Zakari 3:1 - NYANMIƐN NDƐ'N 1998

¹ Anannganman'n fali Nyanmiɛn nyrun jranfuɛ'm bé su kpɛn Zozie kleli min. Ɔ nin Anannganman i anz'm be jinjin lɛ. Satan kusu jin i sa fama su, ɔ kunndɛ kɛ ɔ ´sɛnmɛn i.

Zakari 3:1 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

1 Be Nyoliɛ 21:1

Satan jasoli Izraɛl'n i wun, yɛ ɔ suli David bo kɛ ɔ ka Izraɛlfuɛ mun.

2 Be Nyoliɛ 29:11

Amun liɛ'n, min mma mun, nán amun yo sa su kpafuɛ mun kun. Amun yɛ Anannganman fali amun kɛ amun jrɛn i nyrun nan amun sɔ i, nan amun di i junman'n, nan amun yra ansans be mɛn i nin-ɔn.»

Ɛsdras 10:18

Nyanmiɛn nyrun jranfuɛ nga be jali nvle nun bla mun yɛ: Maazeza, Eliezɛr, Zarib, ɔ nin Gɛdalia. Be wie ti Zozadak i wa Zozie i mma mun, be wie kusu ti i niaan mun.

Ɛsdras 2:2

Kɛ be ba'n, be nga be dun mmua be nyrun mun yɛ: Zorobabɛl, Zozie, Neemi, Sɛraza, Reelaza, Mardose, Bilsan, Mispar, Bigvai, Rɛɔm, ɔ nin Baana. Izraɛl awlobo kunngun'm be dunman mun yɛ:

Ɛsdras 5:2

Yɛ Sealtiɛl i wa Zorobabɛl, ɔ nin Zozadak i wa Zozie, bé bo yoli kun nan b'a man Nyanmiɛn i sua'n b'ɔ o Zerizalɛm'n i kplanlɛ'n su ekun. Nyanmiɛn nuan ijɔfuɛ'm be jrannin be sin yɛ be ukali be .

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Jue Mun 109:6

Nga be kan yɛlɛ kɛ: «Man be fɛ i man sran wlɛfuɛ wie man ɔ sie i, man sran suɛn tɔnfuɛ kun jrɛn i fama su lɛ.

Zeremi 15:19

Anannganman'n tɛli su kɛ yoo: «Sɛ a sa ɔ sin ba min wun'n, n ´fa wɔ n ´sie ɔ osu laa'n nun. Sɛ a sie like ng'ɔ ti kpa nin ng'ɔ ti-man kpa'n be afiɛn ngbaciɛ'n, wɔ yɛ a ´kan min nuan ndɛ-ɔ. Zidafuɛ'm be yɛ be ti bɔ be sa bé sin ɔ wun-ɔn. Nán wɔ yɛ a ti bɔ a sa ɔ sin bé wun-ɔn.

Ezekiɛl 44:11

Mín sua'n nun lɔ be junman liɛ nga be ´di'n yɛlɛ anuan su jranlɛ nin junman wafa-wafa wie mun. Be ´kpɛ nnɛn nga be fa yi tɛ bɔ be yra be nnɛn'n kɔlikɔli'n nin tɛ kun mun be nnɛn'm be kɔmin. Be liɛ'n, be ´dun mmua sran'm be nyrun be ´uka be.

Ezekiɛl 44:15

«Min nyrun jranfuɛ bɔ be ti Levifuɛ mun'n, bɔ be fin Zadɔk osu nun'n, be liɛ'n, be niannin n sua i su mmla'm be su kpa blɛ nga bɔ Izraɛlfuɛ'm be kaci be sin be sili min Anannganman'n. I sɔ'n ti, be kunngba cɛ yɛ be ´kwla jran min nyrun be ´man min nnɛn lui nin nnɛn mmoja nin-ɔn.» Anannganman Nyanmiɛn yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Aze Kannin'n 1:1

Kɛ Dariis trannin famiɛn bia su'n, i afuɛ nnyɔn'n i anglo nsiɛn'n i cɛn klikli'n su'n, Anannganman kannin ndɛ kleli Aze b'ɔ ti i nuan ijɔfuɛ'n. I waan ɔ `se Sealtiɛl wa Zorobabɛl b'ɔ sie Zida'n ɔ nin Zozadak wa Zozie b'ɔ ti Nyanmiɛn nyrun jranfuɛ'm bé su kpɛn'n be kɛ:

Ndɛ Nga Nyanmiɛn I Nuan Ijɔfuɛ Aze Kannin'n 1:12

Sealtiɛl wa Zorobabɛl nin Zozadak wa Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be fali Anannganman be Nyanmiɛn'n i nuan su ndɛ ng'ɔ fa wlali i nuan ijɔfuɛ Aze nuan kɛ ɔ `kan kle be'n su. Ɔ man srɛ kunnin be Anannganman wun.

Ndɛ Nga Nyanmiɛn I Nuan Ijɔfuɛ Aze Kannin'n 2:4

I ti Zorobabɛl, mian ɔ́ nyin, Zozadak wa Zozie, wɔ bɔ a ti min nyrun jranfuɛ'm bé su kpɛn'n, tra wɔ anwlɛn! Amun kwlaa nga amun wo Izraɛl mɛn'n nun'n, amun `tra amun anwlɛn yɛ amun `di junman'n, afin m bɔbɔ min Anannganman bɔ n sie mɛn wunmuan'n, n jin amún sin. M bɔbɔ min yɛ n fua n kle amun sɔ-ɔ.

Zakari 1:13

Kpɛkuun Anannganman'n tɛli anz sɔ'n su klanman, ɔ man i wla guali ase.

Zakari 1:9

Yɛ n usɛli i kɛ: «?Min Min, nnɛn kpanngɔ sɔ'm be ti nguɛ nzɔliɛ?» Nan anz ng'ɔ nin min koko yalɛ'n ɔ'a se min kɛ yoo: «N wa kan kle wɔ.»

Zakari 2:3

Kpɛkuun Anannganman'n fali blalɛ bofuɛ nnan kleli min.

Zakari 3:8

«Zozie, wɔ bɔ a ti min nyrun jranfuɛ'm bé su kpɛn'n, a nin ɔ wiengu nga be uka wɔ'n, sa ng'ɔ su wa ba'n, amun yɛ amun ti i nzɔliɛ like nin-ɔn, n su wa fa min sufuɛ nga be flɛ i anyɛn'n m ´ba .

Zakari 4:14

Yɛ ɔ seli min kɛ: «Sran nnyɔn nga be guali be ti su ngo bɔ be su asiɛ wunmuan sufuɛ'm be Min'n, be-ɔ .»

Zakari 6:11

Fa jɛtɛ ufue nin sika ɔkwlɛ fa yo kle nan fa wla Zozadak i wa Zozie b'ɔ ti Nyanmiɛn nyrun jranfuɛ'm be su kpɛn'n i ti.

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

JÉSUS-CHRIST I DYASIN FE'N BO LUC KLELI'N 22:31

Yɛ e Min'n seli Simɔn kɛ: «Simɔn, Simɔn, nian Satan srɛli amún wun atin, i waan ɔ ´sa amun nian .

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Mmla'n 18:15

Anannganman amun Nyanmiɛn'n ɔ wa man amun i nuan ijɔfuɛ kun kɛ min sa b'ɔ ti amun nvle'n nunfuɛ. Amun `fa ndɛ ng'ɔ ´kan'n su.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

1 Samiɛl 6:20

Be waan: «Nga, sran fi jran Anannganman nyrun-ɔn, ɔ yo-man ye, afin ɔ ti Nyanmiɛn kun bɔ i nzuɛn nin klɔ sran liɛ'n ti-man kun. ?Yɛ wan yɛ e ´fa ko mɛn i nan ɔ'a jaso é wun wa-a?»