Zakari 1:16 - NYANMIƐN NDƐ'N 1998

¹⁶ Ɔ man i ti Anannganman'n wan yoo: ‹N ´sa min sin n ´nian Zerizalɛm lika ekun. Be wa kplan mín sua laa'n ekun. Be wa sunnzun Zerizalɛm be ´kplɛn i ekun. Min Anannganman b'ɔ n sie mɛn wunmuan'n yɛ n kan sɔ-ɔ.›

Zakari 1:16 ပူးပေါင်းရင်းမြစ်များ

Zɔb I Nyrɛnnɛn Wunlɛ 38:5

?Wan yɛ ɔ sieli i tiwa mun-ɔn? ?A si i kpa? ?Yɛ wan yɛ ɔ fali nyanman sunnzunnin-ɔn?

Ezai 12:1

Amun nga amun nyannin amun ti'n, amun `kɛn i cɛn nga amun nyannin amun ti'n i nun kɛ: «Anannganman, e ´manman wɔ. Kannzɛ a fali é wun ya'n, ɔ ya'n ɔ jɔli, yɛ a fɔnvɔli ye.

Ezai 34:11

Nzue nun anunman bɔ be tra jue sie be konvi bo'n nin jukunin'm be yɛ be ´fɛ i sɔ lika liɛ nin-ɔn. Akpatue mun nin kɔkɔkuankuan'm be ´tran nun. Nyanman kan'n nin nyanman bɔ sunmun wo i nuan'n, lika'n bɔ Anannganman ɔ ´saci i'n ti'n, ɔ ´fa be ´fa sunnzun.

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Ezekiɛl 40:3

Ɔ fa min ɔli lɔ. N ´nian-an, sran kun b'ɔ ti kɛ aaba sran sa'n yɛ o yɛ. Lɛn nyanman kun wo i sa nun. Yɛ ndɛma nga be fa sunnzun like'n i kun wo i sa nun. Ɔ jin nglo anuan kun wun lɛ.

Ezekiɛl 47:3

Ɔ ɔli wia afiliɛ lɔ, yɛ nyanman b'ɔ o i sa nun'n, ɔ fa sunnzunnin lika mɛtri ya nnun. Kɛ ɔ ´nanti kɔ lɔ'n, yɛ ɔ fali min kpɛli nzue nin-ɔn. Ɔ ju min ja ajue'm be su.

Ezekiɛl 48:35

Talɛ ng'ɔ sin yia klɔ'n i kwlaa i tɛnndɛn nun'n ɔ ´yo mɛtri akpi ngwlan (9.000). Kɛ ɔ fin lɛ'n, be wa flɛ klɔ'n kɛ: Anannganman'n Wo Lɛ .

Ndɛ Nga Nyanmiɛn I Nuan Ijɔfuɛ Aze Kannin'n 1:14

Anannganman'n mannin Zorobabɛl b'ɔ sie Zida'n nin Zozie b'ɔ ti Nyanmiɛn nyrun jranfuɛ'm be su kpɛn'n, ɔ nin Izraɛlfuɛ'm be kwlaa be wunmiɛn kɛ laa'n sa nan be kwlaa b'a bo be Nyanmiɛn'n b'ɔ sie mɛn'n wunmuan'n i sua'n i kplanlɛ bo

Zakari 10:6

N ´yo man Zidafuɛ'm be ´yo yakpa. N ´de Izraɛlfuɛ mun. N ´fa be m ´ba be osu laa'n nun, n ´klo be, n ´yo be kɛ n nian yi-man be ase le sa, afin n ti Anannganman be Nyanmiɛn. Be flɛ min-ɔn, n ´sro.

Zakari 2:4

N usɛli i kɛ: «?Be wa yo nguɛ?» Ɔ tɛli min su kɛ: «Nvle sroesroe nga be kejeli Zidafuɛ'm be nun b'ɔ man be fite be bie-man'n, blalɛ bofuɛ sɔ'm be bali be wlanwlanlɛ. Be wɛ bɔ be fa sanngan Zidafuɛ'm be nun'n be bɛli i bubulɛ.»

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Zakari 2:6

Yɛ n usɛli i kɛ: «?A ´ko nin?» I waan: «N ´ko sunnzun Zerizalɛm, n ´nian kɛ i tɛtrɛ nun nin i tɛnndɛn nun be fa ti'n.»

Zakari 4:9

«Zorobabɛl b'ɔ wlali sua nga bo ase'n, i kunngba'n yɛ ɔ ´wie i kplan-an.» Kɛ ɔ ko yo sɔ'n, amun wa wun i wlɛ sakpa-sakpa kɛ Anannganman b'ɔ sie mɛn'n wunmuan'n yɛ ɔ sunmannin min-ɔn.

Zakari 8:3

Anannganman wan yoo: «I sɔ'n ti yɛ n sali min sin Siɔn wa yɛ min wan n wa tran Zerizalɛm wa nin-ɔn. Be wa flɛ Zerizalɛm kɛ: Nanwlɛ Klɔ, yɛ be ´flɛ Siɔn oka'n kɛ: Nyanmiɛn Oka.»