Zakari 11:7 - NYANMIƐN NDƐ'N 1998

⁷ Kpɛkuun bua nga be ti dilɛ liɛ bɔ be yo annvɔ sɔ mun yɛ n kankannin be-ɔ. N fali kpɔnman nnyɔn yɛ n fa kankannin be-ɔ. N flɛli kun kɛ: «Aenguɛ fɛfɛ tralɛ.» Yɛ n flɛli kun ekun kɛ: «Anuansɛ,» yɛ n fa kankan nnɛn mun-ɔn.

Zakari 11:7 ပူးပေါင်းရင်းမြစ်များ

Jue Mun 23:4

Sɛ bɔ n su sin kongo tuun kpa b'ɔ yo sro'n i nun'n, srɛ bɔ kaan sa kun-man min, afin Anannganman, a nin min yɛ e kɔ-ɔ, yɛ ɔ waka bɔ a fa kle min atin'n, ɔ nin ɔ kpɔnman bɔ a fa sasa min'n, be ti n koko-man.

Jue Mun 27:4

Like nga n srɛ i Anannganman sa nun'n, ɔ ti kunngba cɛ. Yɛ kusu ɔ lo min kpa. Like sɔ'n yɛlɛ kɛ n klo kɛ n ´trɛn i sua'n nun cɛn kwlaa lele min nguan'n i awieliɛ, nan n ´kannvun i bɔbɔ Anannganman, afin ɔ yo nyɛnmɛn , yɛ n ´fa min wun m mɛntɛn i.

Jue Mun 90:17

Anannganman e Nyanmiɛn, yo man e wun kɛ a klo ye. Man e junman'm bé nuan ninnge'm be cɛ. Man e junman'm bé nuan ninnge'm be cɛ sakpa.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Zeremi 39:10

Sran ng'ɔ yacili be Zida mɛn'n nun lɛ'n yɛlɛ yalɛfuɛ mun, bɔ be lɛ-man like'n. Ɔ cɛcɛli be vinyi fie nin fie uflɛ wie mun.

Saun Yolɛ 27:32

Like kɛ nannin sa annzɛ kɛ bua nin boli'm be sa'n, be blusu'n, man be sie i nzɔliɛ, afin ɔ ti min liɛ.

Mise 7:14

Anannganman, ɔ kpɔnman nga a fa kankan nnɛn'n, fa nan fa kankan ɔ mɛn'n nunfuɛ mun, be ti ɔ liɛ. B'a cuɛn bé wun be gua bo ble wie afiɛn. Fa be kɔ Bazan nin Galaad mɛn'n nun lɔ nan be ko di like kɛ a fa yo i laa'n sa.

Sofoni 3:12

Amun nvle'n nun sran nga n ´yaci be lɛ'n, yɛlɛ wɛtɛɛfuɛ mun nin yalɛfuɛ mun. Be liɛ'n be ´lafi min su, be ´fia min sin.

Zakari 11:14

Kpɛkuun yɛ m buli anuansɛ kpɔnman'n nun-ɔn. Min waan m ´bu nun nan Zida nin Izraɛl be afiɛn fɔn.

Zakari 11:4

Anannganman min Nyanmiɛn'n seli min kɛ yoo: «Bua nga be ti dilɛ liɛ'n, kankan be.

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Marc 12:37

David bɔbɔ flɛli i i Min. ?Sɛ ɔ ti sɔ'n, ɔ yo sɛ yɛ ɔ ti i anunman-an? Sran kpanngban sɔ'n bɔ be tie i ndɛ'n, ɔ yo be fɛ.»

Jean 10:16

M bua'm be wie be o lɛ bɔ be nun-man tuin nga nun. San n ´fa be sɔfuɛ mun ba, be ´ti min nɛn, be akpasua'n ´yo kun yɛ be tafuɛ'n ´yo kunngba .

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Samiɛl 17:40

David fɛli i kpɔnman'n, kpɛkuun ɔ ɔli nzue ba'n i nuan lɔ. Ɔ ko fali yɛbuɛ treketreke nnun. Ɔ fa wlɛli i pata ng'ɔ fa kɔ nnɛn kankanlɛ'n, b'ɔ srɛ i wun'n nun, kpɛkuun ɔ tili Goliat ndɛnman ɔli. I kpafloko'n wo i sa nun.

1 Samiɛl 17:43

Filisti bian'n seli David kɛ: «?A bu min alua ti yɛ a nin min ´ba kunlɛ-ɔ, a fa waka-a?» Yɛ ɔ fɛli i amuɛn'n wuɛli i-ɔ. Kpɛkuun ɔ seli i ekun kɛ: