Zakari 1:8 - NYANMIƐN NDƐ'N 1998

⁸ Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Zakari 1:8 ပူးပေါင်းရင်းမြစ်များ

Bo Bolɛ 20:3

Kpɛkuun kɔnguɛ laliɛ nun Nyanmiɛn fiteli Abimelɛk nyrun. Nyanmiɛn seli i laliɛ sɔ'n nun kɛ: «Bla nga wɔ man be ko fɛli i lɛ'n ti, a wa wu, afin ɔ lɛ bian.»

Bo Bolɛ 46:2

Kpɛkuun Nyanmiɛn kannin ndɛ aolia nun kleli i. Ɔ flɛli i, i waan: «Zakɔb! Zakɔb!» Zakɔb waan: «M'an sro!»

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Neemi 8:15

Cɛn sɔ'n i bo bolɛ nun'n, ɔ fata kɛ be bo i jɔ sin Zerizalɛm nin klɔ'm be kwlaa su. Be `se sran'm be kɛ be `wɔ oka'm be su be `ko kpɛ olivie nga be tali'n i nnya, nin blo olivie nnya, nin mirt nnya, nin mme nnya, ɔ nin waka kwlaa nga i nnya'n ti klanman'n, nan be fa kplan kpata kɛ ɔ ti klɛwa'n sa .

Zɔb I Nyrɛnnɛn Wunlɛ 4:13

Kɔnguɛ'n, laliɛ nun blɛ bɔ akunndan'm b'a yo sukusuku'n, bɔ lafilɛ dan ɔ ´tɔ sran'm be su'n, yɛ n tili-ɔ.

Ngɔjue Fɛfɛ Kpa'n 2:16

Min adeba'n ti min liɛ, n kusu n ti i liɛ. Kan lis nyrɛ'm be o lɛ'n, lɛ yɛ ɔ fɛ i nnɛn mun kɔ didilɛ-ɔ.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Ezai 41:19

N wa ta sɛdri, nin akasia, nin mirt, ɔ nin olivie aawlɛ flɛnnɛn'n nun lɔ. Lika b'ɔ ti kee'n, n ´ta nun siprɛs waka nin pɛn waka, ɔ nin bui.

Ezai 55:13

Siprɛs'm be ´fifi susrɛ'm be osu, yɛ mirt'm be ´fifi flɔn'm be osu. I sɔ'n ɔ wa yo Anannganman'n i manmanlɛ like. Ɔ ´yo nzɔliɛ kun b'ɔ ´ka lɛ tititi, b'ɔ be su yi-mɛn i lɛ le.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Daniɛl 2:19

Kpɛkuun Nyanmiɛn yili nvialiɛ nun sa sɔ'n i nglo kleli Daniɛl aolia nun kɔnguɛ afiɛn. Nan Daniɛl ɔ'a la Nyanmiɛn b'ɔ o nglo lɔ'n i ase.

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Daniɛl 7:2

Ɔ seli kɛ: «Kɔnguɛ kɛ n ´cɛn laliɛ'n, n wunnin kɛ aunngban'n ɔ fin mɛn'n i bue nnan'n su ba sa vuu yɛ ɔ wa fitali jenvie dan'n su.

Zakari 1:10

Kpɛkuun sran ng'ɔ jin mirt waka'm be afiɛn'n ɔ'a sɔ su, i waan: «Be nga bɔ Anannganman sunmannin be kɛ be `wlan asiɛ'n su'n mun-ɔn.»

Zakari 1:11

Kpɛkuun sran sɔ'm be seli Anannganman i anz b'ɔ o mirt waka'm be afiɛn lɔ'n kɛ: «E ko wlan-wlannin asiɛ'n wunmuan'n su, sanngɛ y'a wun-man kɛ be di utre lika kun.»

Zakari 1:7

Kɛ be sieli Dariis i famiɛn'n, i afuɛ nnyɔn'n i anglo blu-nin-kun su'n bɔ be flɛ i kɛ Seba anglo'n, i le ablaɔn-nin-nnan'n su'n, Anannganman'n kannin ndɛ kleli Zakari, Ido i wa Berekia i wa liɛ'n.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Kalɛ 12:6

Ɔ seli be kɛ: «Amun `tie min ndɛ'm be kpa. Mín nuan ijɔfuɛ kun b'ɔ o amun afiɛn sa'n, aolia nun yɛ n yi mín wun nglo n kle i-ɔ, laliɛ nun yɛ n kan ndɛ n kle i-ɔ.

Zozie 5:13

Le kun kɛ bɔ Zozie kɔ Zeriko b'ɔ mantannin lɔ koko'n, ɔ ´nian-an, sran kun yɛ ɔ jin i nyrun ndɛnman su yɛ, tokofi o i sa nun. Zozie wunngeli i wun lɛ yɛ ɔ usɛli i kɛ: «?A ti e sinfuɛ annzɛ a ti e kpɔfuɛ'm be nun wie?»

Sa nglô yile 2:1

«Nian ndɛ nga n klo kɛ a klɛ ko man Efɛz asɔnun'n i anz'n yɛ: ‹M bɔ nzraama nso'n wo ń sa fama nun'n, bɔ n nanti-nanti sika ɔkwlɛ kannin nso bɔ be jinjin lɛ'm be afiɛn'n, n se kɛ yoo:

Sa nglô yile 6:2

N ´nian-an, nnɛn kpanngɔ ufue kun yɛ. Ta o sran ng'ɔ ti su'n i sa nun, be mɛnnin i like kun kɛ sika kle sa, yɛ ɔ ɔli yasua su kɛ ɔ nin i kpɔfuɛ mun be ko kun nan ɔ ´kwla be .

Sa nglô yile 6:4

Yɛ nnɛn kpanngɔ kun ekun fiteli-ɔ. Ɔ ti ɔkwlɛ. Be mannin sran ng'ɔ ti su'n i atin kɛ ɔ kpɛ alɛ nan sran'm be kun bé wun. Be mɛnnin i tokofi dan kun.