Zakari 13:8 - NYANMIƐN NDƐ'N 1998

⁸ Anannganman seli ekun kɛ yoo: «Be bu mɛn'n nun sran'm be nun nsan, bue nnyɔn be ´wu, bue kunngba yɛ ɔ ´ka lɛ-ɔ .

Zakari 13:8 ပူးပေါင်းရင်းမြစ်များ

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Ezai 66:24

«Yɛ kɛ be ´fin min sua'n nun ´fite'n, be wa wun be nga be yoli nyin kekle min su'm be saka mun. Afin asɔnniɛn nga be ´di saka sɔ mun'n be su wu-man, yɛ sin b'ɔ yra be'n, ɔ su nuan-man. Saka sɔ'm be ´yo sran'm be kwlaa be sro.»

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Ezekiɛl 20:38

N ´yi nyin keklefuɛ nga be o amun nun'n nin be nga be jasoli mín wun'n. Mɛn nga be ɔli nun'n, n ´fa be n ´jaso lɛ, sanngɛ be su sa-man bé sin Izraɛl asiɛ'n su kun. Yɛ amun wa si jrɛiin kɛ min yɛ n ti Anannganman nin-ɔn .

Ezekiɛl 5:12

Sɛ be bu amun nun akpasua nsan'n, akpasua kun ´wu tukpacɛ b'ɔ sa ndɛndɛ nin awe'n nun klɔ'n i afiɛn lɛ. Alɛ'n ´di akpasua kun klɔ'n wun koko lɛ lika'm be nun. Yɛ akpasua kun ng'ɔ ka'n, n ´yo man be ´bo ´sanndi mɛnmɛn'm be nun, kpɛkuun n ´fa min tokofi'n n ´su be su.

Daniɛl 9:27

Kɛ ɔ wa ju afuɛ nso kasiɛn'n i awieliɛ'n, ɔ wa mianmian sran kpanngban kpa. Kɛ ɔ di afuɛ nsan nin sin'n, ɔ wa tannin sraka yilɛ'n nin cɛlɛ yilɛ'm be atin. Like sacifuɛ sɔ'n, tete sa ng'ɔ wa yo be'n, be kwla kan-man. Ɔ ´yo i sɔ lele ɔ ´fa ju cɛn nga be kleli i kɛ i bɔbɔ saci'n.»

Amɔs 9:10

Sran nga be yoli sa tɛ min nvle'n nun'n be kwlaa, ɔ nin be nga be se kɛ: ‹Sa yalɛ nga a kɛn i ndɛ kɛ ɔ'a mantan ye lɛ'n, ɔ su tɔ-man e su'n,› alɛ'n ´di be sɔfuɛ mun!»

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 22:7

Famiɛn'n fali ya dan kpa nan ɔ'a sunmɛn i sonja mun kɛ be ko kun sran kunfuɛ sɔ mun nan be wɔ be klɔ'n nun.

Marc 13:20

Sɛ e Min Nyanmiɛn'n ɔ'a kpɛ-man cɛn sɔ'n su ɔ'a yo-mɛn i tika'n, sran fi su fite-man nun, sanngɛ ɔ ´yo i tika be b'ɔ fali be'n be ti.

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.