Tite 2:3 - NYANMIƐN NDƐ'N 1998

³ Kan kle bla kpɛnngbɛn'm be kɛ be kusu be yo sa nga Nyanmiɛn sran yo-ɔ ɔ ti su'n. Nán man be di abla, yɛ nán man be yo nzan nɔnfuɛ. Man be yo sa ng'ɔ ti kpa'n

Nyanmien nde Ufle

³ Kan klé bla kpenngben mun ke bé kusu bé yô sa nga Nyanmien swran yôo o ti su'n. Nanh man bé di abla, nanh man bé yô nzanbôefue. Man bé yô sa ng'o ti kpa'n

Tite 2:3 ပူးပေါင်းရင်းမြစ်များ

Rɔmfuɛ Mun 1:29

Sa tɛtɛ yolɛ'n kwlaa ɔ'a kun be kpo, be ti sran tɛ, be konvi ti kpli, be klun yo wi, bé nyin ci sran nin like, be kun sran, be klo utre, be ti gblɛ, be bu sran akunndan tɛ, be bla,

Rɔmfuɛ Mun 16:2

Ɔ man e Min'n ti an `sɔ i nun kpa, kɛ Nyanmiɛn i sran'm be sɔ be wiengu nun'n sa. Like kwlaa ng'ɔ miɛn i sa'n, an `yo mɛn i, afin nanwlɛ, ɔ tili sran kpanngban bé wun nyanman nun, yɛ ɔ nian n kusu n lika kpa.

Efɛzfuɛ Mun 5:3

An ti Nyanmiɛn i sran, i sɔ'n ti'n, nán man be ti bla nin bian kunndɛlɛ, nin sa tɛtɛ yolɛ, nin bé nyin b'ɔ yi-man like'n be ndɛ fi amún nuan nun.

1 Timote 3:11

Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.

1 Timote 3:8

Asɔnunfuɛ'm be lika nianfuɛ'm be kusu, man be yo sran nanwlɛfuɛ bɔ bé nuan nun ti-man nnyɔn-nnyɔn, nán man be yo nzan nɔnfuɛ dan, nán man be kunndɛ sika i wafa ng'ɔ ti-mɛn i su'n,

1 Timote 5:23

Ɔ ku'n nin tukpacɛ bɔ a tɔ i tikatika'n ti, nán nɔn nzue ngunmin kun, nɔn nzan kan.

Tite 1:7

Man asɔnun sunianfuɛ sɔ'n yo sran bɔ be kwla saci-mɛn i wun kaan sa, afin ɔ nian Nyanmiɛn ninnge'm be su. Nán man ɔ yo sran b'ɔ yo i bɔbɔ i klun sa, yɛ nán man ɔ yo ya fafuɛ, nin nzan nɔnfuɛ, nin utre klofuɛ, nin sran b'ɔ kunndɛ sika i wafa ng'ɔ ti-mɛn i su'n.

Tite 2:4

nan be fa kle talua mun kɛ be `klo bé wun nin be mma mun,

Hébreu 5:12

Amu'an cɛ, yɛ amu'an ju sran uflɛ'm be like klelɛ, sanngɛ kusu an tɛ kunndɛ kɛ be fa Nyanmiɛn ndɛ'n i bo bolɛ'n kle amun ekun. Amun ti sran bɔ amun nin nyɔnflɛn nɔnlɛ fata, an kwla di-man aliɛ.

Sa nglô yile 2:20

sanngɛ bla nga be flɛ i Zezabɛl'n, bɔ i wan ɔ ti Nyanmiɛn nuan ijɔfuɛ'n, an mɛn i atin man ɔ kle min sran'm be like yɛ ɔ laka be man be fa bé wun wlɛ i tekle bolɛ'n nun, yɛ be di amuɛn'm be su. Amun wun sa b'ɔ o n klun'n yɛ ɔ o lɛ-ɔ .