Zakari 10:1 - NYANMIƐN NDƐ'N 1998

¹ An `srɛ Anannganman man nzue'n `tɔ munngun nun. Afin nzue dandan nga be tɔ'n, i yɛ ɔ tɔ be-ɔ. Ɔ ´tɔ nzue dan kpa ´man amun nan amun kwlaa amun fie'm be su ninnge be `wla nnya klanman kpa.

Zakari 10:1 ပူးပေါင်းရင်းမြစ်များ

1 Famiɛn Mun 17:1

Eli b'ɔ fin Galaad i klɔ nga be flɛ i Tisbɛ'n su'n, ɔ seli Akab kɛ: «N kan Nyanmiɛn! Anannganman b'ɔ ti Izraɛl Nyanmiɛn, bɔ n su i'n, i dunman nun n ´kan kle wɔ kɛ afuɛ nga be ´ba yɛ'n, bɔlɛ su gua-man nan se kɛ nzue yɛ ɔ tɔ-ɔ. San m'an srɛ Nyanmiɛn kɛ ɔ `tɔ, yɛ ɔ ´tɔ-ɔ .»

Zɔb I Nyrɛnnɛn Wunlɛ 29:23

Sran'm be minndɛ min kɛ be minndɛ nzue'n i tɔlɛ'n sa, kɛ munngun nun nzue dan bɔ be minndɛ i tɔlɛ'n sa.

Jue Mun 104:13

A o nglo lɔ a tɔ nzue oka'm be su. A yo man asiɛ'n i lika kwlaa e wun ɔ ninnge kpakpa nga a man'n.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 65:9

Kɛ ɔ fɛ i lele b'ɔ ´fa ju asiɛ'n i awieliɛ'n lɔ'n, kɛ sran'm be wun sa nga a yo be'n, be akunndan sanngan be klun. Wɔ man wia afiliɛ lɔfuɛ mun nin wia atɔliɛ lɔfuɛ'm be bo sro.

Jue Mun 72:6

Man ɔ yo kɛ nzue b'ɔ tɔ ijre bɔ b'a kpɛkpɛ'n su'n su sa. Man ɔ yo kɛ nzue dan b'ɔ lualua asiɛ'n sa.

Nyanndra Mun 16:15

Kɛ a wun srilɛ puɛpuɛ famiɛn'n nuan'n, wuun ɔ ti kɛ i mɛn'n nun sran'm be di alaje yɛ i aklunye'n ɔ ti kɛ nzue b'ɔ tɔ jɔ lika'n sa.

Ezai 30:23

Kpɛkuun Anannganman ɔ ´yo man nzue ´tɔ ninnge nga amun luali'm be su. Yɛ amun ´nyan aliɛ b'ɔ ti kpa, amun ´nyɛn i kpanngban kpa. I blɛ sɔ nun'n, lika nga amun nnɛn'm be didi nun'n, be ´yo tɛtrɛ kpa.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 14:22

?Nvle nga nunfuɛ'm bé finfin ninnge nga be su be'n, onin cɛ yɛ ɔ kwla tɔ nzue-ɔ? ?Nzue'n fin nglo lɔ tɔ sa ngbɛn? ?Nán wɔ yɛ man nzue'n tɔ-ɔ? Anannganman e Nyanmiɛn, ɔ su yɛ é wla'n wo-ɔ. Afin wɔ yɛ a yo sa ng'ɔ o lɛ i kwlaa nin-ɔn.»

Zeremi 5:24

An bu-man akunndan se-man kɛ: ‹Man e nyin yi Anannganman e Nyanmiɛn'n, afin i yɛ kɛ nzue'n ju i blɛ'n, ɔ tɔ man ye-ɔ. Ɔ tɔ nzue klikli nin afuɛ nuan nzue kasiɛn'n. I yɛ man afuɛ nuan kwlakwla e nyan blɛ e ti e fie su ninnge mun-ɔn.›

Zeremi 51:16

I nɛn b'ɔ ´uke sa'n, kpɛkuun nyanmiɛn su lɔ nzue'n b'a kan b'a bo nun. Nzue'n ɔ mlan dan kpa asiɛ'n i bue kun lɔ. Ɔ man nyanmiɛn'n ɔ kpa sin kpɛkuun nzue'n tɔ. Sɛ e ´kwla se'n, aunngban'n fin i sua'n nun lɔ fite.

Ezekiɛl 34:26

N ´yaci be lɛ be ´tran min oka'n i wun lɛ. N ´yo man nzue'n ɔ ´tɔ i tɔlɛ blɛ'n nun, yɛ ɔ wa yo be muae like.

Ezekiɛl 36:37

Anannganman Nyanmiɛn'n wan yoo: «N wa yaci Izraɛlfuɛ mun ekun nan be flɛ min kɛ n `uka be. Yɛ n wa tɛ be su, ɔ man be ´yo kpanngban kɛ nnɛn fa kun sa.

Ndɛ Nga Nyanmiɛn I Nuan Ijɔfuɛ Oze Kannin'n 10:12

Sɛ sa nuan su yolɛ'n ti mma'n, wuun n ´se kɛ an gua nan amu'an titi klun-ufue'n i mma. An `sɔn bo uflɛ, min Anannganman min mantanlɛ blɛ'n yɛ ɔ'a ju yɛ. Amun `fa amún wun `mantan min, nan sɛ m ´ba'n, m'an fa ti delɛ'n m'an blɛ amun .

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Mise 5:7

Zakɔb osu nunfuɛ nga be ka'n, be nin nvle uflɛ mun, be nun sran kpanngban, be ´tran kɛ asɔmɔli b'ɔ o blo nnɛn'm be afiɛn'n sa. Be ´tran kɛ asɔmɔli b'ɔ o bua'm be afiɛn'n sa. Kɛ ɔ ´sin'n, nnɛn kun nga i waan ɔ ´trɛ titi i nun'n, sran fi lɛ-man atin b'ɔ ´de i sa nun-ɔn.

Jean 16:23

Cɛn sɔ'n nun'n, an su usa-man n sa sa wie su kun. Nanwlɛ, like kwlaa nga an srɛ n Si min dunman nun'n, ɔ ´fa man amun .

1 Korɛntfuɛ Mun 3:6

E Min'n mannin e junman ngunmin-ngunmin, sɛ ɔ ti waka-a, min yɛ n tali-ɔ, Apolɔs kusu yɛ ɔ guali su nzue-ɔ, sanngɛ Nyanmiɛn yɛ man ɔ yoli kpa-a.

Mmla'n 28:23

Nzue su tɔ-man kun, asiɛ'n ´yo kekleke kɛ blalɛ sa.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.