Zakari 12:2 - NYANMIƐN NDƐ'N 1998

² I waan: «N wa yo man Zerizalɛm ´yo kɛ ondoman sa, min ya'n bɔ n fa sunnzun nzan'n, ɔ ´yi i. Kpɛkuun nvle nga be mantan lɛ'n, be kwlaa be ´nɔn be ´bo. Ɔ ´bo Zidafuɛ mun bɔbɔ blɛ nga be kpɔfuɛ'm be wa sin yia Zerizalɛm'n.

Zakari 12:2 ပူးပေါင်းရင်းမြစ်များ

Jue Mun 75:8

Afin jɔlɛ difuɛ'n yɛlɛ Nyanmiɛn. Sran nga i waan ɔ ´kɛn i ase'n, ɔ kɛn i ase, nga i waan ɔ ´mɛn i su'n, ɔ mɛn i su.

Ezai 51:17

Amun `tinnge, amun `tinnge! Zerizalɛmfuɛ mun, amun `tinnge! Sɛ Anannganman i ya'n ti nzan'n, wuun n ´se kɛ ɔ fa mannin amun'n, amun nɔnnin. Amun nɔnnin i lele ɔ wieli klowa'n nun, yɛ amún nyin su kpɛli amun .

Zeremi 25:15

An `se kɛ sɛ, Anannganman b'ɔ ti Izraɛl famiɛn'n seli min kɛ yoo: «Min ya'n ti dan kɛ klowa bɔ nzan'n ɔ'a yi i piɛ'n sa, klowa sɔ'n yɛ ɔ o yɛ, sɔ nun. Fa man nvle nga n ´sunman wɔ be nun'n be nunfuɛ'm be kwlaa man be nɔn.

Zeremi 25:17

Yɛ n sɔli klowa sɔ b'ɔ wo Anannganman sa nun'n nun-ɔn. Yɛ n fa mannin nvle nga Anannganman'n sunmannin min be nun'n be kwlaa-a.

Zeremi 49:12

Anannganman wan yoo: «Sran nga bɔ m'an se-man kɛ be yɛ be `nɔn ya klowa'n nun, be nɔnnin nun. ?Yɛ ɔ li wɔ Edɔm, be yaci wɔ lɛ sɔ-ɔ ɔ yo ye? San like ng'ɔ o nun'n, i nɔnlɛ cɛ yɛ a ´nɔn-ɔn.»

Zeremi 51:57

Babilɔni famiɛn'n i awlo lɔ sran dandan mun, nin afɔtuɛ manfuɛ mun, nin nvle siefuɛ mun, nin lika i su kpɛn mun, ɔ nin safunyrɛn mun, m ´man be nzan be ´nɔn be ´bo be ´lafi. Be su tinnge-man kun. Famiɛn nga be flɛ i kɛ Anannganman'n b'ɔ sie mɛn wunmuan'n yɛ ɔ kan sɔ-ɔ.»

Zeremi 51:7

Babilɔni o Anannganman'n i sa nun laa kɛ sika ɔkwlɛ klowa sa. Klowa sɔ'n nun nzan'n, ɔ boli asiɛ wunmuan'n. Nvle-nvlefuɛ nga be nɔnnin i sɔ nzan liɛ'n, be boli sa, be wun-man sa wlɛ kun .

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

Zakari 14:14

Zidafuɛ'm be ´kun Zerizalɛm ti alɛ. Be ´de nvle nga be mantan be lɛ'n bé bo ninnge mun bé sa nun. Jɛtɛ ufue nin sika ɔkwlɛ'n, ɔ nin tralɛ'n, be wa flafla be kaka kpa.

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Sa nglô yile 14:10

ɔ ´nɔn Nyanmiɛn i nzan muɛn'n b'ɔ fa guɛ i ya klowa nun'n wie. Nzan sɔ'n yɛlɛ Nyanmiɛn i ya'n b'ɔ fa'n. Be kwlaa nga be yo sɔ'n, be ´kle be nyrɛnnɛn sin bɔ sufru o nun'n nun Nyanmiɛn i anz nin Bua Gbanflɛn'n be nyrun lɛ .

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.

Sa nglô yile 18:6

Sa ng'ɔ fa yoli amun'n, an `nian su yo i wie, an `yo i wunsu sɔ kpɛ nnyɔn! Klowa ng'ɔ su nzan nun mannin amun'n, an `su nzan nga i kekle'n trɛ i liɛ'n kpa'n wie nun mɛn i .