Zakari 12:3 - NYANMIƐN NDƐ'N 1998

³ I sɔ blɛ nun'n, Zerizalɛm ´yo kɛ yɛbuɛ nɔnnin nɔnnin sa. Nvle-nvle'm be nunfuɛ'm be su kwla man-man su. Be kwlaa nga be ´kunndɛ kɛ be ´man su'n, ɔ ´kpuke be tɛ kpa. Ɔ man mɛnmɛn'm be kwlaa be bo ɔ wa yo kun Zerizalɛm wun.

Zakari 12:3 ပူးပေါင်းရင်းမြစ်များ

Ezai 60:12

Yɛ nvle nin famiɛn diwlɛ bɔ be nunfuɛ'm be waan bé su-man wɔ'n, be ´saci sekeseke kpan, be ´nunnun mlɔnmlɔnmlɔn.

Abdias 1:18

Ezau osu nun ba'm be ´yo kɛ ijre kee sa, Zakɔb nin Zozɛf be osu'n nun ba'm be kusu be ´yo kɛ sin nin i taaman sa yɛ be ´yra Ezau i osu nin-ɔn. Be ´nunnun be mlɔnmlɔn, be nun kun sa su tran-man nguan nun.» Afin Anannganman'n yɛ ɔ'a kan kle amun-ɔn .

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Abakik 2:17

Sa kekleekle nga an yoli be Liban lɔ'n, ɔ wa kaci ´tɔ amun bɔbɔ su. Nnɛn nga an kunnin be abɔlɛ kunlɛ'n, i ti amun wawɛ ´wanndi amun wun. Sa ti bɔ sa sɔ'n ´tɔ amun su'n, yɛlɛ sran bɔ an kunnin be beblebe'n, ɔ nin sa kekleekle nga an yoli i mɛn'm be nun nin klɔ'm be su, ɔ nin sran'm be su'n.

Sofoni 3:19

I sɔ blɛ nun'n e nin be kwlaa nga be kleli amun yalɛ'n e ´yia nun. Be nga bé ja yo be ya'n m miɛnmiɛn i, n ´yiayia be nga be mlinnin mun, n ´yo man an ´nyan kɔmin, amun dunman'n ´fu lele ɔ ´tru mɛn nga an wunnin nyannzuɛn nun'n be nun.

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 12:11

I sɔ blɛ nun'n, sɛ dan kpa kun yolɛ ɔ wa kpɛn ase Zerizalɛm mɛn'n nun. Be ´yo i kɛ Adadrimɔn i sɛ nga be yoli i Megido kongo'n nun lɔ'n sa .

Zakari 12:4

I sɔ blɛ nun'n, n ´wla nnɛn kpanngɔ'm be srɛ. Kpɛkuun be nga be fu nnɛn kpanngɔ sɔ'm be su'n be ´yo kɛ bé nyin su ɔ'a tu sa. N ´nian Zidafuɛ'm be lika, kpɛkuun n ´si nvle kun nga'm be nnɛn kpanngɔ'm bé nyin mma.

Zakari 12:6

I sɔ blɛ nun'n, n ´yo man Zida kpɛnngbɛn'm be ´yo kɛ yie kwle bɔ sin ɔ'a tɔ nun b'ɔ su yra'n sa. Be ´yo kɛ ijre kee bɔ sin ɔ'a tɔ nun b'ɔ su jue'n sa. I sɔ sin liɛ'n, ɔ ´didi nvle nga be mantan-mantan be lɛ'n mun, sanngɛ Zerizalɛmfuɛ'm be ´ka be osu'n nun lɛ.»

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Zakari 14:13

I sɔ blɛ'n nun'n, Anannganman'n ´fa utre dan kpa yi be afiɛn. Be ´sɔsɔ be wiengu sa, be ´bo be wiengu acɔliɛ.

Zakari 14:6

I sɔ blɛ nun'n, lika'n su kpaja-man, lika'n ´yo munnduun kɛ bɔlɛ sa, i kusu nán bɔlɛ-ɔ.

Matthieu 21:44

Sran kwlaa ng'ɔ tɔ yɛbuɛ sɔ'n su'n, ɔ ´titi i nun tritri, yɛ sran nga yɛbuɛ sɔ'n tɔ i su'n ɔ ´kpɔtɔ i .]»

JÉSUS-CHRIST I DYASIN FE'N BO LUC KLELI'N 20:18

Sran kwlaa ng'ɔ tɔ yɛbuɛ sɔ su'n, ɔ titi i nun tritri yɛ sran nga yɛbuɛ sɔ'n tɔ i su'n, ɔ ´kpɔtɔ i .

Sa nglô yile 16:14

Be ti asiɛ usu, be yi atrɛ. Be kɔ asiɛ'n su famiɛn'm be kwlaa bé sin kɛ be `yia nan be kun alɛ Anannganman Nyanmiɛn b'ɔ kwla like kwlaa yo'n i cɛn dan'n nun.