Zakari 2:12 - NYANMIƐN NDƐ'N 1998

¹² Anannganman b'ɔ sie mɛn wunmuan'n yɛ ɔ sunmannin min be nga be fɛnnin amún bo ninnge'm bé wun wa-a. Ɔ fali ndɛ cinnjin kun wlali mín nuan kɛ n `kan kle be. I waan n `se be kɛ: «Sran ng'ɔ kan amun'n, wuun ɔ'a fɛ i sa ɔ'a wɔ mín nyin su.

Zakari 2:12 ပူးပေါင်းရင်းမြစ်များ

2 Be Nyoliɛ 6:6

Siɛn'n, m'an kpa Zerizalɛm klɔ'n kɛ min dunman'n `tran su, yɛ David yɛ m'an kpɛ i kɛ ɔ tran min nvle'n su nan ɔ dun mmua i nyrun-ɔn.›

Ɛstɛr 6:13

Aman kannin sa ng'ɔ juli'n kleli i yi Zeres nin i bɔbɔ i janvuɛ'm be kwlaa. I afɔtuɛ manfuɛ sɔ mun nin i yi Zeres be seli i kɛ: «Kɛ Mardose bɔ i ti ɔ́ nyin ɔ'a gua ase yɛ'n ti Zuif'n ti'n, a su kwlɛ-mɛn le. San tɔlɛ yɛ a ´tɔ i nyrun sa titi-ɔ.»

Jue Mun 105:15

Ɔ seli be kɛ: «Nán an kan min sran bɔ n kpali be mun. Nán an yo mín nuan ijɔfuɛ'm be tɛtɛ.»

Jue Mun 132:13

Afin Siɔn lɔ yɛ Anannganman niannin lele kleli kɛ ɔ ´tran-an.

Jue Mun 132:14

I waan: «Wa ti min wunmiɛn dewlɛ lika tititi. N ´tran wa, afin wa yɛ tranlɛ yo min fɛ-ɔ.

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Jue Mun 33:12

Be nga Anannganman ti be Nyanmiɛn'n, be liɛ su ti ye! Sran nga Anannganman ko fa be kɛ ɔ ´fa be yo i liɛ'n, be liɛ su ti ye!

Jue Mun 82:8

Ee Nyanmiɛn, di mɛn'n i nunfuɛ'm be jɔlɛ, afin nvle'm be kwlakwla be nunfuɛ'm be ti ɔ liɛ.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 17:14

Kɛ nnɔsua wa ju'n, srɛ kun be, nglɛmun'n kɛ aliɛ'n ɔ wa cɛn'n, be wun-man be kun. Agualiɛ ng'ɔ ´gua be nga be fɛn é bo ninnge mun'n, bɔ be saci e bo ninnge mun'n yɛ ɔ o lɛ-ɔ .

Ezai 41:9

amun bɔ n ko fali amun asiɛ'n i awieliɛ lɔ'n, amun bɔ n ko flɛli amun mmua-mmua lɔ m bali'n, amun bɔ n seli amun kɛ: «Amun ti min sran mun, n kpali amun, n su yi-man amun blo,»

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 30:16

Sanngɛ sɛ n ´kwla se'n, be kwlaa nga be kpisali wɔ, be mɛnnin wɔ bi'n, be ´kpisa be be ´mɛn be bi wie. Be ´tra ɔ kpɔfuɛ'm be kwlaa be ´kɔ. Be nga be sacili ɔ́ bo ninnge mun'n, be ´saci be liɛ'n wie. Be nga be fɛnnin ɔ́ bo ninnge'n, n ´yaci be ninnge liɛ'n kusu lɛ man be ´fɛn.

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»

Zakari 1:17

Kan gua su kɛ: ‹Anannganman b'ɔ sie mɛn wunmuan'n waan: Min klɔ'n su ninnge'm be wa yo ye. N ´fɔnvɔ Siɔn, n ´fɛ i n ´fa yo min liɛ ekun kɛ laa'n sa.› »

Zakari 3:2

Yɛ Anannganman i anz seli Satan kɛ: «Satan, man Anannganman'n kle wɔ nun, afin i yɛ ɔ fali Zerizalɛm-ɔ. ?Kɛ Zozie o yɛ'n, ɔ ti-man kɛ yendre bɔ b'a tu i sin nun fo'n sa? »

Mmla'n 32:10

Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

Mmla'n 32:9

Anannganman i like liɛ ng'ɔ nyɛnnin i'n yɛlɛ Izraɛlfuɛ mun. Ɔ fali Zakɔb i osu nunfuɛ mun yoli i bɔbɔ liɛ.