Tite 1:9 - NYANMIƐN NDƐ'N 1998

⁹ Man ɔ yo sran b'ɔ lafi ndɛ nanwlɛ nga be kleli i'n su kpa nan ndɛ nanwlɛ b'ɔ kle'n ti, ɔ kwla tu sran'm be fɔ, yɛ ɔ kle be nga be kpalo i ndɛ'n kɛ be si kɛ b'a fɔn .

Nyanmien nde Ufle

⁹ Mon o yô swran b'o lafi nde nanwle nga bé klélii'n su kpa, nan nde nanwle b'o klé'n ti, o kwla tu bé fo, ye o klé bé nga bé kpalô i nde'n ke bé si ke ba fon.

Tite 1:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 2:3

Anannganman usɛli i kɛ: «?A wun min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ. Ɔ tɛ jran cinnjin, be kwla saci-mɛn i wun bɔ kaan sa. ?Ɔ waan n kle i nyrɛnnɛn ngbɛn?»

Zɔb I Nyrɛnnɛn Wunlɛ 27:6

N liɛ nga n si i'n yɛlɛ kɛ n ti kpa, n lɛ-mɛn i kaciwlɛ. Kɛ n nian wafa nga n fa nanti'n min anwlɛn'n bu-man min fɔ.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Sa nga bé yôli'n 18:28

afin ɔ kpalo Zuif'm be ndɛ'n yakpa su nzra nun, yɛ ɔ kan kle be weiin kɛ be klɛli i Nyanmiɛn Ndɛ'n nun kɛ Jésus yɛ ɔ ti Krist nin-ɔn.

1 Korɛntfuɛ Mun 14:24

Sanngɛ sɛ sran'm be kwlaa be ijɔ Nyanmiɛn nuan nan sɛ sran wie b'ɔ ti-man Kristfuɛ'n annzɛ sɛ sran wie b'ɔ wun-man sa sɔ'n i wlɛ'n ɔ ba anyia i bo'n, ndɛ kwlaa ng'ɔ ti'n, ɔ man ɔ ´wun i sa ng'ɔ yoli'n i wlɛ, yɛ ɔ ´bu i wun fɔ.

1 Tɛsalonikfuɛ Mun 5:21

sanngɛ an `bu i kwlaa i akunndan nian, an `fa ng'ɔ ti kpa'n,

2 Tɛsalonikfuɛ Mun 2:15

I sɔ'n ti, aniaan mun, an `jran kekle, yɛ like nga e kleli amun'n, sɛ e kɛnnin i é nuan nun o, sɛ e klɛli fluwa nun o, an `fa su.

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

1 Timote 1:19

Nyanmiɛn su bɔ a lafi'n nin ɔ klun b'ɔ titi-man wɔ'n ti. Sran wie'm be yo-man sa kpa nga be klun lɔ akunndan'n se be kɛ be yo'n, ɔ man be lafi-man Nyanmiɛn su kpa kun.

1 Timote 4:9

Ndɛ sɔ'n ti nanwlɛ weiin, sɛ be fa su-ɔ ɔ ti kpa.

1 Timote 6:3

Sɛ sran wie kle like uflɛ'n, b'ɔ fa-man e Min Jésus-Krist i ndɛ nanwlɛ'n ɔ nin Nyanmiɛn i sulɛ wafa nga ɔ kleli ye kɛ e su i'n su'n,

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

2 Timote 2:2

Ndɛ nga a tili i kɛ n kɛnnin i sran kpanngban be nyrun'n, kan ndɛ sɔ'n, fa yaci i be nga a lafi bé su bɔ be kusu be kwla kan kle sran uflɛ'n, bé sa nun.

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

2 Timote 3:14

Sanngɛ ɔ liɛ'n, like nga be kleli wɔ bɔ a lafi su'n, nian su kpa. A si sran nga be kleli wɔ like sɔ'n.

2 Timote 4:3

Afin cɛn wie lele'n, sran'm be su fa-man ndɛ nanwlɛ'n su kun, be ´yo sa ng'ɔ yo be bɔbɔ be fɛ'n, yɛ be ´kunndɛ sran kpanngban kpa kɛ be `kle be like ng'ɔ yo be fɛ'n.

Tite 1:11

Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

Tite 2:1

Sanngɛ ɔ liɛ'n, nian ndɛ nanwlɛ nga be kleli wɔ'n su kle.

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.

Sa nglô yile 2:25

Sanngɛ like ng'ɔ o amún sa nun'n, an `trɛ i kekle lele man ɔ fa ju m balɛ.

Sa nglô yile 3:11

M ´ba icra'n. Like ng'ɔ o amún sa nun'n, an `trɛ i kekle nan sran wie a fa-man like nga n ´fa yo amun mo'n.

Sa nglô yile 3:3

I sɔ'n ti, ndɛ nga be kan kleli amun bɔ an fa su'n, an bu i akunndan, an `fa su, yɛ an `kaci amun nzuɛn'n. Sɛ amu'an tinnge-man'n, n wa fu amun nun kɛ awiefuɛ sa, an su si-man dɔ nga m ´ba'n .