Tite 3:6 - NYANMIƐN NDƐ'N 1998

⁶ Afin e Defuɛ Krist-Jésus ti Nyanmiɛn fɛli i Wawɛ'n mannin ye i klun-ufue su

Nyanmien nde Ufle

⁶ Afin é Défue Christ-Jésus ti Nyanmien fe i Wawe'n maan é i klun-ufué su

Tite 3:6 ပူးပေါင်းရင်းမြစ်များ

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Ezai 32:15

Cɛn kun wa ju bɔ Nyanmiɛn ɔ ´fɛ i wawɛ'n ɔ ´man ye. Kpɛkuun aawlɛ flɛnnɛn'n ɔ ´kaci kɛ lika bɔ be tali nun waka'n sa, yɛ lika bɔ be tali nun waka'n, ɔ ´kaci bo ble .

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 16:7

Sanngɛ i nanwlɛ yɛ n di kleli amun-ɔn, sɛ n kɔ'n, ɔ ti kpa, afin sɛ m'an ɔ-man-an, Sran ng'ɔ ´uka amun'n ɔ su ba-man, sanngɛ sɛ n kɔ'n, n yo man ɔ ´ba.

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 7:37

Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

Sa nga bé yôli'n 10:45

Kɛ Zuif'm bɔ be lafi Jésus su bɔ be nin Piɛr bali'n be wunnin kɛ Nyanmiɛn fɛ i Wawɛ'n mannin be bɔ be ti-man Zuif'm be wie'n, ɔ boli be kwlaa bé nuan.

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Rɔmfuɛ Mun 5:5

Yɛ é wla bɔ e fa gua Nyanmiɛn su'n ti é nyin su gua-man ase, afin Nyanmiɛn man i Wawɛ b'ɔ fa mannin ye'n kle ye klolɛ dan nga Nyanmiɛn bɔbɔ fa klo ye'n ye anwlɛn'n nun weiin.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

Tite 1:4

Ɔ man n ´klɛ fluwa nga blɛ wɔ Tit bɔ a ti ń wa sakpa'n, yɛlɛ kɛ Nyanmiɛn kunngba'n su yɛ e nnyɔn'n e lafi-ɔ. Man e Si Nyanmiɛn nin e Defuɛ Krist-Jésus be man a nyan ye, yɛ man ɔ́ wun jɔ wɔ fɔuun !