Zakari 1:2 - NYANMIƐN NDƐ'N 1998

^2-3 Anannganman waan ɔ `se Izraɛlfuɛ'm be kɛ: «Min Anannganman bɔ n sie mɛn wunmuan n fali ya dan kpa amun nannan'm bé wun. Sanngɛ sɛ an sa amun sin ba min sin'n, n kusu n ´sa min sin m ba amun wun. Yɛ m'an kan m'an kle amun lɛ-ɔ.

Zakari 1:2 ပူးပေါင်းရင်းမြစ်များ

2 Famiɛn Mun 22:19

A tili i kɛ min waan m ´bo klɔ nga nin i nun sran'm be sannzan nan n ´nunnun be. Ndɛ sɔ'n wluli ɔ́ wun, ɔ man a titili ɔ wun tralɛ'm be nun, a kannin ɔ́ wun ase min bo, a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

2 Famiɛn Mun 23:26

I ti ya dan nga Anannganman fɛli i Zidafuɛ'm bé wun'n, ɔ'a yaci-man nun, afin like nga Manase yoli'n, ɔ fɔkɔli i anwlɛn dan.

Ɛsdras 9:13

E Nyanmiɛn, e nyoliɛ tɛtɛ mun nin e fɔnlɛ ngbli-ngbli'm be ti yɛ sa'm be juli ye su-ɔ, sanngɛ w'a nian-man e sa tɛ sɔ'm be su w'a tu-man e fɔ. ?Yɛ ndɛkɛn bɔ w'a yo man e nun sran wie'm b'a nyan atin b'a sa be sin'n

Jue Mun 60:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo jru. Be fa kle like. Ɔ kan alɛ bɔ David nin i sran'm be nin Sirifuɛ nga be fin Mezopotami nin be nga be fin Sɔba'n be kunnin'n i ndɛ. Kɛ be ɔli bɔ be bali'n, Zoab nin i sran'm be nin Edɔmfuɛ'm be ko kunnin. Zoab nin i sran mun be kwlali Edɔmfuɛ sɔ'm be sonja akpi-akpi-blu-nin-nnyɔn (12.000) Njin Kongo'n nun lɔ. I waan:

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Ngwlɛ Yilɛ 5:7

E nannan'm bɔ be yoli be sa tɛ'n be nun-man nun kun. I sɔ'n kpɛkuun é ti su yɛ bé sa tɛ sɔ'n i trɔ'n ɔ'a taka-a .

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Zakari 1:15

Ya nga m'an fɛ i nvle nga be fa bé wla gua be bɔbɔ be wun su'n, be wun'n, ɔ ti dan. Ɔ liɛ ya kaan sa bɔ n fɛli i Izraɛl wun'n, i ti ɔ sacili. Nvle sɔ'n bé sa o i sacilɛ sɔ'n nun wie.›

Zakari 7:12

Be buli bé su nun waka kpɔ! Mmla nin ndɛ nga Anannganman b'ɔ sie mɛn wunmuan'n i Wawɛ'n fa wlɛli i nuan ijɔfuɛ laa'm bé nuan kɛ be kan'n, be waan nán be yɛ be ko ti-ɔ. Ɔ man i kusu ɔ wa fali ya dan kpa.

Zakari 8:14

Anannganman b'ɔ sie mɛn wunmuan'n wan yoo: «Kɛ amun nannan'm be kunnin min ya bɔ n guguli kɛ n ´yo amun tɛ'n, m'an yaci m'an cɛ amun.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.