Zakari 1:5 - NYANMIƐN NDƐ'N 1998

⁵ Amun nannan sɔ'm bé nyin nun-man su kun. Min nuan ijɔfuɛ'm be kusu be wieli wu.

Zakari 1:5 ပူးပေါင်းရင်းမြစ်များ

2 Famiɛn Mun 13:14

Elize wunnɛn yoli i ya. I sin nan ɔ'a wu'n, Zɔas b'ɔ ti Izraɛl famiɛn'n ko wunnin i wun, ɔ kluli i su, ɔ sunnin. Kɛ ɔ ´sun'n, ɔ seli kɛ: «Baba, baba! A lɛ nyrun kɛ Izraɛl mɛn'n nun kakaklolo'm be kwlaa, ɔ nin i nnɛn kpanngɔ mun, ɔ nin be su fufuɛ'm be kwlaa be sa!»

2 Famiɛn Mun 13:20

Elize wuli. Be sieli i. I afuɛ nuan b'ɔ ´yia'n, Moabfuɛ'm be wa wluli Izraɛl mɛn'n nun.

Jue Mun 90:10

Sɛ be waan y'a cɛ o, wuun y'a di afuɛ ableso. Be nga be lɛ wunmiɛn kpa'n be kwla di afuɛ ablaɔcuɛ. Sanngɛ afɛ nin nyrɛnnɛn ngunmin yɛ e wun i-ɔ. E nguan'n sin ndɛndɛ, wie'n fa e ndɛndɛ.

Akunndanfuɛ'n 1:4

Kɛ sran'm be ´wu be kɔ'n, wuun uflɛ'm be kaci be, kɛ ɔ ´yo sɔ tititi-ɔ. Sanngɛ asiɛ'n wo i osu'n nun titi.

Akunndanfuɛ'n 12:5

Blɛ sɔ'n nun'n be ´sro kpɔlɛ kaan sa'n i su fulɛ, kɛ be ´nanti'n srɛ ´kun be. Bé ti'n ɔ ´fɛn fuaii kɛ amandie i nyrɛ'n sa. Be ´nanti sa yɛklɛyɛklɛ kɛ lalo'n bɔ kpɛnngbɛn'n ɔ'a ti i'n sa. Afin kɛ blɛ sɔ'n ko ju'n, wuun sran kwlaa su kɔ i tranwlɛ b'ɔ ti anannganman'n i nun lɔ. Yɛ ngwlɛ yifuɛ'm be wlan-wlan atin'n nun be sin .

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Zeremi 36:28

«Kunndɛ fluwa uflɛ nan ndɛ kwlaa ng'ɔ ti klɛwa fluwa klikli nga Zozakim yrɛli i nun'n, `klɛ i nun ekun.

Ngwlɛ Yilɛ 5:7

E nannan'm bɔ be yoli be sa tɛ'n be nun-man nun kun. I sɔ'n kpɛkuun é ti su yɛ bé sa tɛ sɔ'n i trɔ'n ɔ'a taka-a .

Jean 8:52

Zuif'm be seli i kɛ: «Siɛn'n, y'a wun i wlɛ kpa kɛ like wie su wɔ su. Abraam wuli, yɛ Nyanmiɛn nuan ijɔfuɛ'm be wuli, sanngɛ ɔ li ɔ waan sran ng'ɔ fa ɔ ndɛ'n su'n, ɔ su wu-man mlɔnmlɔn.

Sa nga bé yôli'n 13:36

David liɛ'n, kɛ i nyin o su'n, ɔ yoli Nyanmiɛn klun sa. Kɛ ɔ wuli'n, ɔ toli i nannan'm be lɔ, ɔ kplɔli.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.

1 Samiɛl 25:1

Samiɛl wa wuli. Izraɛlfuɛ'm be kwlaa be yiali, be yoli i sɛ'n nan b'a sie i Rama lɔ i awlo'n nun. I sin David ɔli Paran aawlɛ flɛnnɛn'n nun lɔ.