Zakari 2:8 - NYANMIƐN NDƐ'N 1998

⁸ Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

Zakari 2:8 ပူးပေါင်းရင်းမြစ်များ

Bo Bolɛ 20:6

Yɛ laliɛ kunngba sɔ'n nun Nyanmiɛn tɛli i su kɛ: «M bɔbɔ n si kɛ w'a bu-man akunndan tɛ yɛ w'a yo-man sa tɛ bɔ n waan nán a yo'n i ti yɛ m'an kplin-man su kɛ a nin Sara be si sua nin-ɔn.

2 Famiɛn Mun 24:2

Yɛ Anannganman man Babilɔni sonja akpasua wie mun, nin Siri sonja akpasua wie mun, ɔ nin Amɔn sonja akpasua wie'm be fali alɛ wlali Zozakim nin Zidafuɛ'm be sin. Be sacili Zida mɛn'n kɛ Anannganman fa wlɛli i sufuɛ bɔ be ti i nuan ijɔfuɛ'm be nuan bɔ be kannin'n sa.

Jue Mun 17:8

Sasa min kɛ ɔ nyinma'n sa. Fa ɔ ndɛwa'n kata min su man n trɛn i fɔnvɔ'n bo.

Nyanndra Mun 7:2

Sɛ a fa min ngwlɛlɛ ndɛ'm be su-ɔ a lɛ nguan. Min ndɛ nga n kan kle wɔ'n, fa be sie kpa. Sasa be kpa kɛ a fa sasa ɔ nyinma'n sa.

Ezai 49:19

Amun lika bɔ b'a bubu'n, amun klɔ'n bɔ ɔ'a bo'n, amun mɛn'n bɔ ɔ'a saci'n, ɔ cɛ kaan-an, i nunfuɛ'm be su sɔn-man nun kun, yɛ be nga be yo bɔ amun nunnun'n, be ´kɔ mmua.

Zeremi 12:14

Ndɛ nga Anannganman'n kɛnnin i Izraɛl i tranfuɛ tɛtɛ'm be wun'n yɛ: «Be sa kannin mɛn nga n fa mannin min nvle Izraɛlfuɛ mun'n b'ɔ ti be aja'n. N ´tu be be asiɛ'n su. Yɛ n ´tu Zidafuɛ mun be afiɛn lɛ wie.

Zeremi 27:7

Nvle'm be kwlaa be ´su i nin i wa'n, ɔ nin i anunman'n. Be ´su be lele san nvle nga b'a tin'n nin famiɛn dandan mun be ´fa be mɛn liɛ'n kusu.

Ezekiɛl 25:12

«Anannganman Nyanmiɛn wan yoo: ‹Edɔmfuɛ'm bé tuli be klunngbɔ Zida nvle'n su tɛtɛ kpa, lɛ'n yɛ ɔ kle kɛ be yoli tɛ nin-ɔn.

Ezekiɛl 25:15

«Anannganman Nyanmiɛn wan yoo: ‹Filistifuɛ'm be tuli be klunngbɔ. Be kpɔfuɛ'm bé wun bɔ yo be tɛ dan sa ti'n be tuli be klunngbɔ kekle kpa be su nan b'a nunnun be, afin nan ndɛ sa yɛ be nin be sɔli su-ɔ.

Ezekiɛl 26:2

«Klɔ sran, Tirfuɛ'm be yo Zerizalɛm finfin be se kɛ: ‹Klɔ bɔ sran kwlaa sin su'n, ɔ'a bubu. Siɛn'n bɔ Zerizalɛm ɔ'a bubu'n, junman ng'ɔ di'n ɔ'a ka e sa nun. Ɔ ´yo nvuɛn, yɛ e klɔ liɛ'n kusu ´yi.

Ezekiɛl 26:20

N ´fa wɔ n kɔ blɔlɔ lɔ a to be nga be wuli'n be lɔ. A wa ka mɛn ng'ɔ wo asiɛ'n i bo lɔ'n nun kɛ lalafuɛ klɔ nga be sacili'n sa, a wa to be nga be dun mmua be wuli ɔ nyrun'm be lɔ. A su kwla fite-man gua su wa kun. A su tran-man asiɛ nga sran'm be tran su wa'n su wie kun.

Ezekiɛl 35:5

A yaci-man Izraɛlfuɛ'm be kpɔlɛ. Kɛ be kwlali be'n, blɛ bɔ be waan be ´jran be nzuɛn tɛtɛ'n, yɛ a fali alɛ'n yili be su-ɔ.

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 38:11

A wa se kɛ: ‹N ´jaso mɛn ng'ɔ ti diin'n i wun. N ´utu be nga be o be o lɛ diin'n, bɔ be o be tranwlɛ'm be nun be klun titi-man be'n, bɔ be tran klɔ bɔ talɛ nun-man bé wun nan se kɛ anuan nin gboklo yɛ be lɛ i'n be su'n.

Ezekiɛl 38:14

I sɔ'n ti'n, klɔ sran, kan mín nuan ndɛ'n kle Gɔg. Se Gɔg kɛ Anannganman Nyanmiɛn wan yoo: ‹Cɛn nga Izraɛl b'ɔ ti min nvle'n ɔ tran fɔuun'n, a wa ti.›

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Amɔs 1:13

Anannganman'n wan yoo: «Amɔnfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Be mɛn bɔ be kunndɛ kɛ ɔ trɛ'n i dunman nun ti be kpacili Galaad bla wunnzɛfuɛ'm be klun.

Amɔs 1:9

Anannganman wan yoo: «Tirfuɛ bé sa tɛtɛ nga b'a yo'n sɔnnin. Anuansɛ ng'ɔ o be nin be niaan Izraɛlfuɛ'm be afiɛn'n, b'a bu-man i akunndan. Be trali klɔ'n wie'm be sufuɛ'm be kwlaa be fa ko mannin Edɔmfuɛ mun. Ɔ man e nin be y'a nyɛn i .

Mise 4:11

Kɛ e ´se yɛ'n, mɛnfuɛ nga bé bo ɔ'a yo kun amún wun'n be sɔnnin. Be ijɔ be se kɛ: «Man Izraɛl sokpa nan e niɛn i.»

Mise 5:6

Zakɔb osu nunfuɛ nga be ka lɛ'n be ti'n, nvle kpanngban nga Izraɛlfuɛ sɔ'm be wo be afiɛn'n be yo kpa, kɛ ninnge bɔ bɔlɛ gua be su'n sa. Izraɛlfuɛ sɔ'm be ti nvle kpanngban sɔ'm be ´yo kɛ ijre bɔ nzue tɔ su'n sa. Nán sran yɛ man nzue sɔ'n tɔ-ɔ, i bɔbɔ i klun klo yɛ ɔ tɔ-ɔ .

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Abakik 2:17

Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Abakik 2:8

Mɛn nga amun fɛnnin be nun ninnge'm be sɔnnin. Kɛ amun ko kun sran'n, amu'an kun i. Sa kekleekle nga amun yoli be mɛn'n nun nin klɔ'm be su'n, ɔ nin be su sran'm be su'n ti, be nga be o lɛ'n be kusu be wa fɛn amún bo ninnge liɛ'n wie.

Sofoni 2:8

«Nzowa nga Moabfuɛ'm be kpɛli min sran mun'n, asanse nga Amɔnfuɛ'm be dili be'n, n tili. Blɔlɛ nga be bɔbɔ be blɔ kɛ be lika liɛ'n i kpa tra Izraɛlfuɛ'm be lika liɛ'n, n tili.

Zakari 2:11

Siɔnfuɛ mun, an `wanndi be bla, amun bɔ an tran Babilɔni klɔ'n su'n, an `wanndi ndɛndɛ be bla.»

Zakari 2:9

M bɔbɔ n ´fa sin m bo sin yia amun n ´si amun wun kɛ awa sa. N kunngba'n, n ´yi min anyrunnyan'n i nglo lɔ.› » Anannganman'n yɛ ɔ kan sɔ-ɔ.

Zakari 8:5

Gbanflɛn mun nin talua kpanngban be wa kan klɔ nun akpɔ'm be nun ngowa ekun.»

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

Jean 14:26

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Jean 17:18

Kɛ a fa sunman min mɛn'n nun'n, n kusu n fa sunmannin be mɛn'n nun sɔ.

Sa nga bé yôli'n 9:4

Ɔ tɔli, yɛ ɔ tili sran kun nɛn. Sran sɔ'n ɔ seli i kɛ: «?Sɔl, Sɔl, nguɛ ti yɛ a kle n yalɛ sɔ-ɔ?»

Mmla'n 32:10

Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

2 Tɛsalonikfuɛ Mun 1:6

Nanwlɛ, Nyanmiɛn wa yo sa ng'ɔ ti su'n, ɔ ´kle be nga be kle amun nyrɛnnɛn'n be nyrɛnnɛn wie,

1 Jean 4:14

E wun kɛ e Si sunmɛnnin i Wa'n mɛn'n nun kɛ ɔ wa de sran mun yɛ man e kan-an.