Zakari 10:9 - NYANMIƐN NDƐ'N 1998

⁹ N yoli man be bo sanndili nvle'm be nun, sanngɛ kɛ be o mmua lɔ'n, bé wla wa kpɛn min su. Be nin be mma'm be ´ka nguan nun, kpɛkuun be ´sa bé sin be ´ba.

Zakari 10:9 ပူးပေါင်းရင်းမြစ်များ

Neemi 1:9

sanngɛ sɛ e kaci ajalɛ'n, sɛ e fa ɔ mmla'm be su'n, nan e fa ɔ ndɛ'm be su'n, kannzɛ be tra ye ɔli asiɛ'n i awieliɛ lɔ'n, a ´ko fa ye ba lika nga a kleli kɛ be `bo ɔ dunman lɛ'n nun .

Ɛstɛr 8:17

Akpasua'n kwlaa nin klɔ kwlaa nga be tili famiɛn'n i ndɛ'n, Zuif nga be o be su'n, be klun jɔli. Be bo sroli, be fali aklunjuɛ sa sɔ'n yoli be cɛn be dili. Zuif'm bé wun srɛ ti, mɛn'n nun sran sunman be kacili Zuif.

Ezai 44:21

«Zakɔb i osu'n nunfuɛ mun, Izraɛlfuɛ mun, man amún wla kpɛn sa nga su: amun ti min sufuɛ mun, n yili amun kɛ amun yo min sufuɛ mun, Izraɛlfuɛ mun, ń wla fi-man amun su.

Ezai 64:4

Be nga be tu be klun be yo ɔ klun sa'n, bɔ atin nga a kle be'n i su falɛ akunndan yɛ ɔ o be klun'n, a uka be. Sɛ a fali ya'n, é sa tɛ bɔ e yoli'n i ti-ɔ. ?Sanngɛ e ´yo sɛ yɛ e ´fite nun-ɔn?

Ezai 65:23

Be su fɛ-man ngbɛn, be su wu-man ba nan ba sɔ'm b'a wu be nyin bo lɛ. Afin be ´flɛ be nin be osu'n nunfuɛ'm be kɛ be bɔ Anannganman yo be ye'n.

Ezai 65:9

N ´yo man Zakɔb ɔ ´nyan osufuɛ mun, yɛ n ´yo man min oka'm be yo Zida osu nunfuɛ'm be liɛ, oka sɔ'm be ´yo min sran nga n kpali be'n be liɛ, yɛ min sufuɛ'm be ´tran oka lika sɔ'm be nun.

Zeremi 31:27

Anannganman waan: «Cɛn wie lele'n, n ´fa sran mun nin nnɛn mun n ´sanndi be Izraɛl mɛn'n nun nin Zida mɛn'n nun kɛ be sanndi ble mma'n sa.

Zeremi 51:50

Amún nga kusu bɔ b'a nyan-man amun b'a kun-man amun'n, an `wanndi be wɔ, nán an ka amun osu'n nun lɛ. Sanngɛ kan kwlaa bɔ amun wo'n, nán amún wla fi Anannganman'n. Man Zerizalɛm i ndɛ lo amun.»

Ezekiɛl 6:9

Be nga be ka lɛ'n, kɛ be o mɛn nga be ´tra be lomuɛn kɔ nun'n be nun'n, bé wla wa kpɛn min su. Afin be wla ɔ wa kpɛn wafa nga n fa tuli be fɔ'n su be anwlɛn tɛ nga be fa bo tekle bɔ be nin min buli'n ti. Bé wun ´yo be bɔbɔ be tɛ bé sa tɛtɛ nin be tete sa nga be yoli'n be ti.

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Amɔs 9:9

«N wa yo man be ´kpukpu Izraɛlfuɛ mun be gua mɛn'm be kwlakwla nun kɛ be fa yo ble'n b'ɔ man yɛbuɛ'n sanngan-man ble nun tɔ-man'n sa .

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Sa nga bé yôli'n 8:1

Le kunngba sɔ'n yɛ be boli asɔnunfuɛ'm bɔ be o Zerizalɛm lɔ'n be yalɛ klelɛ dan'n i bo-ɔ. Be kwlaa be sanndi ɔli Zide nin Samari mɛn'n nun, san be bɔ Jésus sunmannin be'n, be cɛ yɛ be kali lɛ-ɔ.

Sa nga bé yôli'n 8:4

Be bɔ be sanndili'n, be kɔ klɔ'm be su be kan Nyanmiɛn ndɛ'n.

Rɔmfuɛ Mun 11:24

Ɔ bɔ a ti-man Zuif'n, a ti kɛ blo olivie sama sa, be kpɛ wɔ takali olivie nga be tali'n su, ɔ ti sa bɔ be yo-man. ?Sɛ be yo ɔ sɔ'n, wuun Zuif'm bɔ be ti olivie nga be tali'n, nán be liɛ sin-ɔn?