be yoli min'n, n ´yaci cɛ be. N su bo-man bé sa tɛ'n su n su di-man jɔlɛ kun .› »

Sa nglô yile 5:11

N niannin lɔ ekun, yɛ n tili anz kpanngban kpa bɔ be ju akpi-ngbingbi'n be nɛn. Be sin yia bia'n nin like nga be ti kɛ nnɛn sa'n, ɔ nin kpɛnngbɛn mun .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .