Zakari 13:4 - NYANMIƐN NDƐ'N 1998

⁴ I sɔ blɛ nun'n, be nga be tɔn be wun suɛn kɛ be ti min nuan ijɔfuɛ sɔ'm be aolia nun ninnge nga be wun i'n, i kanlɛ ´yo be nyannzuɛn. Ɔ su kpɛn-man be klun kɛ be `wla nnɛn ndrɛ tralɛ nan be `lakalaka sran mun kun.

Zakari 13:4 ပူးပေါင်းရင်းမြစ်များ

2 Famiɛn Mun 1:8

Be tɛli i su kɛ: «Sran sɔ'n, nyɔnngɔnmɛn ndrɛ tralɛ wlɛ i wun, kpɛkuun kplo kun ci i afiɛn.» Yɛ famiɛn'n waan: «Eli b'ɔ fin Tisbɛ nin-ɔn.»

Ezai 20:2

I blɛ sɔ'n nun yɛ Anannganman fali ndɛ wlɛli i Amɔz i wa Ezai i nuan kɛ ɔ kan nin-ɔn. Ɔ dun mmua seli i laa kɛ: «Ko yi bajɛ tralɛ b'ɔ ci wɔ afiɛn'n, yɛ yi ngbabua b'ɔ wo ɔ́ ja'n.» Ezai yoli i sɔ. Kɛ ɔ ´wlan-wlan sin'n, tralɛ nun-mɛn i wun, yɛ ngbabua nun-mɛn i ja.

Zeremi 2:26

Cɛn kun Izraɛlfuɛ'm be wa wun nyannzuɛn kɛ awiefuɛ bɔ b'a trɛ i'n sa, i sran ngbɛn mun o, i famiɛn mun o, i famiɛn i awlo lɔ sran dandan mun o, i Nyanmiɛn nyrun jranfuɛ mun o, i Nyanmiɛn nuan ijɔfuɛ mun o, be wa wun nyannzuɛn.

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»

Matthieu 3:4

Nyɔnngɔnmɛn ndrɛ tralɛ o Zan wun, yɛ kplo kun ci i afiɛn. Lalo nin wɛma nzue yɛ ɔ di-ɔ .

Marc 1:6

Nyɔnngɔnmɛn ndrɛ tralɛ o Zan wun, yɛ kplo kun ci i afiɛn. Lalo nin awɛma nzue yɛ ɔ di-ɔ .

Hébreu 11:37

Be fin be yɛbuɛ, be wlan-wlan be, be fa si be kpaci be nun, yɛ be fa tokofi kun be. Be wla bua nin boli kplo be kɔ wa kɔ wa, be nyan-man like fi, be wun nyrɛnnɛn, yɛ be yo be tɛtɛ.

Sa nglô yile 11:3

N yo man min ndɛ kanfuɛ nnyɔn'm be ´wla bajɛ tralɛ, be ´kan min ndɛ'n cɛn ba akpi kun cɛn ba ya nnyɔn cɛn ba ablesiɛn (1.260).»