Zakari 13:3 - NYANMIƐN NDƐ'N 1998

³ «Sran ng'ɔ di wlɛwlɛ kɛ ɔ ´ijɔ min nuan ekun'n, i si nin i nin nga be wuli i'n be ´se i kɛ yoo: ‹Kɛ bɔ a bua ato guɛ i Anannganman wun'n, wulɛ yɛ a ´wu-ɔ.› Ɔ man sɛ i si nin nin be ´nian nan ɔ su kɛn i ndɛ sɔ mun'n, be ´wɔ i cua be ´kun i.

Zakari 13:3 ပူးပေါင်းရင်းမြစ်များ

Zeremi 23:25

Ndɛ nga be nga be waan be ijɔ min nuan'n be kan'n, n tili. Be tɔn bé wun suɛn kɛ be ijɔ mín nuan. Be ko se kɛ: «N cɛnnin laliɛ kun, n cɛnnin laliɛ kun.»

Zeremi 23:34

Nyanmiɛn nuan ijɔfuɛ sɔ mun annzɛ Nyanmiɛn nyrun jranfuɛ sɔ mun, annzɛ nvle nunfuɛ ng'ɔ kan sa nga n ´fa yi be su'n i ndɛ'n, i sɔ sran liɛ'n, e nin i nin i awlofuɛ mun e ´yia nun.

Zeremi 28:15

Yɛ Nyanmiɛn nuan ijɔfuɛ Zeremi seli Nyanmiɛn nuan ijɔfuɛ Anania kɛ: ‹Anania, sie ɔ́ su tie, Anannganman'n ɔ'a sunman-man wɔ. W'a yo man sran'm b'a gua be wla ase ngbɛn.›

Ezekiɛl 13:23

Amun su kwla kpɛ-man amún ti nun se-man kɛ amu'an wun aolia nun ninnge kun. N ´de min sran mun amún sa nun. Kpɛkuun amun wa si jrɛiin kɛ min yɛ n ti Anannganman nin-ɔn.› »

Ezekiɛl 14:9

Sɛ min nuan ijɔfuɛ kun fɔn nan i bɔbɔ kan ndɛ wie'n, wuun ɔ ti kɛ m bɔbɔ min Anannganman yɛ n yoli ti yɛ man ɔ fɔnnin-ɔn. N ´yi min kwlalɛ bɔ n kwla'n i nglo i wun. N ´tu i Izraɛlfuɛ'm bɔ be ti min sran'n be afiɛn.

Ezekiɛl 43:7

Anannganman seli min kɛ: «Klɔ sran, wa yɛ n wa jin min famiɛn bia nin-ɔn, lika nga nun yɛ n ja'n ɔ wa tia-a. N ´tran nun lɛ adudua Izraɛlfuɛ'm be afiɛn. Izraɛlfuɛ mun nin be famiɛn'm be su saci-man min dunman fɛ'n ɔ nin be amuɛn tatrata sɔlɛ'n, nin be famiɛn'm be fuɛn nga be tru be amuɛn bo'm be nun'n kun.

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

JÉSUS-CHRIST I DYASIN FE'N BO LUC KLELI'N 14:26

«Sran ng'ɔ ba min sin'n, sɛ ɔ'a kpɔ-mɛn i si, i nin, i yi, i mma mun, i niaan mun, yɛ i bɔbɔ i wun'n, ɔ su kwla yo-man n sɔnnzɔnfuɛ.

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.

Mmla'n 18:20

Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 33:9

Be si mun nin be nin mun, nin be niaan mun, ɔ nin be mma mun'n, be ndɛ ɔ'a yo-man be cinnjin kɛ ɔ sa. Kɛ bɔ a ti cinnjin bé sa nun'n ti be trali ɔ ndɛ'n nun kpa. Be niannin aenguɛ nga a nin be trali'n su be nantili.