Zakari 14:2 - NYANMIƐN NDƐ'N 1998

² N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Zakari 14:2 ပူးပေါင်းရင်းမြစ်များ

Ezai 13:16

Sran wie'm be ´yi sran sɔ'n bé wa nɔnman'm be ase, be ´tiatia be su be bɔbɔ be nyrun lɛ, sran wie'm be nin sran sɔ'm bé yi mun be ´la kekle nun.

Ezai 4:3

I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 65:18

Man amun klun jɔ, yɛ man amún wun blibli amun cɛn'n kwlakwla like nga n wa yi be'n be ti. N wa yi Zerizalɛm kun bɔ i nun ɔ ´yo fɛ, yɛ n wa yi nvle kun bɔ i nun sran nga be ´tran lɔ'n, be klun wa jɔ.

Zeremi 21:4

‹Anannganman b'ɔ ti Izraɛl Nyanmiɛn'n wan yoo: Amun sonja nga alɛ ninnge'n wo bé sa nun bɔ be jin klɔ'n wun talɛ'n sin be nin Babilɔnifuɛ'm be ´kun yɛ'n, n wa yo man siɛn'n klɔ'n nun wa yɛ be ´jran be kun-ɔn.

Zeremi 34:1

Kɛ Nɛbikadnɛzar b'ɔ ti Babilɔni famiɛn'n nin Zerizalɛmfuɛ mun, nin Zida klɔ kun nga mun be nunfuɛ mun be ´kun alɛ'n yɛ Anannganman'n kannin ndɛ ng'ɔ o yɛ'n kleli Zeremi-ɔ. Nɛbikadnɛzar nin i sonja'm be kwlaa nin asiɛ'n su famiɛn diwlɛ'm be kwlaa be nunfuɛ mun, ɔ nin nvle nga be su i'n be nunfuɛ mun yɛ be boli alɛ sɔ'n i kunlɛ bo-ɔ. Ɔ seli i kɛ:

Ngwlɛ Yilɛ 1:10

I kpɔfuɛ'n ɔ fɛli i sa sieli i ninnge kpakpa'n kwlaa su. Minniɛn nga Nyanmiɛn tanninnin be kɛ nán be wlu i sua nun'n, be wluli nun i bɔbɔ nyrun lɛ sa weiin .

Ezekiɛl 5:8

I sɔ'n ti, Zerizalɛmfuɛ mun, e nin amun y'a nyɛn i. Amun fɔ nga n wa tu amun'n, ɔ wa yo klɔ'n i afiɛn kpa sa, kɛ ɔ ´yo nan nvle uflɛ'm b'a wun i'n ti.

Zoɛl 3:2

Yɛ cɛn sɔ'm be nun'n, n ´fa n Wawɛ'n m ´man afanniɛn yasua mun nin afanniɛn mmla mun.

Amɔs 7:17

I waan: ‹I sɔ nga a kɛn i lɛ'n ti'n, ɔ́ yi'n ɔ wa si tekle sin klɔ'n nun. Ɔ mma mmla mun o, yasua mun o, be ´kun be. Be ´fa nyanman be ´sunnzun ɔ fie'n be ´cɛ nun be ´fa. Ɔ bɔbɔ kusu, mɛn nga be su-man Nyanmiɛn nun'n, lɔ yɛ a ´ko wu-ɔ. Be wa tra Izraɛl nvle'n be ´fa, Izraɛlfuɛ'm be ´jaso be mɛn liɛ'n nun be ´kɔ mmua kpa.› »

Zakari 12:2

I waan: «N wa yo man Zerizalɛm ´yo kɛ ondoman sa, min ya'n bɔ n fa sunnzun nzan'n, ɔ ´yi i. Kpɛkuun nvle nga be mantan lɛ'n, be kwlaa be ´nɔn be ´bo. Ɔ ´bo Zidafuɛ mun bɔbɔ blɛ nga be kpɔfuɛ'm be wa sin yia Zerizalɛm'n.

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 12:9

Anannganman waan: «I sɔ blɛ nun'n, nvle nga be nin Zerizalɛm be waan be ´kun'n, n ´nunnun be kwlaa.

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.

Marc 13:14

«Amun ´wun Tete Like'n kɛ ɔ o lika ng'ɔ fata-man kɛ ɔ tran nun'n i nun. Man sran ng'ɔ kanngan ndɛ sɔ'n ɔ bu i akunndan. Kɛ an wun i sɔ'n, man be nga be o Zide lɔ'n be wanndi wɔ oka'm bé su .

Marc 13:19

Afin blɛ sɔ'n wa yo nyrɛnnɛn blɛ kun bɔ kɛ ɔ fin lalaa bɔ Nyanmiɛn yili mɛn'n lele b'ɔ ´fa ju ndɛ'n, i wunsu nian yo-man le, yɛ i wunsu su yo-man kun le .

JÉSUS-CHRIST I DYASIN FE'N BO LUC KLELI'N 2:1

Blɛ sɔ'n nun, famiɛn Sezar Ogist waan be `klɛ sran nga be o i mɛn nun'n be kwlaa be dunman.