Tite 2:2 - NYANMIƐN NDƐ'N 1998

² Se yasua kpɛnngbɛn'm be kɛ be bu akunndan, yɛ be di nanwlɛ, be yo sa i nuan su, be jran kekle be lafi Nyanmiɛn su, be klo Nyanmiɛn nin sran, be tra be anwlɛn.

Nyanmien nde Ufle

² Sé yasua kpenngben'm bé ke bé bu akunndan, bé di nanwle, bé yô sa i nuan su, man bé dyran kéklé bé lafi Nyanmien su, bé klô Nyanmien nin swran, bé tra bé awlen.

Tite 2:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 12:12

Ngwlɛlɛ'n ɔ ti be bɔ bé ti ɔ'a bo je'n be liɛ, yɛ sa silɛ'n ɔ ti kpɛnngbɛn'm be junman.»

Jue Mun 92:14

Be ti kɛ waka bɔ b'a ta be Anannganman i awlo'n nun'n sa. Be nnyrɛ'n ɔ kpuke Nyanmiɛn i lika'n nun.

Nyanndra Mun 16:31

Be ti je'n ti kɛ famiɛn kle sa, afin nguan tɛnndɛn'n ti sran kpa'm be nvasuɛ.

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Saun Yolɛ 19:32

Amun wun sran oke mun-ɔn, man amún nyin yi be. Amun `bu min sran titi. Min yɛ n ti Anannganman amun Nyanmiɛn nin-ɔn.

Marc 5:15

Be bali Jésus wun lɛ, be wunnin bian bɔ asiɛ usu akpasua kpli'm be sacili i'n ɔ ti ase lɛ. I nyin a klo, ɔ'a wla tralɛ. Ɔ man srɛ kunnin be.

JÉSUS-CHRIST I DYASIN FE'N BO LUC KLELI'N 8:35

Sran'm be ko niannin sa ng'ɔ yoli lɔ'n. Be wunnin bian bɔ asiɛ usu'm be jaoli i su'n, ɔ ti Jésus wun lɛ i nyin kloun, ɔ'a wla tralɛ, ɔ man srɛ kunnin be dan kpa.

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Rɔmfuɛ Mun 12:3

Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

1 Korɛntfuɛ Mun 15:34

An `klo amún nyin yo sa ng'ɔ ti i nuan su'n, nán an yo sa tɛ'n kun, afin amun wie'm be si-man Nyanmiɛn. N kɛn i sɔ fa gua amún nyin ase.

1 Korɛntfuɛ Mun 9:25

Be kwlaa nga be si ngowa kanlɛ'n i akplowa'n, sɛ wanndilɛ o, sɛ ngondin tulɛ o, be kwlaa sɔ'n sɛ be klo kɛ be ´nyɛn i'n, be nian bé wun su kpa like'n kwlaa nun. Be yo i sɔ kunndɛ be dunman, sanngɛ dunman sɔ'n cɛ-man. Sanngɛ e liɛ'n, e yo i sɔ e kunndɛ dunman b'ɔ wie-man'n.

2 Korɛntfuɛ Mun 5:13

Sɛ e fa sran bɔ b'a nɔn blɔlɔ nzan'n, Nyanmiɛn ti yɛ e ti sɔ-ɔ, sanngɛ sɛ e ti sran nyin klouunfuɛ'n, amun ti yɛ e ti sɔ-ɔ.

Galasifuɛ Mun 5:23

be yo wɛtɛɛ, yɛ be yo sa i nuan su. B'a sie-man ninnge sɔ'm be su mmla fi.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

1 Tɛsalonikfuɛ Mun 5:6

I sɔ'n ti, nán man e lafi kɛ sran wie'm be liɛ'n sa, sanngɛ man e nian é wun su e tran minndɛ i.

1 Tɛsalonikfuɛ Mun 5:8

Sanngɛ e bɔ e o wia nun'n, man e nian e wun su. Man Krist su bɔ e lafi'n nin e sran nin Nyanmiɛn klolɛ'n ɔ yo kɛ like kokloko bɔ e fa kata e wue su'n sa. Man é ti bɔ é wla o su kɛ e ´nyɛn i'n ɔ yo kɛ kpongbo kle sa .

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

1 Timote 1:14

Ye nga e Min'n yoli min'n i nyin fiteli dan, ɔ man kɛ e nin Krist-Jésus e kacili sran wunmuan'n, e lafi i su, yɛ e klo i nin sran mun.

1 Timote 1:2

n ´klɛ fluwa nga blɛ wɔ Timote. A ti mín wa sakpa, afin min yɛ man a lafili Krist su-ɔ. Man é Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun.

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

1 Timote 3:11

Man bé yi'm be kusu be yo sran nanwlɛfuɛ, nán man be yo abla difuɛ, man be yo akunndanfuɛ, man be yo sran bɔ be kwla fa be wla gua be su sa'n kwlaa nun.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 3:4

Man ɔ yo sran b'ɔ si i bɔbɔ i awlo'n su nian, bɔ i mma'm be bu i sran bé nyin yi i kpa.

1 Timote 3:8

Asɔnunfuɛ'm be lika nianfuɛ'm be kusu, man be yo sran nanwlɛfuɛ bɔ bé nuan nun ti-man nnyɔn-nnyɔn, nán man be yo nzan nɔnfuɛ dan, nán man be kunndɛ sika i wafa ng'ɔ ti-mɛn i su'n,

1 Timote 5:1

Nán ijɔ kpɛnngbɛn mun, sanngɛ tu be fɔ amanniɛn su, fa be bu ɔ́ si, bu gbanflɛn mun ɔ niaan,

Tite 1:13

I ndɛ sɔ'n ti nanwlɛ. I sɔ'n ti'n, ijɔ be kpa, man be lafi Nyanmiɛn su kpa,

Tite 1:8

Sanngɛ man ɔ yo sran b'ɔ ti aklunyefuɛ, b'ɔ klo sa ng'ɔ ti kpa'n, b'ɔ yo sa i nuan su'n, b'ɔ ti sran kpa, b'ɔ ti Nyanmiɛn liɛ mlɔnmlɔn, b'ɔ si i bɔbɔ wun su nian.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Filemɔn 1:9

sanngɛ sa ng'ɔ o yɛ liɛ'n, ɔ fata kɛ n srɛ wɔ klolɛ bɔ a klo sran'n ti: M Pɔl bɔ m'an yo kpɛnngbɛn bɔ Krist-Jésus ti siɛn'n n wo bisua nun'n,

1 Piɛr 1:13

I sɔ'n ti an `bu akunndan, an `nian amun wun su, man amún nyin tran like nga cɛn nga Jésus-Krist ɔ wa yi i wun nglo'n ɔ ´fa man amun'n su kpa.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

2 Piɛr 1:6

Kɛ an wun sa'm be wlɛ'n, an `nian amun wun su. Kɛ an nian amún wun su'n, an `tra amun anwlɛn. Kɛ an tra amun anwlɛn'n, an `fa amún wun mantan Nyanmiɛn.