Tite 3:5 - NYANMIƐN NDƐ'N 1998

⁵ ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.

Nyanmien nde Ufle

⁵ o déli é. Nanh ke é yôli sa kpa wié ti ye o déli yéo, sannge i bobo ye o sili é aunnvue soo. Ke o Wawe'n wuu é ufle wunnzinle b'o wunnziin yé'n ti, b'o man é katyi swran ufle'n, ye o déli yéo.

Tite 3:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 15:14

?Wan yɛlɛ sran b'ɔ ko di i nuan kɛ ɔ ti saun-ɔn? ?Klɔ sran kwla yo sɛsɛ?

Zɔb I Nyrɛnnɛn Wunlɛ 25:4

?Sran yo kpa Nyanmiɛn nyrun sɛ yɛ ɔ yo ye-ɔ? Klɔ sran'n ɔ ´yo sɛ yɛ ɔ ´yo saun i nyrun-ɔn?

Zɔb I Nyrɛnnɛn Wunlɛ 9:20

Sɛ min ndɛ yo fɛ o, ɔ ´bu min fɔ. Sɛ m'an fɔn-man mlɔnmlɔn'n, kannzɛ n kɛn i sɛ n kɛn i sɛ'n, san ɔ ´bu ndɛ'n yi min su.

Jue Mun 130:7

Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

Jue Mun 143:2

N ti ɔ sufuɛ, nán se kɛ a ´bu min fɔ. Asiɛ nga su wa'n, sran fi nun-man wa bɔ fiɛn nun-mɛn i wun ɔ́ nyrun-ɔn .

Jue Mun 51:10

Kan ndɛ fɛ kle min man min wun kpaja min nan n klun jɔ. Sɛ a yo sɔ'n, min bɔ a kleli min nun'n, min wun ɔ ´sanndi min.

Jue Mun 62:12

Nyanmiɛn ɔ'a kɛn i kpalɛ b'ɔ tra nnyɔn bɔbɔ m'an ti. I waan: «Wunmiɛn'n ɔ ti n kunngba n liɛ.»

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Jue Mun 86:5

Afin min Min, ɔ klun ti kpa, a yaci sran wun sa cɛ i. Be nga be kpan flɛ wɔ'n, a yi wɔ aklunye'n i nglo kle be.

Ezai 57:12

N wa kan amún sa kpa bɔ amun yo i ngboko'n, nin amun junman klanman bɔ amun di i ngboko'n. Sɛ n kan be'n, be su yo-man amún wun sa ye.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Mise 7:18

Nanwlɛ, Anannganman, like wie fi nin wɔ sɛ-man. Ɔ mɛn'n nun sran nga b'a wu-man'n, a nian be lika, yɛ kusu sa tɛ nga be yoli'n, a yaci cɛli be. A fa-man ya sie-man ɔ klun, afin a tu ɔ klun a yo klun-ufue.

Matthieu 3:11

N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.

JÉSUS-CHRIST I DYASIN FE'N BO LUC KLELI'N 1:54

Ɔ jrɛn i sran Izraɛlfuɛ'm be sin. Yɛ ndɛ b'ɔ kan kleli e nannan mun'n, nin Abraam nin i osufuɛ mun kɛ ɔ ´si be aunnvuɛ titi'n, i wla o su .»

JÉSUS-CHRIST I DYASIN FE'N BO LUC KLELI'N 1:72

Ɔ si e nannan'm be aunnvuɛ, yɛ i wla o ndɛ b'ɔ kan kleli be'n su.

JÉSUS-CHRIST I DYASIN FE'N BO LUC KLELI'N 1:78

Aunnvuɛ dan bɔ e Nyanmiɛn'n si ye'n ti'n, ɔ fin nglo lɔ ɔ wa nian e osu kɛ ɔ ´yo nan kɛ aliɛ'n cɛn bɔ wia'n fite'n ,

Rɔmfuɛ Mun 11:14

N yo i sɔ nan min nvlefuɛ'm be fa bé nyin ci amun nan be nun wie'm be nyan bé ti.

Rɔmfuɛ Mun 11:6

Nán sa nga be yoli'n ti yɛ ɔ fali be sɔ-ɔ, sanngɛ i klun-ufue'n ti yɛ ɔ yoli sɔ-ɔ. Afin sɛ like nga be yo'n ti yɛ ɔ fali be'n, wuun nán i klun-ufue'n ti-ɔ.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 3:20

Nyanmiɛn su bu-man sran fi sran kpa i mmla'n su falɛ'n ti, afin mmla'n ti yɛ man be si like nga be flɛ i kɛ sa tɛ nin-ɔn .

Rɔmfuɛ Mun 3:28

Afin e bu i kɛ nán mmla'n bɔ sran fa su'n ti yɛ Nyanmiɛn bu i sran kpa-a.

Rɔmfuɛ Mun 4:5

Sanngɛ sran ng'ɔ yo-man like fi nan ɔ lafi Nyanmiɛn b'ɔ bu sran b'ɔ sro-mɛn i'n i sran kpa'n i su'n, ɔ kaci sran sɔ'n i sran kpa i su b'ɔ lafi'n ti.

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

Rɔmfuɛ Mun 9:16

I sɔ'n fin-man like nga sran klo'n nin like ng'ɔ miɛn i nyin yo'n, sanngɛ ɔ fin Nyanmiɛn b'ɔ si aunnvuɛ'n.

Rɔmfuɛ Mun 9:30

?Ɔ man e ´se sɛ? Be bɔ be ti-man Zuif bɔ b'a kunndɛ-man kɛ Nyanmiɛn bu be sran kpa'n, Nyanmiɛn buli be sran kpa i su bɔ be lafili'n ti.

1 Korɛntfuɛ Mun 6:11

Kɛ laa amun nun sran wie'm be ti sɔ-ɔ. Sanngɛ siɛn'n, e Nyanmiɛn a wunnzin amun, ɔ'a fa amun a kaci i liɛ mlɔnmlɔn, yɛ ɔ'a bu amun sran kpa e Min Jésus-Krist dunman nun nin i Wawɛ'n i fanngan nun.

Galasifuɛ Mun 2:16

Kannzɛ e ti sɔ'n, e si kɛ Nyanmiɛn bu-man sran fi sran kpa mmla'n b'ɔ fa su'n ti, san Krist-Jésus su bɔ sran lafi'n ti yɛ man Nyanmiɛn bu i sran kpa-a. E kusu, kɛ ɔ ko yo nan Nyanmiɛn a bu e sran kpa Krist bɔ e lafi i su'n ti'n, nan ɔ'a yo-man kɛ mmla'n bɔ e fa su'n ti yɛ ɔ bu ye sran kpa'n, i ti yɛ e lafili Krist-Jésus su-ɔ. Afin Nyanmiɛn su bu-man sran fi sran kpa mmla'n b'ɔ fa su'n ti .

Efɛzfuɛ Mun 2:4

Sanngɛ Nyanmiɛn ti aunnvuɛ sifuɛ dan, ɔ man kɛ e tɛ yo kɛ sran bɔ ɔ'a wu sa i nyrun'n, klolɛ b'ɔ fa klo ye'n ti, ɔ mannin e nin Krist e nguan. Ye bɔ Nyanmiɛn yoli amun'n ti'n, ɔ yoli man amu'an nyan amún ti.

Efɛzfuɛ Mun 4:23

Man Nyanmiɛn bo amun uflɛ yɛ ɔ `kaci amun akunndan'n.

Efɛzfuɛ Mun 5:26

Afin Asɔnun'n ti, ɔ fɛ i wun mannin nan kɛ ɔ wunnzin i b'ɔ yo yɛiin i ndɛ'n ti, ɔ ´kaci Nyanmiɛn liɛ mlɔnmlɔn.

Mmla'n 9:5

Nán kɛ amun ti kpa annzɛ amun ti sɛsɛ ti yɛ amun su wa fa be mɛn nin-ɔn. Ɔ ti-man sɔ. Nvle sɔ'm be aeliɛ tɛtɛ'n ti yɛ Anannganman amun Nyanmiɛn'n ´fuan be amun nyrun-ɔn. I waan ɔ ´yo sɔ nan ɔ ´yia nda ng'ɔ tali amun nannan Abraam, nin Izaak, nin Zakɔb'n i nuan.

Kolɔsfuɛ Mun 3:10

yɛ amu'an fa nzuɛn uflɛ b'ɔ man amu'an yo kɛ sran bɔ Nyanmiɛn yili i uflɛ'n sa, Nyanmiɛn kaci sran sɔ'n titi lele ɔ si i kpa yɛ ɔ fɛ i mlɔnmlɔn .

2 Timote 1:9

Ɔ deli ye, ɔ flɛli ye kɛ e yo i sran, nán kɛ e yoli sa kpa ti yɛ ɔ flɛli ye-ɔ, sanngɛ é wun akunndan bɔ i bɔbɔ dun mmua buli'n, nin ye bɔ i waan Krist-Jésus ti ɔ ´yo ye'n ti-ɔ.

Tite 3:4

Sanngɛ kɛ e Defuɛ Nyanmiɛn yili i kpa yolɛ'n nin sran'm be klolɛ'n i nglo'n,

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.

Hébreu 6:6

ɔ nin i sɔ'n ngba sɛ ɔ yaci atin'n, be kwla yo-man man ɔ sɛ-mɛn i sin kaci-mɛn i nzuɛn'n kun. Afin sɛ ɔ ko yaci atin'n, wuun i kusu su bobo Nyanmiɛn Wa'n waka'n su ekun, ɔ guɛ i nyin ase nzra nun.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Piɛr 2:10

Laa an ti-man Nyanmiɛn sran mun, sanngɛ siɛn'n, amu'an kaci i sran mun. Laa Nyanmiɛn a si-man amun aunnvuɛ, sanngɛ siɛn'n, ɔ'a si amun aunnvuɛ .

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.