Zakari 10:8 - NYANMIƐN NDƐ'N 1998

⁸ M ´bo feliman n ´fa flɛflɛ be, afin m'an fua kɛ n ´de be, be wa trɛ kɛ be fa trɛli laa'n sa.

Zakari 10:8 ပူးပေါင်းရင်းမြစ်များ

1 Famiɛn Mun 4:20

Zida mɛn'n ɔ nin Izraɛl mɛn'n nun sran'm be sɔnnin kpa, be sɔnnin kɛ jenvie nuan aunnyan sa, sanngɛ be kwlaa be nyan aliɛ be di, yɛ be nyan nzan be nɔn. Be kwlaa be klun jɔ.

Ezipt Lɔ Tulɛ'n 1:7

Sanngɛ Izraɛlfuɛ'm be wuli ba mun kaka kpa nan b'a trɛ trɛlɛ kpa. I sɔ'n ti, be nyannin wunmiɛn kpa, be trannin Ezipt mɛn'n i lika'n kwlaa.

Ezai 44:22

N nunnunnin amún sa tɛtɛ mun kɛ nyanmiɛn ble'n b'ɔ wie fiakaa'n sa. N nunnunnin amún tɛ mun kɛ lika b'ɔ mlan kpɛkuun ɔ titi weiin'n sa. Amun `sa amun sin m bɔ n ti amun Min'n min wun wa, afin n kpɔli amun ti.

Ezai 48:20

Amun `fin Babilɔni klɔ'n nun fite, amun `jaso Kaldefuɛ'm be afiɛn be `wanndi. Amun `bo sro. Amun `bo jasin fɛ sɔ'n, amun `kan man be ti. Amun `kan man ɔ ju asiɛ'n i awieliɛ lɔ. Amun `se kɛ: «Anannganman kpɔli Zakɔb i osu'n nunfuɛ mun bɔ be ti i sufuɛ'n bé ti.»

Ezai 5:26

Anannganman ɔ'a man nzɔliɛ kun su ɔ'a man nvle nga be o muamua lɔ'n. Ɔ bo feliman flɛ be nun kun kɛ be wo asiɛ'n i bue kun'n su lɔ'n. Yɛ amun `nian, ɔ su kɛn i wun ba ndɛndɛ kpa. Ɔ tu glaunglaun yɛ ɔ ba-a.

Ezai 51:11

Be nga Anannganman deli be'n, be ´sa bé sin, be ´wlu Zerizalɛm wa, wuun be ´to jue kekle kpa, be klun'n ɔ ´jɔ tititi, bé wun ´kpaja be, bé wun ´nyrɛn be, kpɛkuun be klunngbɔ'n nin be kplinlɛ'n be wie .

Ezai 7:18

Blɛ sɔ nun'n, Anannganman ɔ ´bo feliman flɛ ngɔnsiɛn nga be o kan Nil nzue'n ɔ ko gua jenvie'n nun lɔ'n, ɔ nin awɛma nga be o Asiri mɛn nun'n.

Ezai 7:19

Be ´ba, be wa tran kongo kploun'n nin yɛbuɛ buɛ'm be nun. Be ´tran susrɛ'm be kwlaa be su, be ´tran kan nnɛn'm be didi lɛ'n kwlaa nun.

Zeremi 33:22

N ´yo man David b'ɔ ti min sufuɛ'n i osu nunfuɛ mun nin Levifuɛ nga be su min'n be trɛ lelele. Be ´yo kɛ nyanmiɛn su lɔ nzraama mun nin jenvie nuan aunnyan'n bɔ sɛ sran waan ɔ ´ka be-ɔ ɔ yo-man ye'n sa.»

Mise 2:12

Anannganman wan yoo: «Zakɔb osu nunfuɛ mun, n wa yiayia amun, n ´kan Izraɛlfuɛ nga be ka mun m ´bo nun. N ´tian amún nuan kɛ bua'm bɔ be o klangla nun'n sa, n ´tian amun nuan kɛ nnɛn bɔ b'a tian bé nuan be didiwlɛ nun'n sa. Amun `bo nzra dan kpa, amun `ijɔ kpa ekee!

Zakari 9:11

Anannganman wan yoo: «Aenguɛ nga e nin amun e trali bɔ e guali i ti nnɛn mmoja ase'n, i dunman nun ti n ´yi amun nun sran nga be ti bisuafuɛ bɔ be gua be gbo bɔ nzue nun-man nun'n i nun n ´fite .

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Sa nglô yile 7:9

I sin, n niannin lɔ ekun, n wunnin sran kpanngban kpa, sran fi kwla ka-man be, sran sɔ'm be fin mɛnmɛn'n kwlaa nin nvle-nvle'n kwlaa nun, nin sran wafa-wafa'n kwlaa o be nun, be ijɔ aniɛn wafa-wafa'n kwlaa. Be jinjin bia'n nin Bua Gbanflɛn'n be nyrun lɛ, tralɛ ufue o be wun, yɛ mme nnya o bé sa nun.