Zakari 10:5 - NYANMIƐN NDƐ'N 1998

⁵ Be wa yo safunyrɛn, be ´tiatia be kpɔfuɛ'm be su kɛ be tiatia klɔ nun akpɔ'n nun aunnyan'n su'n sa. Be ´kun alɛ'n kɛ ng'ɔ o lɛ'n sa, afin m bɔbɔ min Anannganman'n n jin bé sin.

Zakari 10:5 ပူးပေါင်းရင်းမြစ်များ

2 Samiɛl 22:43

N nunkun be man be yo kɛ asiɛ wun ndutre sa. N tiatia bé su kɛ atin nun nnɔtiɛ'n sa.

2 Samiɛl 22:8

Kpɛkuun asiɛ wunmuan'n nin nyanmiɛn'n b'ɔ la nglo lɔ plaii'n be su keje, afin Anannganman fali ya dan.

2 Famiɛn Mun 9:33

Zei seli be kɛ: «Amun `su i bo man ɔ fin fenɛtri'n nun lɔ tɔ!» Yɛ be suli i bo-ɔ. Ɔ fin fenɛtri'n nun lɔ tɔli. Kɛ ɔ tɔli'n, i mmoja'n guali talɛ'n nin nnɛn kpanngɔ'm bé wun. Zei fɛli i kakaklolo'n sinnin i su ɔli.

Jue Mun 18:42

Be kpan lele ngbɛn, be nyan-man defuɛ! Be kpan flɛ Anannganman, sanngɛ ɔ tɛ-man be su!

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Jue Mun 33:16

Kɛ famiɛn kun ɔ ´kun alɛ b'ɔ ´fite nun'n, nán sonja kpanngban b'ɔ lɛ i'n be fanngan nun ti-ɔ. Kɛ safunyrɛn'n ɔ ´nyɛn i ti lɛ'n, nán fanngan dan b'ɔ lɛ i'n ti-ɔ.

Jue Mun 44:5

Min Min, min famiɛn, sɛ ɔ sran'm be ´kwla'n, ɔ fin wɔ.

Jue Mun 45:3

Ɔ klanman liɛ'n tra sran'm be kwlaa be liɛ'n. A si ijɔ man o yo klanman. Nyanmiɛn'n man ɔ ninnge'm be yoli ye, be yo sɔ tititi.

Ezai 10:6

Min waan be wɔ nan be ko kle sran nga be bu-man min like fi'n, be nyrɛnnɛn. Min waan be `ko tɔ sran nga be fɔkɔ min anwlɛn'n be su nan be `fɛn bé bo ninnge'n be `fa. Min waan be tiatia be su kɛ be tiatia atin nun nnɔtiɛ'n nun'n sa.

Ezai 25:10

Afin Anannganman i sa kpa'n wo oka nga su.» Be tiatia Moabfuɛ'm be su kan be o lɛ'n, be tiatia be su kɛ ijre bɔ be tiatia su angrɛ kunman'n nun'n sa.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 41:12

Be nga be fa utre wla amún sin'n, amun kunndɛ be-ɔ, amun su wun-man be kun. Be nga be nin amun kun alɛ'n, be ´nunnun mlɔnmlɔn, be su wun-man be osu.

Ezai 41:25

N ko tuli sran kun bo mɛn'n i nglo lɔ, ɔ fin wia afiliɛ lɔ bali, ɔ bo min dunman. Ɔ tiatia siefuɛ'm be su kɛ be tiatia nnɔtiɛ'n nun'n sa. Ɔ tiatia be su kɛ sɛ wufuɛ ɔ tiatia i ufa'n su sa .

Ezai 8:9

Sran mun, amun `kpan, srɛ dan kpa ɔ wa kun amun! Amun kwlaa nga amun wo asiɛ'n i muamua lɔ'n, amun `sie amún su, alɛ'n ti amun `buabua amún wun, srɛ dan kpa ɔ wa kun amun!

Ezekiɛl 38:15

A ´tu ɔ bo ɔ mɛn ng'ɔ o nglo lɔ lika nun'n i nun. Kɛ a ´kɔ'n, a nin sran kpanngban kpa yɛ be kɔ-ɔ. Be kwlaa be ´fu nnɛn kpanngɔ'm be su. Amun ´sɔn, yɛ amun ´yo sro.

Amɔs 2:15

Ta tofuɛ'n su nyan-man jranwlɛ. Wanndifuɛ dan kpa'n bɔbɔ su nyɛn-mɛn i ti. Nnɛn kpanngɔ fufuɛ'n bɔbɔ su kwla de-mɛn i wun.

Mise 5:8

Man ɔ́ sa'n su, a nin ɔ kpɔfuɛ'm be `kun, nan be `nunnun treketreke.

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Ndɛ Nga Nyanmiɛn I Nuan Ijɔfuɛ Aze Kannin'n 2:22

N ´yi famiɛn'm be ase. N ´yo man be kwlalɛ'n ´wie. N ´utu kakaklolo mun nin be nun sran mun. N ´yo man nnɛn kpanngɔ'm be ´wu. Be nga be fu bé su'n, be ´kun be wiengu .

Zakari 12:4

I sɔ blɛ nun'n, n ´wla nnɛn kpanngɔ'm be srɛ. Kpɛkuun be nga be fu nnɛn kpanngɔ sɔ'm be su'n be ´yo kɛ bé nyin su ɔ'a tu sa. N ´nian Zidafuɛ'm be lika, kpɛkuun n ´si nvle kun nga'm be nnɛn kpanngɔ'm bé nyin mma.

Zakari 12:8

I sɔ blɛ nun'n, Anannganman'n ´sasa Zerizalɛmfuɛ mun. Be nun fuɛnfuɛ kpa'm be wa yo wunmiɛnfuɛ kɛ David sa. David osufuɛ'm be kusu be ´yo kɛ Nyanmiɛn sa, be yo kɛ Nyanmiɛn i anz b'ɔ dun mmua be nyrun'n sa.

Zakari 14:13

I sɔ blɛ'n nun'n, Anannganman'n ´fa utre dan kpa yi be afiɛn. Be ´sɔsɔ be wiengu sa, be ´bo be wiengu acɔliɛ.

Zakari 14:3

Kpɛkuun Anannganman'n nin nvle sɔ mun be ´ko kun. Kɛ alɛ tɔ titi-ɔ ɔ fa yo'n, i su yɛ ɔ ´nian yo-ɔ.

Zakari 9:13

Min ta bɔ n to'n yɛlɛ Zida, m'an cuɛn nun m'an sie. I su ta mma'n yɛlɛ Efraim, m'an fa sie ta'n su. Siɔn, n wa su ɔ nunfuɛ'm be bo kɛ be nin Zavanfuɛ'm be `ko kun. I sran sɔ'm be wa yo min sa nun kɛ safunyrɛn wie sa nun tokofi sa.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 4:3

Lakafuɛ'n bɛli i wun lɛ, ɔ seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga mun man be kaci aliɛ.»

JÉSUS-CHRIST I DYASIN FE'N BO LUC KLELI'N 24:19

Yɛ ɔ usali be kɛ: «?Nguɛ sa-a?» Yɛ be seli i kɛ: «Sa nga be yoli Jésus b'ɔ fin Nazarɛt'n, i ndɛ yɛ e kan-an. Ɔ ti Nyanmiɛn nuan ijɔfuɛ b'ɔ yo sa kekleekle b'ɔ si ijɔ kpa Nyanmiɛn nin sran'm be nyrun.

Sa nga bé yôli'n 18:24

Zuif bian kun b'ɔ fin Alɛksandri klɔ'n su'n, bɔ be flɛ i kɛ Apolɔs'n, ɔ bali Efɛz lɛ. Ɔ ti sran b'ɔ si ijɔ kpa, yɛ ɔ si Nyanmiɛn Ndɛ nga be klɛli'n kpa.

Sa nga bé yôli'n 7:22

Eziptfuɛ'm be kleli Moiz be ngwlɛlɛ'n kwlaa, ɔ si ijɔ kpa, yɛ ɔ yoli sran waka-waka.

2 Korɛntfuɛ Mun 10:4

Afin like nga e fa kun alɛ'n, be fin-man sran, be fin Nyanmiɛn, be ti kekleke, ɔ man be kwla bu awa ngbli-ngbli mun. E bu be kwlaa nga be akunndan'n ti tɛ'n be bue,

Mmla'n 20:1

Sɛ amun ´kɔ alɛ kunlɛ'n, nan amun ´nian-an, amun kpɔfuɛ'm be nnɛn kpanngɔ mun, nin be kakaklolo'm be kpanngban ɔ tra amun liɛ'n, nán amun sro be, afin Anannganman amun Nyanmiɛn b'ɔ fali amun Ezipt mɛn'n nun lɔ bali'n, ɔ nin amun wo nun.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

2 Timote 4:7

M'an mian mín nyin m'an wanndi wanndilɛ dan kpa, m'an ju n juwlɛ, n jran kekle lafili Nyanmiɛn su.

Zozie 10:14

Anannganman nian nian-man sran nuan ndɛ su nian yo-man sa kɛ nga sa le, yɛ kɛ ɔ fin i lɛ b'ɔ fa ju ndɛ'n, cɛn kɛ nga lɛ sa i wun su nian ju-man le yɛ ɔ su ju-man le. Anannganman nian yo-man i sɔ like kun. Nanwlɛ, le kun sɔ'n Anannganman ukali Izraɛlfuɛ mun yɛ be kunnin alɛ nin-ɔn.

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Sa nglô yile 19:17

I sin n wunnin anz kun, ɔ jin wia'n nun. Ɔ kpan seli anunman bɔ be su tu sin'n be kwlaa be kɛ: «An `bla, an `wa yia wa, cɛn dan nga Nyanmiɛn wa di'n ti .

1 Samiɛl 16:18

Sail i sufuɛ kun waan: «M bɔbɔ n si gbanflɛn kun. Izai ng'ɔ o Bɛtleɛm'n i wa-a. Ɔ si ngowa sɔ'n kan kpa. Kusu ɔ ti sran kpa. Ɔ ti yakpafuɛ, ɔ si ijɔ, ɔ ti klanman, yɛ Anannganman nin i o nun.»