Tite 3:7 - NYANMIƐN NDƐ'N 1998

⁷ nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

Nyanmien nde Ufle

⁷ nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Tite 3:7 ပူးပေါင်းရင်းမြစ်များ

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Marc 10:17

Kɛ Jésus fali atin'n su b'ɔ ´kɔ'n, sran kun wanndi wa kotoli i bo, ɔ usali Jésus kɛ: «?Nja, ɔ bɔ a ti like klefuɛ kpa'n, nguɛ yɛ n `yo nan man nyan anannganman nguan nin-ɔn?»

Rɔmfuɛ Mun 11:6

Nán sa nga be yoli'n ti yɛ ɔ fali be sɔ-ɔ, sanngɛ i klun-ufue'n ti yɛ ɔ yoli sɔ-ɔ. Afin sɛ like nga be yo'n ti yɛ ɔ fali be'n, wuun nán i klun-ufue'n ti-ɔ.

Rɔmfuɛ Mun 3:24

Sanngɛ Nyanmiɛn bu be sran kpa ɔ de-man be like fi i klun-ufue dan'n ti. Ɔ buli be sran kpa Krist-Jésus i delɛ b'ɔ deli be'n ti.

Rɔmfuɛ Mun 3:28

Afin e bu i kɛ nán mmla'n bɔ sran fa su'n ti yɛ Nyanmiɛn bu i sran kpa-a.

Rɔmfuɛ Mun 4:16

I sɔ'n ti'n, like nga Nyanmiɛn waan ɔ ´fa man be'n, ɔ fa man be i su bɔ be lafi'n nin ye dan b'ɔ yo be'n ti, ɔ man sa nga Nyanmiɛn seli kɛ ɔ ´yo'n, san ɔ ´yo man Abraam i osu nunfuɛ'm be kwlaa. Ɔ ti-mɛn i osu nunfuɛ nga be di mmla'n su'n be ngunmin be liɛ, sanngɛ i mma mun nin i anunman nga be lafi Nyanmiɛn su kɛ i b'ɔ ti e kwlaa e nannan'n i liɛ'n sa'n, ɔ ti be liɛ wie.

Rɔmfuɛ Mun 4:4

Sɛ sran kun di junman'n, i kalɛ nga be fa tuɛ i'n be bu-mɛn i kɛ like bɔ b'a fa cɛ i-ɔ, sanngɛ i akatua-a.

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Galasifuɛ Mun 3:29

Sɛ an ti Krist liɛ'n, wuun an ti Abraam anunman, ɔ man like nga Nyanmiɛn waan ɔ ´fa mɛn i sran mun'n, amun ´nyan wie.

Galasifuɛ Mun 4:7

I sɔ'n ti'n, an ti-man kanga mun kun, an ti Nyanmiɛn i mma mun. Kɛ an ti i mma mun'n ti'n, like ng'ɔ ti i liɛ'n ɔ ti amun liɛ.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Tite 2:11

Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 11:9

I su b'ɔ lafi'n ti, ɔ ko trannin nvle nga i waan ɔ ´fa mɛn i'n nun kɛ aofuɛ sa. Ɔ nin Izaak nin Zakɔb bɔ be kusu be ´nyan like nga i waan ɔ ´fa mɛn i'n wie'n, be trannin tannin sua'n nun.

Hébreu 6:17

Nyanmiɛn klo kɛ be nga be ´nyan like nga i waan ɔ ´man be'n be wun i wlɛ kpa kɛ ɔ su kaci-mɛn i akunndan'n. I sɔ'n ti yɛ kɛ ɔ kannin'n ɔ tali su nda nin-ɔn.

Jacques 2:5

N niaan kpa mun, an `sie amun su! ?Nyanmiɛn a fa-man mɛn nga nun yalɛfuɛ mun kɛ be yo anyanbeunfuɛ i su bɔ be lafi'n ti nan famiɛn nga i waan be nga be klo i'n be ´di'n be di wie?

1 Piɛr 3:7

Nja mun, kɛ bɔ an si kɛ amún yi'm be wunmiɛn'n ju-man amun liɛ nun'n, amun nin be tran kpa. An `bu be sran, afin ye nga Nyanmiɛn yoli amun b'ɔ man amun ´nyan nguan'n, ɔ yoli be wie. Sɛ an yo-man sɔ'n, amun nin Nyanmiɛn su kwla koko-man yalɛ wafa ng'ɔ ti su'n.