Zakari 2:6 - NYANMIƐN NDƐ'N 1998

⁶ Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Zakari 2:6 ပူးပေါင်းရင်းမြစ်များ

Bo Bolɛ 19:17

Kɛ be fali be ko sieli i lɔ'n, kun seli Lɔt kɛ: «Wanndi kɔ nan w'a nyan ɔ́ ti. Ɔ kɔlɛ su'n, nán nian ɔ sin, nán jran lika fi wa asa'n su. Wanndi kɔ oka'n bo lɔ nan w'a wu-man.»

Jue Mun 44:2

Ee Nyanmiɛn, sa dandan nga a yoli be e nannan'm be blɛ su lalafuɛ nun'n, e si'm be kan kleli ye, e tili.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Ezai 55:1

Amun kwlaa nga nzue we kun amun'n, amun `bla, nzue o wa! Kannzɛ bɔ sika nun-man amún sa nun o, amun bla be wa fa like be di, be yi-man nun dein. Amun bla be wa fa nzan nin nɔnnɔn, sika fite-man nun, be to-man .

Zeremi 1:14

Yɛ Anannganman'n seli min kɛ: «Nyrɛnnɛn ng'ɔ ´tɔ amun mɛn'n nunfuɛ'm be kwlaa be su gbuun'n, ɔ ´fin nglo lɔ lika nun yɛ ɔ ´ba-a.

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 31:10

«Nvle kun nga mun, ndɛ nga Anannganman'n kan'n, an `sie amun su tie nan an `ko kan kle mɛn nga be o jenvie'n i kɔmin sin mmua lɔ'n. An `se be kɛ: ‹Sran nga man Izraɛlfuɛ'm be bo sanndili'n, ɔ su yiayia be nan ɔ ´nian be su kɛ bua sunianfuɛ'n niɛn i bua'm be su'n sa.›

Zeremi 31:38

Anannganman'n waan: «Cɛn wie lele be ´kplan Zerizalɛm klɔ'n Anannganman i dunman'n ti. Be ´bo i bo Ananeɛl i sasawlɛ sua'n wun lɔ be ´fa ju cɔnjɔ'n su anuan'n nun.

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Zeremi 50:8

An `wanndi, an `fin Babilɔni mɛn'n nun fite. An `fin mɛn sɔ'm be nun fite. An `fite kɛ boli kpakpuɛ wie bɔ sɛ be ´kɔ lika-a be dun be wiengu'm be nyrun'n sa .

Zeremi 51:45

Min nvlefuɛ mun, an `jaso lɔ. Man sran kun kpli i bɔbɔ i ti. An `jaso min ya dan'n i bo.

Zeremi 51:50

Amún nga kusu bɔ b'a nyan-man amun b'a kun-man amun'n, an `wanndi be wɔ, nán an ka amun osu'n nun lɛ. Sanngɛ kan kwlaa bɔ amun wo'n, nán amún wla fi Anannganman'n. Man Zerizalɛm i ndɛ lo amun.»

Zeremi 51:6

An `wanndi Babilɔni lɔ be bla. Amun kwlaa be `wanndi. Nán be kun amun ngbɛn bé sa tɛ'n ti. Anannganman i klunngbɔ tulɛ blɛ'n yɛ ɔ'a ju yɛ. Sa nga Babilɔni fa yoli i wiengu mun'n, Anannganman ɔ ´yi be mɛn i .

Ezekiɛl 11:16

I sɔ'n ti se be kɛ: ‹Anannganman Nyanmiɛn'n wan yoo: N yoli man amun bo sanndili mɛnmɛn'm be nun. Blɛ kaan nga amun ´di i lɔ'n, n ´sasa amun kɛ amun wo min sua'n nun sa.›

Ezekiɛl 17:21

I alɛ kunfuɛ kpakpa'm be ´tɔ alɛ nun, yɛ be nga be ka lɛ'n, be ´bo be sanndi lika'm be nun. Yɛ amun wa si jrɛiin kɛ min Anannganman min yɛ n kan ndɛ'n nin-ɔn.»

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Daniɛl 11:4

Ɔ nin i sɔ'n kwlaa'n, kɛ ɔ ko nyan manndran'n, i kwlalɛ b'ɔ kwla'n ɔ ´wie, i famiɛn diwlɛ'n i nun wa bubu nnan. Nɛ́n i osu'n nun sran yɛ ɔ ´trɛn i ja nun-ɔn. Sran ngbɛn mun yɛ be wa fa lika nin-ɔn. Sanngɛ be wunmiɛn liɛ'n su ju-man kɛ i liɛ'n sa.

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Zakari 1:16

Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 2:7

Kpɛkuun anz ng'ɔ nin min koko yalɛ'n wunngeli anz kun wun lɔ, kɛ ɔ ´yo sɔ'n wuun i kusu su ba.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Marc 13:27

N ´sunman min anz mun, be wa yia be bɔ Nyanmiɛn fali be bɔ be o mɛn wunmuan nun'n kɛ ɔ fin asiɛ'n i awieliɛ lɔ lele fa ju nyanmiɛn'n i awieliɛ'n lɔ.»

Mmla'n 28:64

Anannganman ´fa amun ´sanndi nvle'm be kwlaa be nun kɛ ɔ fɛ i asiɛ'n i bue kun b'ɔ fa ju i bue kun ekun lɔ'n. Kpɛkuun amun wa sɔ amuɛn wie mun bɔ amun nannan'm b'a si-man be nan ´se kɛ amun bɔbɔ'n . Amuɛn sɔ'm be ti waka nin yɛbuɛ.

Sa nglô yile 18:4

Yɛ n tili sran kun ekun nɛn nyanmiɛn su lɔ, ɔ seli kɛ: «N sran mun, an `fin klɔ'n nun fite nan amu'an yo-man sa tɛ ng'ɔ yo'n wie, an fite nan nyrɛnnɛn ng'ɔ wa tɔ i su'n ɔ'a tɔ-man amun su wie .

Rit I Wun Ndɛ 4:1

Bɔaz ɔli ko trannin klɔ'n i anuan'n nun lɛ kan be siesie ndɛ lɛ'n. Ɔ ´nian-an, Elimelɛk i aja difuɛ ng'ɔ kɛnnin i ndɛ'n yɛ ɔ ´sin yɛ, yɛ ɔ flɛli i-ɔ. I waan: «Bla a gua ase.» Yɛ ɔ ´ba ɔ wa tran ase-ɔ.