Zakari 10:7 - NYANMIƐN NDƐ'N 1998

⁷ Efraimfuɛ'm be ´yo kɛ safunyrɛn mun sa, be klun'n ´jɔ kɛ sran bɔ b'a nɔn nzan'n sa. Kɛ be mma'm be wun i sɔ'n, ɔ ´yo be fɛ, min Anannganman n dunman nun ti be klun ´jɔ.

Zakari 10:7 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Bo Bolɛ 43:34

Zozɛf man be fɛli i tabli'n su ninnge'n wie mannin be. Bɛnzamɛn liɛ ng'ɔ kpɛ mɛnnin i'n, i dan tra be kwlaa be liɛ'n kpɛ nnun. Be nin i be nɔnnin nzan lele ɔ tili be.

Jue Mun 102:28

Sanngɛ ɔ liɛ'n, a ´ka ɔ osu'n nun, wɔ afuɛ'n su wie-man le .

Jue Mun 104:15

Wɔ man be nyan nzan b'ɔ man bé wun nyrɛn be nin-ɔn. A man be nyanngo b'ɔ man be nyrun'n yo mlanmlan nin-ɔn, ɔ nin aliɛ bɔ be fa tra be anwlɛn nin-ɔn.

Jue Mun 13:5

yɛ min kpɔfuɛ'n ɔ ´di i nuan ´se kɛ ɔ kwlali min. Uka min wunmiɛn'n su, ɔ'a yo-man sɔ-ɔ be nga be klo-man min sa'n be klun ´jɔ yɛ be ´se kɛ b'a yi min ase.

Jue Mun 28:7

Ɔ man min wunmiɛn, yɛ ɔ sasa min. N fa min wun n wlɛ i sa nun, kpɛkuun i kusu uka min. Ɔ man min klun jɔ yɛ n to jue n fa mɛnmɛn i.

Jue Mun 33:21

I ti yɛ man e klun jɔ-ɔ. I su yɛ e lafi-ɔ.

Jue Mun 90:16

Junman nga a di'n, man i nyin fite nan ɔ sufuɛ'm be wun i, nan e mma'm be kusu be wun kɛ a ti dan sakpa.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 38:19

Be nga bé nyin o su'n, be nga be tɛ o nguan nun'n kɛ min sa'n be yɛ be kwla manman wɔ-ɔ.

Ezai 54:13

Amun mma'm be kwlaa be ´yo min sɔnnzɔnfuɛ. Be ninnge'm be wa yo ye kpa bé sa nun .

Ezai 66:14

N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Zeremi 32:39

N ´yo man be akunndan'n ´yo kun. Be nantiwlɛ'n ´yo kun. Be ´sro min titi, ɔ man be nin be osu'n be ´nyan muae.

Ezekiɛl 37:25

Be ´tran mɛn nga n fa mannin min sufuɛ Zakɔb i nun, mɛn sɔ'n ɔ wo kan amun nannan'm be trannin lɛ'n. Be mma mun nin be anunman'm be ´tran nun tititi. Min sufuɛ David yɛ ɔ ´ka be su wlengbi tititi-ɔ .

Zoɛl 2:23

Siɔnfuɛ mun amun kusu, man amun klun jɔ, man amún wun blibli amun Anannganman amun Nyanmiɛn'n i dunman nun. Afin kɛ ɔ ko tɔ nzue nga amun fa di amun fie'm be su junman'n, bɔ wawa'n ju i kɔmin su'n, ɔ ´tɔ kɔnguɛ nzue'n ´man amun.

Abakik 3:18

sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

Sofoni 3:14

Siɔnfuɛ mun, an `kpan aklunjuɛ kpanlɛ! Izraɛlfuɛ mun, an `bo sro! Zerizalɛmfuɛ mun, man amun klun jɔ kpa kɛ sran klun fa jɔ'n sa,

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Zakari 9:15

Anannganman b'ɔ sie mɛn wunmuan'n ɔ ´sasa i sran mun. Be ´kun be kpɔfuɛ mun, be ´wla kpafloko nun yɛbuɛ be ´nunkun be. Be kpɔfuɛ sɔ'm be mmoja'n ɔ ´sonji kɛ nzan sa. Ɔ ´yo kɛ b'a kun nnɛn sa, be mmoja'n ɔ ´yi kpongbo nga be fa kpɛntɛn-kpɛntɛn mmoja'n. Ɔ ´yo kɛ Nyanmiɛn i sɔwlɛ'n i cɔnjɔ'm be su mmoja'n sa.

Zakari 9:17

I lika sɔ'n i kpa ng'ɔ wa yo'n, yɛ i klanman ng'ɔ wa yo'n, ɔ lɛ-man wunsu. Gbanflɛn'm be wa di ble'n be ´nyin, yɛ talua'm be wa nɔn vinyi nzue lɔflɛ'n be ´nyin wie kusu.

JÉSUS-CHRIST I DYASIN FE'N BO LUC KLELI'N 1:47

Nyanmiɛn b'ɔ ti n defuɛ'n ti, n klun jɔ,

Jean 16:22

Amun kusu, awlaboɛ'n wo amun su kɛ e ´se yɛ'n, sanngɛ kɛ n wa wun amún wun ekun'n, amun klun ´jɔ, yɛ sran fi su kwla bo-man amún wla.

Sa nga bé yôli'n 2:26

Sa ng'ɔ o lɛ'n ti yɛ n klun ti jɔwa bɔ ndɛ nga n kan'n ɔ kle kɛ n klun ti jɔwa nin-ɔn. N wla'n b'ɔ o Nyanmiɛn su'n ti n di alaje,

Sa nga bé yôli'n 2:39

Afin like ng'ɔ seli kɛ ɔ ´yo'n, i waan ɔ ´yo man amun, nin amun mma mun, nin be kwlaa bɔ be o mmua bɔ e Min Nyanmiɛn'n ɔ wa flɛ be'n .»

Filipfuɛ Mun 4:4

Sran wunmuan bɔ amun nin e Min'n ti'n ti'n, cɛn kwlaa man amun klun jɔ, n ´kɛn i ekun: man amun klun jɔ .

1 Piɛr 1:8

Amu'an wun-mɛn i le, sanngɛ an klo i. Kannzɛ an nian wun-mɛn i'n, an lafi i su, ɔ man amun klun jɔ dan kpa, ɔ man an wun-man ndɛ nga an kan-an.

1 Samiɛl 2:1

Yɛ Ani srɛli Nyanmiɛn-ɔn, ɔ seli kɛ: «Anannganman man n klun ɔ'a jɔ dan. Anannganman man m'an kwla man mín ti'n su. E nin min kpɔfuɛ mun e kan-an, ɔ ´kpɛ siɛn'n. Delɛ ng'ɔ deli min'n ti n klun ɔ'a jɔ.