Tite 2:15 - NYANMIƐN NDƐ'N 1998

¹⁵ Se be kɛ be yo sa sɔ mun, tu be fɔ, sran ng'ɔ yo sa'n, ijɔ i, man be si kɛ Nyanmiɛn yɛ ɔ sieli wɔ kɛ a di junman sɔ nin-ɔn. Nán fa ɔ wun man sran fi man ɔ yo ɔ finfin.

Nyanmien nde Ufle

¹⁵ Sé bé ke bé yô sa so mun, tu bé fo, swran ng'o yô sa'n idyoe, man bé si ke Nyanmien ye o sié o ke a di dyunman so nion. Nanh fo o wun man swran fi mon o yô o finfin.

Tite 2:15 ပူးပေါင်းရင်းမြစ်များ

Matthieu 7:29

afin fɔ wafa ng'ɔ fa tu be'n nin be mmla klefuɛ'm be liɛ'n ti-man kun, yɛlɛ kɛ i liɛ'n kle kɛ ɔ lɛ sin jranfuɛ.

Marc 1:22

I like'n i klelɛ'n ɔ ti-man kɛ mmla klefuɛ'm be liɛ'n sa.

Marc 1:27

Sran'm be kwlaa bé nuan boli bé wun, i sɔ'n ti be usali be wun kɛ: «?Nguɛ sa yɛlɛ nga? ?Like uflɛ yɛ ɔ su kle-ɔ? Ɔ kwla asiɛ usu bɔ be saci sran'n, be sro i!»

JÉSUS-CHRIST I DYASIN FE'N BO LUC KLELI'N 4:36

Be kwlaa bé nuan boli be wun, be usa be wiengu kɛ: «Nguɛ sa yɛlɛ nga? Ɔ kwla asiɛ usu bɔ be saci sran'n, be sro i, ɔ man kɛ ɔ se be kɛ be jao sran'm be su'n, be jao!»

1 Korɛntfuɛ Mun 16:11

I sɔ'n ti'n, nán man sran fi bu i bakan. Sanngɛ an `guɛ i atin klanman nan ɔ wa to n wa, afin mín nyin tɛ i nin e niaan'm be atin.

1 Timote 5:20

Sanngɛ be nga be yo sa tɛ'n, tu be fɔ sran'm be kwlaa be nyrun, nan srɛ kun be nga'm be kusu wie.

2 Timote 4:2

sɛ a nyan ɔ́ ti o, sɛ a nyan-man ɔ́ ti o, kan Nyanmiɛn ndɛ'n jran su kpa kle sran mun man be wun i wlɛ. Sran ng'ɔ yo sa'n ijɔ i, wla be fanngan, tra wɔ anwlɛn kpa kle be.

Tite 1:13

I ndɛ sɔ'n ti nanwlɛ. I sɔ'n ti'n, ijɔ be kpa, man be lafi Nyanmiɛn su kpa,

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!