Zakari 3:2 - NYANMIƐN NDƐ'N 1998

² Yɛ Anannganman i anz seli Satan kɛ: «Satan, man Anannganman'n kle wɔ nun, afin i yɛ ɔ fali Zerizalɛm-ɔ. ?Kɛ Zozie o yɛ'n, ɔ ti-man kɛ yendre bɔ b'a tu i sin nun fo'n sa? »

Zakari 3:2 ပူးပေါင်းရင်းမြစ်များ

2 Be Nyoliɛ 6:5

Anannganman waan: ‹Kɛ ɔ fin cɛn bɔ n fali min nvle'n nunfuɛ mun Ezipt lɔ m bali'n, m'an kpa-man klɔ kun Izraɛl klɔ'm be nun kɛ n ´kplan sua su nan n dunman ´tran su, yɛ m'an kpa-man sran kɛ ɔ dun mmua Izraɛl b'ɔ ti min nvle'n i nyrun.

2 Be Nyoliɛ 6:6

Siɛn'n, m'an kpa Zerizalɛm klɔ'n kɛ min dunman'n `tran su, yɛ David yɛ m'an kpɛ i kɛ ɔ tran min nvle'n su nan ɔ dun mmua i nyrun-ɔn.›

Jue Mun 109:31

Afin ɔ jran yalɛfuɛ'n i sin. Ɔ de i be nga be bu i fɔ'n bé sa nun.

Ezai 7:4

Se i kɛ: ‹Nán srɛ kun wɔ, tran diin, nán ɔ́ wla bo ɔ́ wun Rɛzɛn b'ɔ ti Sirifuɛ'n nin Rɛmalia i wa'n be ya bɔ b'a fa'n ti. Be ti kɛ yiendre nnyɔn yɛ be su kpunngbun sa.

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Amɔs 4:11

«N sacili amun klɔ'n kɛ n fa sacili Sodɔm nin Gomɔr laa'n sa. Sanngɛ amun fin nun be fiteli kɛ b'a yi yiendre wie sin'n nun sa. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Zakari 1:17

Kan gua su kɛ: ‹Anannganman b'ɔ sie mɛn wunmuan'n waan: Min klɔ'n su ninnge'm be wa yo ye. N ´fɔnvɔ Siɔn, n ´fɛ i n ´fa yo min liɛ ekun kɛ laa'n sa.› »

Zakari 2:12

Anannganman b'ɔ sie mɛn wunmuan'n yɛ ɔ sunmannin min be nga be fɛnnin amún bo ninnge'm bé wun wa-a. Ɔ fali ndɛ cinnjin kun wlali mín nuan kɛ n `kan kle be. I waan n `se be kɛ: «Sran ng'ɔ kan amun'n, wuun ɔ'a fɛ i sa ɔ'a wɔ mín nyin su.

Marc 1:25

Jésus ijɔli i, ɔ seli i kɛ: «Muan ɔ nuan lɛ, jao bian nga su.»

Marc 9:25

Kɛ Jésus wunnin sran'm bɔ be wanndi ba'n, ɔ ijɔli asiɛ usu'n, ɔ seli i kɛ: «Asiɛ usu bɔ a yo man sran yo bobofuɛ nin sutrefuɛ'n, jao ba nga su, nán tɔ i su kun.»

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

JÉSUS-CHRIST I DYASIN FE'N BO LUC KLELI'N 4:35

Jésus ijɔli i, ɔ seli i kɛ: «Muan ɔ nuan lɛ, jao bian nga su.» Asiɛ usu'n tɛli bian sɔ'n i ase nzra'n nun lɛ, ɔ jaoli i su ɔ'a yo-mɛn i like fi.

JÉSUS-CHRIST I DYASIN FE'N BO LUC KLELI'N 9:42

Kɛ bakan sɔ'n ɔ wa ju Jésus wun lɛ'n, like sɔ'n tɔli i su, ɔ tɛli i ase, ɔ keteli i kafiaa. Jésus ijɔli like b'ɔ saci bakan sɔ'n, ɔ yoli i juejue, nan ɔ'a fɛ i a mɛn i si.

Jean 13:18

Nán amun ngba amun ndɛ yɛ n kan-an, n si be nga n fali be'n. Sanngɛ san Nyanmiɛn Ndɛ nga be klɛli'n ɔ kpɛn su. Be klɛli i kɛ: «Sran ng'ɔ nin min di like'n, ɔ'a kaci n kpɔfuɛ'n .»

Rɔmfuɛ Mun 16:20

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

Rɔmfuɛ Mun 8:33

?Wan yɛ ɔ kwla saci be bɔ Nyanmiɛn fali be'n be dunman-an? Nyanmiɛn yɛ ɔ bu be sran kpa-a.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

Jude 1:23

an `de be kɛ sran tɔ sin nun-ɔn be de i'n sa. An `wun wie'm be kusu be aunnvuɛ, sanngɛ an `nian amún wun, afin sɛ e kwla se kɛ be nzuɛn tɛ'n ti tralɛ fiɛn'n, wuun an klo-mɛn i mlɔnmlɔn .

Jude 1:9

Sanngɛ i nun nga anz kpɛnngbɛn Misɛl nin mmusu'm bé si Satan be ´kpli Moiz fuɛn'n, bɔ be ´si akplowa'n, anz sɔ'n ɔ'a kwla kɛn-mɛn i ndɛ tɛ, sanngɛ ɔ seli i kɛ: «Min Min'n ko wun wɔ !»

Sa nglô yile 17:14

Be nin Bua Gbanflɛn'n be ´kun, sanngɛ Bua Gbanflɛn'n nin be nga ɔ flɛli be'n, b'ɔ fali be'n, bɔ be fa bé wun mɛntɛn i kpa'n, be ´kwla be blu sɔ'n, afin i yɛ ɔ sie be kwlaa nga be sie sran'n nin famiɛn mun-ɔn .»