Zakari 2:4 - NYANMIƐN NDƐ'N 1998

⁴ N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

Zakari 2:4 ပူးပေါင်းရင်းမြစ်များ

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ezai 33:20

Amun `nian Siɔn b'ɔ ti ye anyia klɔ'n. Amun wa wun kɛ Zerizalɛm klɔ'n ti tranwlɛ b'ɔ ti diin. Ɔ ti-man tannin sua nan b'a tu i bo. Be su tutu-mɛn i kpɛngbɛ'm be bo le. Be su nyanji-mɛn i nyanman mun.

Ezai 44:26

Ndɛ nga min sufuɛ'm be kan'n, n jran su. Yɛ sa nga min sunmanfuɛ'm be jaja'n, n yiɛ i nuan.» N se kɛ: «Sran'm be ´tran Zerizalɛm klɔ'n nun ekun.» Yɛ n se ekun kɛ: «Zida klɔ'm be kusu, be ´kplan be uflɛ.» M ´man be talɛ nga be bubuli'n be su ekun.

Ezai 49:20

Ba'm bɔ be wuli be amun sin'n, be ´se amun kɛ: ‹Lika'n ti kaan, ɔ ju-man ye, amun `su siɛn nan e `nyan tranwlɛ.›

Ezai 54:16

Amun `nian, min yɛ n yi blalɛ bofuɛ'n b'ɔ trɔ sin'n ɔ fita nun fa yi alɛ ninnge kwlaa nga i waan ɔ ´yi nin-ɔn. Yɛ kusu n kunngba'n min yɛ n yili ninnge sɔ'm be sacifuɛ'n kɛ ɔ saci be-ɔ.

Zeremi 1:6

N tɛli su kɛ: «Ee min Min Anannganman, n ti bakan n si-man ijɔ .»

Zeremi 31:24

Zida klɔ'n sufuɛ'm be kwlakwla, i fie difuɛ mun o, i nnɛn kankanfuɛ bɔ be wlan sin mun o, be ´ko tran lɔ.

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Zeremi 33:22

N ´yo man David b'ɔ ti min sufuɛ'n i osu nunfuɛ mun nin Levifuɛ nga be su min'n be trɛ lelele. Be ´yo kɛ nyanmiɛn su lɔ nzraama mun nin jenvie nuan aunnyan'n bɔ sɛ sran waan ɔ ´ka be-ɔ ɔ yo-man ye'n sa.»

Ezekiɛl 38:11

A wa se kɛ: ‹N ´jaso mɛn ng'ɔ ti diin'n i wun. N ´utu be nga be o be o lɛ diin'n, bɔ be o be tranwlɛ'm be nun be klun titi-man be'n, bɔ be tran klɔ bɔ talɛ nun-man bé wun nan se kɛ anuan nin gboklo yɛ be lɛ i'n be su'n.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Daniɛl 1:4

I waan man be yo gbanflɛn bɔ fɔ kaan sa nun-man be wunnɛn'n su, bɔ be nyrun'n ti klanman, bɔ be ti akunndanfuɛ nin ngwlɛlɛfuɛ mun, bɔ be si like, bɔ be kwla di junman i awlo nun'n. I waan be `kle be Babilɔnifuɛ'm be aniɛn'n nin be fluwa'n.

Mise 7:11

Cɛn wie lele be si amun klɔ'n i wun talɛ'n ekun. I sɔ cɛn'n nun'n, be ´trɛ amun mɛn'n nun .

Zakari 1:16

Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 1:17

Kan gua su kɛ: ‹Anannganman b'ɔ sie mɛn wunmuan'n waan: Min klɔ'n su ninnge'm be wa yo ye. N ´fɔnvɔ Siɔn, n ´fɛ i n ´fa yo min liɛ ekun kɛ laa'n sa.› »

Zakari 12:6

I sɔ blɛ nun'n, n ´yo man Zida kpɛnngbɛn'm be ´yo kɛ yie kwle bɔ sin ɔ'a tɔ nun b'ɔ su yra'n sa. Be ´yo kɛ ijre kee bɔ sin ɔ'a tɔ nun b'ɔ su jue'n sa. I sɔ sin liɛ'n, ɔ ´didi nvle nga be mantan-mantan be lɛ'n mun, sanngɛ Zerizalɛmfuɛ'm be ´ka be osu'n nun lɛ.»

Zakari 14:12

Nvle nga be sonja mun bɔ be nin Zerizalɛmfuɛ'm be ´ba kunlɛ'n, sa nga bɔ Anannganman ´fa wla be nun'n yɛ. Bé wunnɛn'n ´kplɔ sanngɛ wuun bé nyin tɛ o su. Be nyinma'n ´kplɔ bé ti nun, be taaman'n ´kplɔ bé nuan nun.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.