Zakari 12:4 - NYANMIƐN NDƐ'N 1998

⁴ I sɔ blɛ nun'n, n ´wla nnɛn kpanngɔ'm be srɛ. Kpɛkuun be nga be fu nnɛn kpanngɔ sɔ'm be su'n be ´yo kɛ bé nyin su ɔ'a tu sa. N ´nian Zidafuɛ'm be lika, kpɛkuun n ´si nvle kun nga'm be nnɛn kpanngɔ'm bé nyin mma.

Zakari 12:4 ပူးပေါင်းရင်းမြစ်များ

1 Famiɛn Mun 8:29

Kɔnguɛ o, wia nun o, nán ɔ́ nyin tu sua nga su, afin a dun mmua kannin kɛ: ‹N ´yi min wun nglo lɛ.› Tie min bɔ n ti ɔ sufuɛ'n min srɛwa bɔ n su srɛ wɔ lika nga nun wa'n.

2 Famiɛn Mun 6:14

Yɛ ɔ man sonja kpanngban kpa be ɔli lɔ. Kɛ be ´kɔ'n, be fali nnɛn kpanngɔ mun ɔ nin kakaklolo mun. Be juli lɔ kɔnguɛ. Kpɛkuun be jranjrannin klɔ'n sin sɛsɛsɛ sin yiali nun.

2 Famiɛn Mun 6:18

Sirifuɛ'm be sonja'm be tili Elize i ndɛnman. Yɛ Elize srɛli Anannganman-an. Ɔ seli i kɛ: «Anannganman, yo man sran nga'm be nyinma'n si.» Yɛ Anannganman man be nyinma'n sili kɛ Elize srɛli i'n sa-a.

2 Be Nyoliɛ 6:20

Man ɔ nyin tran sua nga su cɛn kwlaa kɔnguɛ nin wia su, nán ɔ nyin tu lika sɔ'n bɔ ɔ waan ɔ dunman'n ´tran su'n su. Tie srɛlɛ bɔ min bɔ n ti ɔ sufuɛ'n n su srɛ wɔ lika nga nun wa'n.

2 Be Nyoliɛ 6:40

Siɛn'n, min Nyanmiɛn, nán kata ɔ nyin, sie ɔ́ su srɛwa nga n su srɛ wɔ sua nga nun yɛ'n i bo.

2 Be Nyoliɛ 7:15

Kɛ ɔ fin ndɛ'n, min nyin wo amun su, yɛ n ´fa min su n ´sie amun srɛlɛ nga amun ´srɛ i lika nga nun wa'n su.

Neemi 1:6

nian min, sie ɔ́ su tie min srɛlɛ'n. Kɔnguɛ nin wia su n srɛ wɔ m man ɔ sufuɛ Izraɛlfuɛ mun. N kan Izraɛlfuɛ mun ɔ nin e kwlakwla e sa tɛ'n bɔ e yoli wɔ'n i ndɛ kle wɔ, afin e nin min nannan mun e yoli sa tɛ.

Ezai 24:21

I cɛn sɔ nun'n, Anannganman ɔ ´tu nglo lɔ ninnge'm be fɔ nyanmiɛn su lɔ. I cɛn sɔ nun'n, ɔ ´tu asiɛ'n su famiɛn'm be fɔ .

Ezai 37:17

Anannganman, sie ɔ́ su tie. Anannganman, tike ɔ nyinma nan nian. Tie nzowa nga Sankerib ɔ'a sunman sran kɛ ɔ wa kpɛ wɔ Nyanmiɛn bɔ a lafi-man nin-ɔn.

Zeremi 24:6

N ´nian be lika klanman. N ´fa be n ´sa be sin mɛn nga nun. N ´kplan be kɛ sua sa, n su bubu-man be kun. N ´kplan be kɛ waka sa, n su tu-man be bo kun.

Ezekiɛl 38:4

N ´fa blalɛ n wla wɔ aoje'n nun yɛ n ´cuɛn wɔ a nanti kekle nun. M ´mian wɔ a fin ɔ mɛn'n nun a ´fite, wɔ alɛ kunfuɛ mun nin alɛ kakaklolo mun, nin kakaklolo nga be yoli be klanman kpa'n, ɔ nin sonja kpanngban bɔ nyrɛn nin tokofi o bé sa nun'n, yɛ a nin be fite sɔ nin-ɔn.

Ezekiɛl 39:20

Blɛ bɔ amun ´di min aliɛ'n, amun ku ´yi. Amun ´di nnɛn kpanngɔ nin nnɛn kpanngɔ su fufuɛ'm be nnɛn. Amun ´di safunyrɛn nin sonja'm be kwlaa be nnɛn .› » Anannganman Nyanmiɛn'n yɛ ɔ kan sɔ-ɔ.

Daniɛl 9:18

Min Nyanmiɛn, sie ɔ́ su nan tie. Tike ɔ́ nyin nan nian e klɔ'n i bubulɛ bɔ ɔ'a bubu'n, klɔ sɔ'n bɔ ɔ dunman'n wo su'n. Kɛ e srɛ wɔ tantrantan kɛ nga sa'n, nán kɛ e nzuɛn'n ti kpa ti yɛ e srɛ-ɔ, ɔ sran klolɛ b'ɔ lɛ-man awieliɛ'n ti-ɔ.

Zakari 10:5

Be wa yo safunyrɛn, be ´tiatia be kpɔfuɛ'm be su kɛ be tiatia klɔ nun akpɔ'n nun aunnyan'n su'n sa. Be ´kun alɛ'n kɛ ng'ɔ o lɛ'n sa, afin m bɔbɔ min Anannganman'n n jin bé sin.

Zakari 12:11

I sɔ blɛ nun'n, sɛ dan kpa kun yolɛ ɔ wa kpɛn ase Zerizalɛm mɛn'n nun. Be ´yo i kɛ Adadrimɔn i sɛ nga be yoli i Megido kongo'n nun lɔ'n sa .

Zakari 12:3

I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 12:5

Zidafuɛ'm be ´se be klun lɔ kɛ: ‹Nanwlɛ, e Zerizalɛmfuɛ mun e wunmiɛn'n fin Anannganman e Nyanmiɛn b'ɔ sie mɛn wunmuan'n.›

Zakari 12:6

I sɔ blɛ nun'n, n ´yo man Zida kpɛnngbɛn'm be ´yo kɛ yie kwle bɔ sin ɔ'a tɔ nun b'ɔ su yra'n sa. Be ´yo kɛ ijre kee bɔ sin ɔ'a tɔ nun b'ɔ su jue'n sa. I sɔ sin liɛ'n, ɔ ´didi nvle nga be mantan-mantan be lɛ'n mun, sanngɛ Zerizalɛmfuɛ'm be ´ka be osu'n nun lɛ.»

Zakari 14:15

Like nga Anannganman yoli be bɔ be nin Izraɛl be bali kunlɛ'n, ɔ ´fa yo be nnɛn mun wie. Be nnɛn kpanngɔ mun nin be aflunmun wafa-wafa mun, ɔ nin be nyɔnngɔnmɛn mun, like kunngba'n ɔ fa ´yo be wie.

Zakari 9:8

Alɛ kunfuɛ nga be sin'n, be ti n ´sasa min mɛn'n. Sran fi sa su yo-mɛn i nunfuɛ'm be tɛtɛ kun, afin mín nyin o be su siɛn'n.»

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Mmla'n 28:28

Anannganman ɔ ´yo man amun ´bo fia, amun su wun-man sa wlɛ kun, Anannganman ɔ ´wla amun sinnzin.