Tite 2:12 - NYANMIƐN NDƐ'N 1998

¹² Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Nyanmien nde Ufle

¹² Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

Tite 2:12 ပူးပေါင်းရင်းမြစ်များ

Jue Mun 105:45

I waan ɔ ´yo sɔ nan be di i nuan ndɛ'm bé su, nan be niɛn i mmla ng'ɔ fa mannin be'n bé su be nanti. An `manman Anannganman!

Jue Mun 4:3

?Amun klɔ sran mun, amun ´saci min dunman lele ju cɛn onin? ?Amun ´tɔn min suɛn ngbɛn'n lele ju cɛn onin? ?Like nga bɔ m'an yo-man'n bɔ amun fa sie mín su'n, amun ´yo i sɔ lele ju cɛn onin?

Ezekiɛl 36:27

N ´fa min Wawɛ'n n ´wla amun nun. N ´yo man amun ´fa min mmla nin mín nuan su ndɛ'm be su.

Matthieu 12:32

Sran kwlaa ng'ɔ kan m bɔ n kacili Sran'n min wun ndɛ'n, ɔ ´yaci cɛ i. Sanngɛ sran ng'ɔ kan Nyanmiɛn Wawɛ'n i wun ndɛ'n, ɔ su yaci cɛ-mɛn i blɛ nga nun annzɛ blɛ ng'ɔ ´ba lɔ'n nun.»

Matthieu 16:24

Kɛ ɔ yoli sɔ'n, ɔ seli i sɔnnzɔnfuɛ'm be kɛ sran nga i waan ɔ ´su n su'n, man ɔ klɛn i wun man min, yɛ ɔ ´suɛ i waka'n nan ɔ su n su.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

Jean 14:30

Min nin amun e su ijɔ-man kpanngban kun, afin sran ng'ɔ sie mɛn nga'n, ɔ su ba. Ɔ kwla yo-man n like fi mlɔnmlɔn,

Jean 6:25

Be ko toli i fɛtɛ'n bue kun lɔ, be usɛli i kɛ: «Baba, cɛn onin yɛ a bali wa-a?»

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

Rɔmfuɛ Mun 6:12

I sɔ'n ti'n, amun bɔ amun wu'n nán an fa sa tɛ'n cici amun ti kun, yɛ nán an yo sa tɛtɛ nga amun konvi sɔ be'n.

Rɔmfuɛ Mun 6:19

Klɔ sran bɔ amun ti bɔ amun anwlɛn sɔ-man'n ti yɛ n fa sran akunndan n kɛn i sɔ-ɔ. Laa'n, an fa amun wun mannin sa tɛtɛ yolɛ'n nin mmla tɔnlɛ'n nan amun ´yo sa sukusuku mun, ɔ man siɛn'n, an `fa amun wun man sa kpa yolɛ'n nan an `fa Nyanmiɛn i nzuɛn'n.

Rɔmfuɛ Mun 8:13

Afin sɛ an yo sa ng'ɔ ti klɔ sran nzuɛn'n, amun ´wu. Sanngɛ sɛ Nyanmiɛn Wawɛ'n i fanngan nun an wla amun nyoliɛ tɛtɛ'm be ase'n, amun ´nyan nguan.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Efɛzfuɛ Mun 2:2

yɛ amun nzuɛn'n fa be nga be o yɛ'n be liɛ'n. Amún nyin yili nglo lɔ mmusu'm bé si'n, i yɛ ndɛkɛn ɔ wlawla sran nga bé nyin yi-man Nyanmiɛn nin-ɔn.

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.

1 Tɛsalonikfuɛ Mun 4:9

Amun niaan klolɛ ndɛ liɛ'n, e bo-man wɛ klɛ-man amun i su fluwa, afin Nyanmiɛn bɔbɔ kleli amun kɛ an klo amun wun.

1 Timote 4:12

Kɛ bɔ a ti gbanflɛn kan'n ti'n, nán yo man sran fi yo wɔ finfin, sanngɛ yo sa ng'ɔ ti kpa'n, man be nga be lafi Krist su'n be nian su yo, ɔ ijɔlɛ nun o, ɔ nzuɛn'n nun o, ɔ sran klolɛ nun o, ɔ Nyanmiɛn sulafilɛ nun o, ɔ nin sa tɛ bɔ a yo-man nin o.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

1 Timote 6:9

Sanngɛ be nga be klo kɛ be ´nyan bé wun'n, lakafuɛ'n ´laka be. Ninnge ngbɛn-ngbɛn bɔ be konvi sɔ be'n nin bé nyin b'ɔ blo ninnge tɛtɛ kpanngban b'ɔ saci sran b'ɔ man be agualiɛ'n ɔ gua-man be kpa be wu'n, be ´kaci kɛ aya sa, be ´tɔ nun ɔ ´tra be.

2 Timote 3:12

Sran kwlaa nga i waan ɔ nin Krist-Jésus be ´kaci sran wunmuan nan ɔ ´yo Nyanmiɛn klun sa'n, san be ´kle i yalɛ.

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

Tite 3:3

Afin laa e kusu e ti sinnglinfuɛ yɛ e ti nyin keklefuɛ. Be lakali ye man e yacili atin kpafuɛ'n, é nyin b'ɔ blo ninnge wafa-wafa'n kwlaa nin mɛn dilɛ'n su'n ti e kacili kɛ kanga sa, laa e ti klunwifuɛ, yɛ é nyin ci sran nin like, laa é wun yo tɛ yɛ e kpɔ e wun.

Hébreu 8:11

Sran fi su kle-mɛn i wiengu like kun, yɛ ɔ kle-man i niaan like kun, ɔ su se-man be kɛ: An mantan Anannganman! Yɛlɛ kɛ kɛ ɔ fin be kanngan'm be nun lele fa ju be kpɛnngbɛn'm be nun'n, be kwlaa be ´si min.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:11

?Sɛ ninnge sɔ'n kwlaa be ´saci sɔ'n, like onin yɛ sɛ an yo-ɔ ɔ ti su-ɔ? Man amun nzuɛn'n yo kpa, yɛ an `fa amún wun mantan Nyanmiɛn!

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

1 Jean 2:6

sran ng'ɔ se kɛ ɔ nin i b'a yo kun'n, man ɔ yo sa nga Jésus yoli be'n wie.

1 Jean 5:19

E si kɛ e ti Nyanmiɛn liɛ yɛ Klunwifuɛ'n sie mɛn wunmuan'n.

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»

Sa nglô yile 14:12

Nyanmiɛn i sran bɔ be tra be anwlɛn be fɛ i mmla'n su'n, bɔ be lafi Jésus su kpa'n, wa yɛ be ´wun be-ɔ.