Zakari 13:1 - NYANMIƐN NDƐ'N 1998

¹ «I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Zakari 13:1 ပူးပေါင်းရင်းမြစ်များ

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 4:4

Kɛ Anannganman ko salo Siɔn lɔ bla'm bé wun fiɛn'n kɔ wie'n, kɛ ɔ ko salo Zerizalɛmfuɛ'm bé sran bɔ be kun be'n be mmoja'n ko wie'n, kɛ ɔ ko di jɔlɛ'n ko wie'n, kɛ ɔ ko nunnun sa tɛ'n ko wie'n,

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Zeremi 29:26

«Sofoni, Anannganman'n fali wɔ sieli i Zɛozada osu kɛ a `yo Nyanmiɛn nyrun jranfuɛ kɛ ɔ ko yo nan w'a nian Nyanmiɛn i sua'n su, nan sran nga be ijɔ finfin'n bɔ be blɔ bé wun kɛ be ti Nyanmiɛn nuan ijɔfuɛ'n, w'a ci be kwlaa nin jrɔkɔ, nan w'a wla be kɔmin kaa'n ti.

Zeremi 33:8

N ´salo bé wun fiɛn'n kwlakwla, sa nga b'ɔ man be nin min ye afiɛn fɔnnin'n, n ´salo be. N ´yaci bé sa tɛ mun n ´cɛ be. Sa tɛ nga b'ɔ man be nin min ye afiɛn fɔnnin'n, n ´yaci n ´cɛ be. Sa tɛ nga be yoli'n, nyin kekle bɔ be yoli min su'n, n ´yaci n ´cɛ be.

Ezekiɛl 36:17

«Klɔ sran, kɛ laa Izraɛlfuɛ'm be tɛ o be mɛn'n nun lɔ'n, be nzuɛn'n nin be aeliɛ'n ti, be sacili. Min nyrun'n, be nzuɛn'n ɔ yoli fiɛn kɛ bla mannza sa.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 36:29

N ´de amun amún sa tɛtɛ'm be kwlaa be nun. N ´yo man awe su kpɛn-man amun su kun. N ´yo man amun ble'n ɔ ´yo kpa, yɛ amun ´ti amún fie'm bé su mma kpanngban.

Ezekiɛl 47:1

Sran'n ɔ fali min sɛli i sin sua i anuan'n nun kan be wlu lɛ'n. N ´wun i-ɔ, kan be wlu lɛ'n, i bo lɛ nzue wie nyrɛn piaa. Wia afiliɛ lika nun Nyanmiɛn i sua'n i nyrun kan ala i nyin'n ɔ kpɛ wia afiliɛ lɔ'n, lɛ yɛ nzue sɔ'n ɔ nyrɛn-ɔn. Nzue'n ɔ sonji Nyanmiɛn i sua'n i ngua. I sin, ɔ sin Nyanmiɛn sɔwlɛ'n i ngua.

Saun Yolɛ 11:36

Sanngɛ sɛ nnɛn sɔ'm be nun kun i fuɛn'n tɔ sɛ nzue ba wie nun o, sɛ kusu nzue gbo wie nun o, nán amun se kɛ fiɛn ɔ'a kan nzue'n. Sran ng'ɔ yi nnɛn sɔ'n i fuɛn'n, i yɛ i sɔ fiɛn liɛ'n ´kan i-ɔ.

Mise 5:12

N ´nunnun amun amuɛn nga amun kplan be'n, nin amun waka sran mun. An su koto-man amun bɔbɔ amún sa nuan ninnge'm be bo kun.

Zakari 12:14

Awlo buɛ'n kwlaa nun be ´yo sɛ'n i ngunmin-ngunmin. Be nun bla'm be ´gua be liɛ lika kun.»

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 5:4

afin cɛn wie anz kun wa jra nzue sɔ'n nun, ɔ keje nun. Kɛ ɔ ko keje'n, sran ng'ɔ dun mmua jra nun'n, kɛ i tukpacɛ'n ti'n, ɔ wie.]

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

1 Piɛr 1:19

Sanngɛ Krist b'ɔ ti kɛ bua b'ɔ wa kpɛ cro sa'n bɔ lɛ fi nun-mɛn i wun'n, i mmoja'n b'ɔ ti kpa'n yɛ be fa toli amún ti-ɔ.

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 5:6

Sran ng'ɔ bali'n yɛlɛ Jésus-Krist. Kɛ ɔ bali'n, nzue nin mmoja yɛ man be sili i-ɔ. Nán nzue ngunmin yɛ man be sili i-ɔ, sanngɛ be nnyɔn nin-ɔn. Yɛ Nyanmiɛn Wawɛ'n seli kɛ ndɛ sɔ'n ti nanwlɛ, afin Wawɛ'n bɔbɔ ti nanwlɛfuɛ.