Zakari 3:3 - NYANMIƐN NDƐ'N 1998

³ Kɛ ɔ ´yo sɔ'n, wuun Zozie i wun tralɛ'n ti fiɛn sa, yɛ ɔ fa jin anz'n i nyrun lɛ-ɔ.

Zakari 3:3 ပူးပေါင်းရင်းမြစ်များ

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Ezai 4:4

Kɛ Anannganman ko salo Siɔn lɔ bla'm bé wun fiɛn'n kɔ wie'n, kɛ ɔ ko salo Zerizalɛmfuɛ'm bé sran bɔ be kun be'n be mmoja'n ko wie'n, kɛ ɔ ko di jɔlɛ'n ko wie'n, kɛ ɔ ko nunnun sa tɛ'n ko wie'n,

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Jacques 2:2

Man e se kɛ wienun-ɔn amu'an wɔ asɔnun, kpɛkuun sran wie a wlu lɔ, sika nga wo i sa, tralɛ klanman wlɛ i wun, yɛ sran wie kusu i wun tralɛ sra-sra ɔ'a wlu lɔ.

Jude 1:23

an `de be kɛ sran tɔ sin nun-ɔn be de i'n sa. An `wun wie'm be kusu be aunnvuɛ, sanngɛ an `nian amún wun, afin sɛ e kwla se kɛ be nzuɛn tɛ'n ti tralɛ fiɛn'n, wuun an klo-mɛn i mlɔnmlɔn .

Sa nglô yile 19:8

Be man ɔ'a kla lɛn kplɔkɔɔ nyannyan b'ɔ ti yɛiin'n.» Lɛn kplɔkɔɔ sɔ'n yɛlɛ sa nga Nyanmiɛn sran'm be yo b'ɔ ti su'n.