Tite 2:8 - NYANMIƐN NDƐ'N 1998

⁸ Kan ndɛ ng'ɔ ti kpa'n nan sran fi a se-man kɛ ndɛ nga a kan'n ti tɛ, nan ɔ kpɔfuɛ'm bé nyin gua ase, afin be su wun-man é wun ndɛ fi kan-man.

Nyanmien nde Ufle

⁸ Kan nde ng'o ti kpa'n nan swran fi a sé'a ke nde nga a kan'n ti te, nan o kpofue'm bé nyin gua asé, afin bé su wu'an é wun nde fi kanman.

Tite 2:8 ပူးပေါင်းရင်းမြစ်များ

Neemi 5:9

Yɛ n seli be kɛ: «Amu'an yo-mɛn i kpa. Ɔ fata kɛ amun nantilɛ'n kle kɛ amun nyin yi e Nyanmiɛn'n, man nvle nga bɔ be ti e kpɔfuɛ'm be yaci e nzowa kpɛlɛ'n.

Ezai 66:5

Amun bɔ amún nyin yi Anannganman i nuan ndɛ'n, amun `tie ndɛ b'ɔ kan'n, i waan: «Amun niaan'm bɔ be kpɔ amun'n, bɔ be kan amún bo be afiɛn min dunman'n ti'n, be se kɛ: ‹Man Anannganman yi i nyrun nyannyan'n i nglo man e wun i, i liɛ'n, e wa nian sɛ amun klun ´jɔ o!› » Be yɛ be nyin ɔ wa gua ase-ɔ.

Marc 12:17

Yɛ ɔ seli be kɛ: «Sɛ ɔ ti sɔ'n, an `fa ng'ɔ ti Sezar liɛ'n mɛn i, yɛ ng'ɔ ti Nyanmiɛn liɛ'n, an `fa mɛn i.» Ndɛ ng'ɔ kannin'n boli bé nuan.

Marc 12:28

Mmla klefuɛ'm be nun kun tili be ndɛ nga be kan'n. Kɛ ɔ wunnin kɛ Jésus tɛli be su kpa'n, ɔ wunngeli Jésus wun lɛ, yɛ ɔ usɛli i kɛ: «?Mmla'n i nun dan'n yɛlɛ onin?»

Marc 12:32

Mmla klefuɛ'n seli i kɛ: «Nja, ɔ ti kpa, kɛ a se kɛ Nyanmiɛn ti kunngba yɛ uflɛ nun-mɛn i sin'n, ɔ ti nanwlɛ.

Marc 12:34

Kɛ Jésus wunnin kɛ ɔ tɛ su kpa'n, ɔ seli i kɛ: «Ɔ ka kan a ´yo mɛn nga Nyanmiɛn sie'n i nunfuɛ.» Ɔ man sran fi a trɛ-mɛn i anwlɛn a usɛ-mɛn i sa kun.

JÉSUS-CHRIST I DYASIN FE'N BO LUC KLELI'N 13:17

Kɛ ɔ kannin sɔ'n, i kpɔfuɛ'm be kwlaa bé nyin guali ase, yɛ abonuan sa b'ɔ yoli be'n be kwlaa ti sran'm be kwlaa be klun jɔli.

2 Tɛsalonikfuɛ Mun 3:14

Sran ng'ɔ fa-man ndɛ nga e klɛli i fluwa nga nun'n su'n, an `niɛn siin, nán amun nin i san nun, an `yaci i lɛ man ɔ wun nyannzuɛn.

1 Timote 5:14

I sɔ'n ti, man be nga be tɛ yo talua'n be ja bian, be wu ba, be nian be awlo'n su, nan e kpɔfuɛ'm b'a kwla saci-man e wun.

1 Timote 6:3

Sɛ sran wie kle like uflɛ'n, b'ɔ fa-man e Min Jésus-Krist i ndɛ nanwlɛ'n ɔ nin Nyanmiɛn i sulɛ wafa nga ɔ kleli ye kɛ e su i'n su'n,

Tite 3:14

Kle e minniɛn'm be kusu kɛ be `di junman klanman nan b'a nyan like nga bé sa miɛn i wun'n, nán man be bubu bé sa nin bé ja tran su.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.