Zakari 10:6 - NYANMIƐN NDƐ'N 1998

⁶ N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 10:6 ပူးပေါင်းရင်းမြစ်များ

Jue Mun 89:21

David b'ɔ ti min sufuɛ'n yɛ n wunnin i-ɔ. N fali min ngo'n n guɛli i ti su.

Ezai 11:12

Ɔ ´kplan nzɔliɛ kun fa man nvle-nvle mun. Ɔ wa flɛflɛ Izraɛlfuɛ nga be kannin bé bo bé mɛn nun'n. Ɔ wa tian Zidafuɛ nga be bo sanndili asiɛ'n i bue nnan'n su'n be nuan.

Ezai 14:1

Anannganman wa si Zakɔb osu'n nunfuɛ'm be aunnvuɛ. Sran'm be ´wun nun ekun kɛ kannzu ɔ kpali Izraɛlfuɛ mun, yɛ ɔ ´yo man be ´tran be lika'n nun ekun. Aofuɛ'm be wa uka be su, yɛ be nin Zakɔb i nvle'n nunfuɛ'm be ´yo kun.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 54:4

Nyannzuɛn su kun-man amun, i sɔ'n ti nán amun klun titi amun. Amun su sokpa-man, i sɔ'n ti nán amún sa sin bubu amun. Amún wla wa fi nyannzuɛn bɔ amun wunnin i amun kaan nun'n i su. Yɛ amún wla su kpɛn-man nyannzuɛn bɔ amun wunnin i blɛ bɔ amun kacili kɛ angboti bla mun sa'n i su.

Ezai 54:8

Anannganman b'ɔ ti amun ti kpɔfuɛ'n wan yoo: «Ya b'ɔ kunnin min dan'n ti n kacili ń sin n sili amun blɛ kan. Sanngɛ klolɛ bɔ n klo amun titi'n ti, n wa si amun aunnvuɛ.

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Zeremi 3:18

I sɔ blɛ nun'n, Zidafuɛ'm be nin Izraɛl akpasua nunfuɛ'm be ´sanngan, kpɛkuun be ´fin mɛn'n i nglo lɔ lika'n nun be ´ba likawlɛ. Be ´ba mɛn nga n fa mannin amun nannan mun kɛ be aja sa'n i nun.»

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Zeremi 30:20

Be ´yo kɛ laa'n sa. Be wa yia min ja su. Be nga be kle be yalɛ'n, e nin be e ´yia nun.

Zeremi 31:1

Anannganman waan: «I blɛ sɔ nun'n, n wa yo Izraɛl awlobo'm be kwlakwla be Nyanmiɛn. Be kusu be ´yo min sran.»

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 31:31

Anannganman'n waan: «Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ .

Ezekiɛl 36:11

Lika'n kwlaa, sran nin nnɛn'm be wa trɛ. Amun wa sɔn kpanngban kpa, yɛ amun nin amun osu nunfuɛ'm be ´sɔn. Mɛn'n i nun sran'm be wa sɔn tra laa'n. Yɛ n wa yo amun kpa n tra laa'n. Yɛ amun wa si jrɛiin kɛ min yɛ n ti Anannganman nin-ɔn.

Ezekiɛl 36:37

Anannganman Nyanmiɛn'n wan yoo: «N wa yaci Izraɛlfuɛ mun ekun nan be flɛ min kɛ n `uka be. Yɛ n wa tɛ be su, ɔ man be ´yo kpanngban kɛ nnɛn fa kun sa.

Ezekiɛl 37:16

«Klɔ sran, fa waka kun nan klɛ su kɛ: ‹nin Izraɛlfuɛ nga be o famiɛn diwlɛ nga nun'n.› Fa waka bue uflɛ nan klɛ su kɛ: ‹Zozɛf nin Izraɛlfuɛ nga be o famiɛn diwlɛ nga nun'n.›

Ezekiɛl 39:25

Anannganman Nyanmiɛn wan yoo: «N ´fa Zakɔb i anunman nga be trali be lomuɛn'n n ´sa be sin, yɛ n ´si Izraɛlfuɛ'm be aunnvuɛ. N ´si min dunman fɛ'n i ti kwla.

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 2:23

Anannganman'n waan: «I cɛn sɔ nun'n, sɛ be srɛ min like'n m ´man. Like nga nyanmiɛn b'ɔ la nglo lɔ plaii'n ɔ srɛ'n, m ´mɛn i. Yɛ like nga asiɛ'n kusu srɛ nyanmiɛn b'ɔ la nglo lɔ plaii'n i sa nun'n ɔ ´fa mɛn i.

Abdias 1:18

Ezau osu nun ba'm be ´yo kɛ ijre kee sa, Zakɔb nin Zozɛf be osu'n nun ba'm be kusu be ´yo kɛ sin nin i taaman sa yɛ be ´yra Ezau i osu nin-ɔn. Be ´nunnun be mlɔnmlɔn, be nun kun sa su tran-man nguan nun.» Afin Anannganman'n yɛ ɔ'a kan kle amun-ɔn .

Mise 4:13

«Siɔnfuɛ mun, an `jaso be `kpukpu ble'n. Ɔ ti wunmiɛn-ɔn, m ´man amun. Amun ´nyan wunmiɛn kɛ nannin b'ɔ lɛ blalɛ wɛ'n sa, kɛ nannin b'ɔ lɛ aaba ja bui'n sa. Amun ´nunnun nvle dandan mun, kpɛkuun bé bo ninnge nga an isa'n, an ´fa man min bɔ n sie mɛn wunmuan'n .»

Mise 4:6

«Cɛn kun ɔ wa ju bɔ bua nga bé ja buli'n, n ´fa be n ´sie-ɔ. Sran nga be mlinnin'n, be nga n yoli be tɛtɛ'n, n ´yiayia be.

Mise 5:3

Anannganman i fanngan nin i anyrunnyan'n ti, sran sɔ'n ɔ wa jaso yɛ ɔ ´niɛn i sran'm be lika. I nvlefuɛ'm be ´di alaje, afin i dunman'n fu lele ju mɛn'n i awieliɛ lɔ .

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mise 7:16

Man mɛn kun nga'm be nunfuɛ'm be ´yo kwlafuɛ sɛ, sanngɛ kɛ be wun i sɔ sa liɛ mun'n, be nyin ´gua ase. Be su si-man wie se, ɔ ´bo bé nuan .

Zakari 1:16

Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 10:12

N ´yo man min sran'm be ´yo yasua. Be ´nian min dunman'n su yɛ be ´nanti-ɔ. M bɔbɔ min Anannganman'n, min yɛ n kan sɔ-ɔ.»

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

Zakari 8:11

Sanngɛ tranlɛ nga e nin laafuɛ mun e trannin'n, nɛ́n i kunngba'n yɛ e nin Izraɛlfuɛ nga be kali'n e tran siɛn nin-ɔn.

Zakari 9:16

Cɛn sɔ nun'n, Anannganman Nyanmiɛn ´de i sran mun kɛ nnɛn kankanfuɛ'n fa de i nnɛn mun'n sa. Be ´yo kɛ famiɛn kle'n i nun yɛbuɛ kpakpa bɔ be bo mianmian'n sa i lika'n nun.