Tite 2:10 - NYANMIƐN NDƐ'N 1998

¹⁰ yɛ nán man be wua be. Sanngɛ man be yo sran bɔ be kwla fa bé wla gua be su titi, yɛ man be bu e Defuɛ Nyanmiɛn'n i ndɛ nga e kle'n i ndɛ kpa sa'n kwlaa nun.

Nyanmien nde Ufle

¹⁰ nanh man bé wua bé. Sannge man bé yô swran bo bé kwla fa bé wla gua bé su titi, nan bé bu é Défue Nyanmien'n i nde nga é klé'n nde kpa sa'n kwlaa nun.

Tite 2:10 ပူးပေါင်းရင်းမြစ်များ

Jue Mun 101:6

Be nga be fa bé wla gua bé su-ɔ ɔ yo ye'n, be yɛ n ´kunndɛ be-ɔ, n ´fa be n ´sie mín wun. Sran ng'ɔ nanti sein'n, ɔ ´yo min mantanfuɛ.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Matthieu 24:45

«?Sran kpa nanwlɛfuɛ b'ɔ si ngwlɛlɛ'n bɔ i min'n fɛ sie i sran'm bé su kɛ ɔ man be aliɛ blɛ ng'ɔ ti i nuan su'n i su'n, yɛlɛ wan?

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

JÉSUS-CHRIST I DYASIN FE'N BO LUC KLELI'N 1:47

Nyanmiɛn b'ɔ ti n defuɛ'n ti, n klun jɔ,

JÉSUS-CHRIST I DYASIN FE'N BO LUC KLELI'N 1:80

Bakan sɔ'n nyinnin klanman, ɔ yoli sran. Ɔ trannin aawlɛ flɛnnɛn nun lɔ lele fa juli cɛn ng'ɔ yi i wun kleli Izraɛlfuɛ mun'n.

JÉSUS-CHRIST I DYASIN FE'N BO LUC KLELI'N 16:10

Sran ng'ɔ di nanwlɛ ninnge kanngan'm bé su'n, ɔ di nanwlɛ ninnge dandan'm be su, sanngɛ sran ng'ɔ di-man nanwlɛ ninnge kanngan'm bé su'n, ɔ kwla di-man nanwlɛ ninnge dandan'm bé su.

Jean 12:6

Nán kɛ yalɛfuɛ'm be ndɛ miɛn ti yɛ ɔ seli sɔ-ɔ, sanngɛ ɔ ti awiefuɛ, yɛ i yɛ ɔ sie be bɔlɛ nin-ɔn, yɛ sika nga be guɛ i nun'n, ɔ fa wie.

1 Korɛntfuɛ Mun 4:2

Kusu sa ng'ɔ ti cinnjin'n, yɛlɛ kɛ sran ng'ɔ nian ninnge su'n, ɔ `yo sran kpa.

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.

1 Timote 1:1

M Pɔl bɔ e Defuɛ Nyanmiɛn man Krist-Jésus bɔ e fa é wla guɛ i su'n ɔ sunmannin min'n,

1 Timote 5:17

Asɔnun kpɛnngbɛn nga be sie asɔnun'n i kpa'n, man be bu be sran yɛ be yo be mo dan. I li kpɛnngbɛn nga be di junman kpa bɔ be kan Nyanmiɛn ndɛ yɛ be kle like'n, man be mo yolɛ liɛ'n yo dan tra su.

1 Timote 6:1

Be kwlaa nga be ti kanga'n, man be bu be min'n be sran kpa nan sran fi a saci-man Nyanmiɛn dunman, nan like nga e kle amun'n b'a bu-mɛn i like ngbɛn.

1 Timote 6:3

Sɛ sran wie kle like uflɛ'n, b'ɔ fa-man e Min Jésus-Krist i ndɛ nanwlɛ'n ɔ nin Nyanmiɛn i sulɛ wafa nga ɔ kleli ye kɛ e su i'n su'n,

Tite 1:3

Kɛ blɛ ng'ɔ sieli'n juli'n, ɔ yili i ndɛ sɔ'n i nglo. E Defuɛ Nyanmiɛn'n yɛ ɔ fa ndɛ sɔ'n wlali ń sa nun kɛ n kan-an.

Tite 3:4

Sanngɛ kɛ e Defuɛ Nyanmiɛn yili i kpa yolɛ'n nin sran'm be klolɛ'n i nglo'n,

1 Piɛr 2:12

An `yo sa ng'ɔ ti kpa'n be nga be ti-man Kristfuɛ'n be nyrun nan sɛ be saci amun dunman kɛ an ti sa tɛ yofuɛ mun'n, be wun sa kpa nga an yo be'n nan cɛn nga Nyanmiɛn ´ba'n, be `mɛnmɛn i.

1 Piɛr 3:16

Sanngɛ an `tɛ be su amanniɛn su, man be wun kɛ an sro Nyanmiɛn. Kɛ amun ´yo sɔ'n, nán an yo sa nga b'ɔ man amun ´koko i sin'n nan be nga be saci amun dunman'n, bɔ be kan sa kpa nga Krist ti an yo be'm be ndɛ'n, be wun nyannzuɛn.

2 Jean 1:9

Sran nga ndɛ nga Krist kle'n ju-mɛn i'n, b'ɔ uka su'n, wuun ɔ si-man Nyanmiɛn, sanngɛ sran ng'ɔ fa like ng'ɔ kle su'n, ɔ si e Si'n nin i Wa'n.

1 Samiɛl 22:14

Asimelɛk tɛli famiɛn'n su kɛ: «?Ɔ sufuɛ'm be nun onin yɛ be lafi i su kɛ David sa-a, ɔ yo ye-ɔ? Ɔ ti ɔ sia, i nyin yi wɔ. Wɔ awlo wa sran'm be kwlaa be bo i dunman kpa.

1 Samiɛl 26:23

Kɛ é sa nuan su yolɛ nin e nanwlɛ dilɛ'n fa ti ju'n, i su like yɛ Anannganman fa yo ye-ɔ. Ndɛkɛn, Anannganman fali wɔ wlali mín sa nun, sanngɛ m'an se-man kɛ n ´kun wɔ afin Anannganman yɛ ɔ sieli wɔ famiɛn-ɔn.