Zakari 11:5 - NYANMIƐN NDƐ'N 1998

⁵ Be bɔ be to i sɔ nnɛn mun'n, be ´kun be-ɔ be bu-mɛn i kɛ sa yɛ be su yo i lɛ-ɔ. Be nga kusu bɔ be yo be atɛ'n, be liɛ nga be kan'n yɛlɛ kɛ yoo: ‹E `la Anannganman'n i ase, afin e yɛ y'a nyan e wun yɛ.› Bua sɔ'm bé su nianfuɛ'm be si-man be aunnvuɛ bɔ kaan sa.

Zakari 11:5 ပူးပေါင်းရင်းမြစ်များ

2 Famiɛn Mun 4:1

Le kun Nyanmiɛn i nuan ijɔfuɛ'm be nun kun i angboti'n ko sun kleli Elize. I waan: «A si kɛ mín wun'n suli Anannganman kpa, yɛ ndɛ ɔ nun-man nun kun. Kpɛkuun sran nga e fali like i sa nun'n, ɔ'a ba mín mma'm be falɛ. I waan ɔ ´fa be ko yo i kanga mun.»

Neemi 5:8

Kɛ e yiali'n, n seli be kɛ: «?Kɛ ɔ o yɛ'n, sɛ amun bo amun niaan'm be bosia'n, bɔ be wa yi'n, amun yo man be su i bo? Amun `nian, e niaan Zuif nga be yoli bé wun atɛ aofuɛ'm bé sa nun'n, e miannin e nyin nan e bɔbɔ y'a kpɔ bé ti. ?Yɛ amun bɔbɔ yɛ amun yo amun bɔbɔ amun niaan'm be atɛ e ngunmin-ngunmin é sa nun-ɔn?» Be gua lɛ be wun-man kun kan-man.

Zeremi 2:3

I blɛ sɔ nun'n, wuun Izraɛl ti min liɛ mlɔnmlɔn kɛ mma klikli nga afuɛ nuan'n ju be ti'n sa. Sran kwlaa ng'ɔ kɛn i-ɔ, ɔ nin min e lɛ i. I sɔfuɛ'n ´wun nyrɛnnɛn.› » Anannganman'n yɛ ɔ kan sɔ-ɔ.

Zeremi 50:7

Be bɔ be nin be yia nun'n, be di be. Be kpɔfuɛ'm be se kɛ: ‹Be bɔbɔ yɛ be yoli bé wun-ɔn, afin be fɔnnin Anannganman'n i wun. I bɔ yɛ man be ko nyan bé ti'n, i bɔ yɛ bé nannan'm be fa cici bé wla'n, be fɔnnin i wun.›

Ezekiɛl 34:10

Anannganman Nyanmiɛn wan yoo: E nin amun e lɛ i. N ´de min bua'm amun sa nun, n ´su yaci-man be amun sa nun kɛ amun nian be su kun kɛ ɔ ´yo nan amu'an ta-man amun bɔbɔ amún wun'n ti. N ´de min bua mun amun nuan nun, yɛ be su kaci-man amun nuan nun aliɛ kun.› »

Ezekiɛl 34:21

Amun fali amun wue'n nin amun bue kun suli nnɛn fakafaka'm be bo. Amun fali amun wɛ sili be yɛ amun fuannin be amun afiɛn.

Ezekiɛl 34:6

Min bua'm b'a bo b'a sanndi oka mun nin kpɔlɛ fleiin'm be su. Min bua'm b'a sanndi sa gbee mɛn wunmuan'n nun. Sran fi a nian-man be lika, sran fi a kunndɛ-man be .

Ndɛ Nga Nyanmiɛn I Nuan Ijɔfuɛ Oze Kannin'n 12:8

Kanaanfuɛ'm bé sa nun toe'm be ti-man kpa, akpo bolɛ'n yɛ ɔ ti be junman-an.

Ndɛ Nga Nyanmiɛn I Nuan Ijɔfuɛ Oze Kannin'n 12:9

Efraimfuɛ'm be ko se kɛ yoo: ‹Nanwlɛ, e ti kpa, y'a nyan e wun, y'a nyan ninnge kpanngban, sanngɛ i kwlaa sɔ'n ti ye junman'n su mmlusuɛ. ?Yɛ mmlusuɛ nyanlɛ'n, wan yɛ i waan ɔ ti tɛ-ɔ ?›

Amɔs 2:6

Anannganman'n wan yoo: «Izraɛlfuɛ'm bé sa tɛtɛ nga b'a yo'n sɔnnin. Ɔ man e nin be y'a nyɛn i. Sran nga ɔ'a yo-man sa'n, sika dunman nun ti be yo i atɛ ɔ kaci kanga. Ngbabua kunngun nnyɔn cɛ bɔ yalɛfuɛ'n ɔ'a kwlɛ-mɛn i kalɛ tannin'n ti, be yo i atɛ.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Jean 10:1

Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

2 Piɛr 2:3

Bé nyin b'ɔ blo ninnge'm bé su'n ti, be ´kpɛ bé ti nun kan ndɛ mun, yɛ be ´fa amun kunndɛ be sika su. Be buli be fɔ ɔ'a cɛ, san be ´mlin.

Sa nglô yile 18:13

ayre fannin bɔ be fa gua be like diwa nun'n, parfɛn, mir, ansans, nzan, ngo, ble sanmlɛn mlɛnnɛnnɛn kpa, ble, nannin mun, bua mun, nnɛn kpanngɔ mun, kakaklolo bɔ be lɛ ja nnan'n, nin kanga mun .

Sa nglô yile 3:17

An se kɛ an ti anyanbeunfuɛ yɛ amu'an nyan amun wun nan like fi mian-man amun. An si-man kɛ an ti nyrɛnnɛnfuɛ yɛ an yo annvɔ, an si-man kɛ an ti yalɛfuɛ yɛ an ti anyansifuɛ nan amún wun ti kplɛn .