Zakari 1:12 - NYANMIƐN NDƐ'N 1998

¹² Yɛ Anannganman i anz'n waan: «Ee! Anannganman, a fali Zerizalɛm klɔ'n nin Zida klɔ'm bé wun ya i afuɛ ableso yɛ. ?Cɛn onin ko nan w'a si be aunnvuɛ?»

Zakari 1:12 ပူးပေါင်းရင်းမြစ်များ

2 Be Nyoliɛ 36:21

Nyanmiɛn nuan ndɛ nga Zeremi kannin'n, kɛ ɔ kpɛnnin su kɛ ng'ɔ o lɛ'n sa. Ɔ kannin kɛ: «Mɛn'n ´ka lɛ ngbɛn lele afuɛ ableso. Kɛ ɔ ´yo sɔ'n, wuun asiɛ'n ´de wunmiɛn kɛ ɔ fata'n sa blɛ'n kwlaa sɔ'n nun .»

Jue Mun 102:10

Min aliɛ bɔ n di'n yɛlɛ ndutre. Like nga n ´nɔn bɔ min nyinmuɛn sanngan-man nun'n, ɔ nun-man lɛ.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 69:5

Be bɔ m'an yo-man be sa bɔ sanngɛ bé nyin ci min'n, be sɔnnin tra mín ti ndrɛ'n. Be kpɔ min ngbɛn. Be bɔ be kunndɛ kɛ be ´kun min'n be kwla. Like nga m'an wua-man'n, kɛ e sɔ su lele'n, san n ´yi n sie i osu .

Jue Mun 74:10

?Ee Nyanmiɛn, cɛn onin ko yɛ ɔ kpɔfuɛ'n ɔ ´yaci ɔ safle wɔlɛ-ɔ? ?Nan kɛ ɔ ´saci ɔ wun sa tititi?

Jue Mun 79:5

?Anannganman cɛn onin ko yɛ a ´yaci ya tantrantan nga a fɛ i e wun nin-ɔn? ?Cɛn onin ko yɛ é ti kwla b'ɔ a si'n i su ya b'ɔ yra kɛ sin sa'n, ɔ ´jaso e su-ɔ?

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Zeremi 12:4

?Cɛn onin ko nan awlaboɛ'n ɔ'a tu mɛn'n nun nan ninnge'm b'a yaci kee wulɛ fie'm be su? Nnɛn nin anunman'm be su wie wu mɛn'n nun sran'm bé sa tɛ'n dunman nun. Be ko se kɛ: «Nyanmiɛn'n wun-man sa nga e yo'n.»

Zeremi 15:17

Kɛ sran'm be yia bɔ be ´srisri'n, n ko tran-man be nun n yiyi-man min nyin su. A tra min nun kekle ti man n trannin min ngunmin ya bɔ ɔ man ɔ kun-man min ngowa'n ti.

Zeremi 29:10

Ndɛ nga Anannganman'n kɛn i ekun'n yɛ: «Kɛ Babilɔni'n i sielɛ'n i afuɛ ableso ko ju'n, n wa jran amun sin. Kpɛkuun amún wun ndɛ nga n kannin'n, n ´yiɛ i nuan: N ´fa amun m ´ba lika nga nun wa ekun.»

Zeremi 30:18

Anannganman'n wan yoo: «An `nian, n wa fa Zakɔb i osu nunfuɛ nga be trali be lomuɛn'n n ´sa be sin be tannin sua'm be nun. N ´si i awlofuɛ'm be aunnvuɛ, be ´kplan klɔ nvuɛn'n su. Be ´kplan sua kpakpa mun klɔ nvuɛn'n su.

Daniɛl 12:6

Kun kannin ndɛ kleli bian nga bɔ lɛn tannin tralɛ wo i wun'n b'ɔ o nzue'n su'n. Ɔ usɛli i kɛ: ‹?Blɛ onin yɛ abonuan ninnge nga'm be wie-ɔ?›

Abakik 1:2

?Anannganman, nan flɛlɛ nga m'an flɛ wɔ lele kɛ a wa de ye'n, a su tɛ-man min su le? ?Sa tɛtɛ nga be yo bɔ n kpan n kan n kle wɔ'n, cɛn onin ko yɛ a ´de ye be nun-ɔn?

Zakari 1:8

Zakari kɛnnin i kɛ: Kɛ n lali kɔnguɛ'n, like nga n wunnin i'n yɛ. Sran kun wo nnɛn kpanngɔ zoun kun su, ɔ jin mirt waka'm be afiɛn tɔnun'n nun. Nnɛn kpanngɔ wie'm be o i sin lɔ: wie ti zoun, wie ti ble nzue-nzue, wie kusu ti ufue .

Zakari 7:5

I waan n `se Nyanmiɛn nyrun jranfuɛ nin mɛn nga nunfuɛ'm be kwlaa kɛ: «?Nglɛmun nga an ci'n nin sunlɛ nga an sun afuɛ nuan kun nun anglo i nnun'n su nin anglo i nso'n su bɔ ɔ'a di afuɛ ableso yɛ'n, amun waan min yɛ an ci nglɛmun sɔ'n be man min-ɔn?

Hébreu 7:25

I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

Sa nglô yile 6:10

Be kpannin kekle be seli kɛ: «?Nannan, ɔ bɔ ɔ nzuɛn'n nin klɔ sran liɛ'n ti-man kun'n, bɔ a ti nanwlɛfuɛ'n, cɛn onin yɛ a ´di e jɔlɛ'n bɔ a ´tu e klunngbɔ asiɛ'n sufuɛ'm bé su kunlɛ bɔ be kunnin ye'n ti-ɔ ?»