Tite 2:14 - NYANMIƐN NDƐ'N 1998

¹⁴ E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Nyanmien nde Ufle

¹⁴ É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 2:14 ပူးပေါင်းရင်းမြစ်များ

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

Jue Mun 130:8

Sa tɛ nga amun yoli'n kwlaa i yɛ man amun ´nyan amun ti be nun-ɔn.

Jue Mun 135:4

Ɔ fali Zakɔb nin Izraɛlfuɛ mun kɛ be yo i bɔbɔ i liɛ .

Ezipt Lɔ Tulɛ'n 15:16

Srɛ kun be, srɛ dan kpa kun be. Kɛ be wunnin ɔ wunmiɛn'n, Anannganman, srɛ b'ɔ kun be kpo'n ti, bé nuan ´muan lele san ɔ sran nga a deli be kanga'n nun'n be ´wie sin.

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Ezekiɛl 37:23

Be su sɔ-man amuɛn kun nan b'a yo fiɛn. Be su yo-man be tete sa mun kun be su fa-man sran kunlɛ'n be tra-man nun kun nan b'a yo fiɛn. Kan kwlaa nga be tran lɛ'n, n ´wunnzin be saun, sa tɛtɛ kwlaa nga be yoli'n ɔ ´wie. Be ´yo min nvle, yɛ n kusu n ´yo be Nyanmiɛn.

Saun Yolɛ 25:41

I sɔ blɛ'n nun'n, amun `yaci i nin i mma'm be nun, man be sa be sin i awlo'n nun nan asiɛ nga be ti i liɛ'n, ɔ `fa be.

Malasi 3:3

Ɔ ´tran ase, ɔ ´tɔn sika'n, ɔ ´yi i nun fiɛn'n, ɔ ´yo Levi i osu'n nun Nyanmiɛn nyrun jranfuɛ'm be saun kɛ be fa yo sika ɔkwlɛ ɔ nin jɛtɛ ufue'm be saun'n sa. Kpɛkuun siɛn'n, sɛ be wa man Anannganman i like'n, be ´nanti i mmla'n su yɛ be ´mɛn i-ɔ.

Kalɛ 25:13

Aenguɛ sɔ'n, ɔ ti kɛ e nin i nin i osu'n nunfuɛ'm be kwlaa yɛ e trali-ɔ. Ɔ ´yo man be ´yo min nyrun jranfuɛ manndimaan. Afin i wun mantanlɛ ng'ɔ fa mantan min Nyanmiɛn'n, ɔ yili i nglo weiin. Ɔ ti kɛ ɔ kpatali Izraɛlfuɛ'm bé ti, ɔ man n yacili.»

Matthieu 1:21

Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Matthieu 3:12

I nene'n wo i sa nun, ɔ wa kpɛjɛ i ble'n b'ɔ o i bowlɛ nun'n lele ɔ ´wie, ɔ ´isa guɛ i tanngannin'n nun, yɛ ɔ ´wɔ i wla'n nun sin b'ɔ nuan-man'n nun.»

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Sa nga bé yôli'n 15:14

Simɔn kannin ndɛ kleli ye. I waan i kpalɛ klikli bɔ Nyanmiɛn niannin be bɔ be ti-man Zuif'n be osu'n, ɔ fali be nun wie mun yoli nvle kun nan i dunman `tran be su.

Sa nga bé yôli'n 15:9

Ɔ'a bu-man ye kpa a tra-man be, afin Jésus su bɔ be lafi'n ti, Nyanmiɛn man bé wun sa'n kwlaa wieli.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 9:36

Jésus sɔnnzɔnfuɛ bla kun o Zope lɔ, be flɛ i kɛ Tabita. Grɛk nun'n, dunman sɔ'n yɛlɛ Dɔrkas'n, i bo yɛlɛ wannzannin. Ɔ ti klun ufuefuɛ kpa yɛ ɔ yo yalɛfuɛ'm be ye.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Efɛzfuɛ Mun 1:11

Like kwlaa nga Nyanmiɛn klo kɛ ɔ yo'n, ɔ yo, ɔ man kɛ e nin Krist e kacili sran wunmuan'n ɔ fa e kacili i liɛ, afin i bɔbɔ yɛ ɔ sieli i sɔ-ɔ.

Efɛzfuɛ Mun 2:10

Afin e ti i sa nuan like, kɛ e nin Krist-Jésus e yoli sran wunmuan'n, Nyanmiɛn boli ye uflɛ nan e `yo nyoliɛ kpakpa ng'ɔ dun mmua sieli ye kɛ e `yo'n.

Efɛzfuɛ Mun 5:2

Sa kwlaa nga amun ´yo'n, an `yo i sran klolɛ'n ti kɛ Krist kusu kloli ye b'ɔ fɛ i wun mannin Nyanmiɛn e ti kɛ tɛ nnɛn bɔ be yrɛ i b'ɔ bɔn fannin Nyanmiɛn bue nun'n sa .

Mmla'n 14:2

Afin amun ti Anannganman amun Nyanmiɛn i sran mun klonglo. Anannganman niannin mɛn'n nun nvle'm be kwlaa be nun ɔ kpali amun kɛ amun yo i liɛ mlɔnmlɔn.

Mmla'n 26:18

Ndɛkɛn'n, amun kusu amu'an ta nda kɛ amun ´yo i nvle klonglonglo kɛ ɔ fa kannin'n sa, nan amun ´fɛ i mmla'm bé su.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.

Mmla'n 7:6

Afin amun ti nvle kun bɔ Anannganman amun Nyanmiɛn'n kpali amun sieli amun ngunmin. Ɔ kpali amun nvle nga be o asiɛ wunmuan'n su'n be kwlakwla be nun kɛ amun yo i liɛ klonglo.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

1 Timote 2:10

sanngɛ man be yo sran ye, afin bla nga be sro Nyanmiɛn'n, sɛ be yo sɔ-ɔ ɔ ti kpa.

1 Timote 2:6

Ɔ fɛ i wun mannin kɛ ɔ ´kpɔ sran'm be kwlaa bé ti. Kɛ ɔ yoli sɔ blɛ nga Nyanmiɛn sieli'n su'n, yɛ ɔ kle kɛ Nyanmiɛn klo kɛ ɔ ´de sran'n kwlaa nin-ɔn.

1 Timote 6:18

Se be kɛ be yo sa ng'ɔ ti kpa'n, yɛ be yo sran ye, i sɔ'n yɛ ɔ ti anyanbeun kpa nin-ɔn. Man be yo aklunye, yɛ be cɛ sran like.

Tite 2:7

Sa'n kwlaa nun ɔ bɔbɔ yo sa ng'ɔ ti kpa'n, man be nian ɔ liɛ'n su yo. Like nga a kle'n, kle i kpa, nán fa yo aɔwi.

Tite 3:8

Ndɛ nga n ´kɛn i yɛ'n ti nanwlɛ weiin. N klo kɛ a jran ndɛ sɔ'n su kpa nan be nga be lafi Nyanmiɛn su'n be fa ye yolɛ'n kaci be junman. I sɔ yolɛ'n ti kpa, ɔ yo sran'm bé wun sa ye.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 10:24

Man e bu e wiengu'm be akunndan e wla be fanngan nan be klo bé wun yɛ be yo sran ye.

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

Jacques 4:8

An `fa amún wun mantan Nyanmiɛn, yɛ i kusu ´fɛ i wun mantan amun-ɔn. Sa tɛ yofuɛ mun, an `wunnzin amún sa, akunndan nnyɔn-nnyɔnfuɛ mun, an `yaci akunndan tɛtɛ'n.

1 Piɛr 1:18

Afin an si like nga be fa toli amun'n, b'ɔ man an nyan amún ti sa ngbɛn-ngbɛn nga amun nannan'm be fa kleli amun'n be nun'n. Nán like b'ɔ saci-ɔ, nán jɛtɛ ufue-ɔ, yɛ nán sika ɔkwlɛ-ɔ.

1 Piɛr 1:22

Kɛ an fali ndɛ nanwlɛ'n su'n, bɔ amún wun sa'n wieli'n, ɔ man an klo-man amun niaan Kristfuɛ mun amún nuan bui su. I sɔ'n ti, an `klo amun wun kpa, an `tu amun klun yo sa ng'ɔ kle kɛ an klo amun wun'n.

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

1 Jean 1:7

Sɛ sa nga e yo'n e yo i weinwein kɛ i bɔbɔ yo sa weinwein sa'n, e nin amun di anuansɛ, yɛ i Wa Jésus i mmoja'n man é wun sa tɛ kwlaa ´wie.

1 Jean 1:9

Sanngɛ sɛ e di sa tɛ nga e yoli'n i nanwlɛ kle Nyanmiɛn'n, e kwla fa é wla'n guɛ i su, afin ɔ yo sa i nuan su, ɔ ´yaci cɛ ye, yɛ ɔ man é wun sa'n kwlaa ´wie.

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 5:9

Be to jue uflɛ uflɛ kun, be se kɛ: «Wɔ yɛ a ti fluwa'n i fafuɛ-ɔ, bɔ a kwla kpɛkpɛ like nga be fa cicili i nun-ɔn. Afin be kunnin wɔ, sran'm bɔ be fin nvle-nvle'n kwlaa nun'n, nin be bɔ be aniɛn'n ti wafa-wafa'n kwlaa'n, ɔ nin be nga be fin mɛnmɛn'n kwlaa nun, a fa ɔ́ wun toli be mannin Nyanmiɛn .