Tite 1:4 - NYANMIƐN NDƐ'N 1998

⁴ Ɔ man n ´klɛ fluwa nga blɛ wɔ Tit bɔ a ti ń wa sakpa'n, yɛlɛ kɛ Nyanmiɛn kunngba'n su yɛ e nnyɔn'n e lafi-ɔ. Man e Si Nyanmiɛn nin e Defuɛ Krist-Jésus be man a nyan ye, yɛ man ɔ́ wun jɔ wɔ fɔuun !

Nyanmien nde Ufle

⁴ O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

Tite 1:4 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 2:11

Yɛlɛ kɛ ndɛkɛn David klɔ lɔ'n, b'a wu Defuɛ kun b'a man amun, ɔ ti Krist, ɔ ti e Min .

Jean 4:42

yɛ be seli bla'n kɛ: «Nán ndɛ nga a kannin'n ngunmin ti yɛ y'a lafi i su-ɔ, afin y'a ti i bɔbɔ i nuan nun ndɛ, ɔ man e si kɛ ɔ ti mɛn wunmuan'n i Defuɛ sakpa.»

Rɔmfuɛ Mun 1:12

Sɛ n ju amun wun lɔ bɔ e wla e wun fanngan Nyanmiɛn su bɔ e lafi'n ti'n, ɔ ´yo n fɛ dan.

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

2 Korɛntfuɛ Mun 12:18

N srɛli Tit kɛ ɔ wɔ amun wun lɔ yɛ n seli e niaan'n kɛ ɔ ko sunmɛn i. ?Tit deli like amún sa nun? ?Min nin i ye akunndan'n ti-man kun? ?Nán min ajalɛ kunngba'n su yɛ ɔ fali-ɔ?

2 Korɛntfuɛ Mun 2:13

sanngɛ ɔ nin i sɔ'n ngba'n, kɛ m'an to-man min niaan Tit lɛ'n, min wla a gua-man ase, i sɔ'n ti n srɛli lɛfuɛ'm be atin nan m'an ɔ Maseduani.

2 Korɛntfuɛ Mun 4:13

Be klɛli i Nyanmiɛn ndɛ'n nun kɛ: «N lafili Nyanmiɛn su, i ti yɛ man n kannin-ɔn.» E kusu, kɛ e lɛ anwlɛn kunngba sɔ'n bɔ e fa lafi i su'n, i sɔ'n ti yɛ e kan-an .

2 Korɛntfuɛ Mun 7:6

Sanngɛ Nyanmiɛn b'ɔ cici be bɔ bé wla bo'n be wla'n, ɔ man kɛ Tit bali'n, ɔ wa guali ye anwlɛn su nzue.

2 Korɛntfuɛ Mun 8:16

Nyanmiɛn kwla o! Afin ɔ yoli man amun ndɛ lo Tit kusu.

2 Korɛntfuɛ Mun 8:23

Tit liɛ'n, ɔ ti n wiengu bɔ e nin i e di junman man amun, sanngɛ e niaan ng'ɔ nin be kɔ'n be liɛ'n, asɔnun mun yɛ be sunmannin be-ɔ. Be man Krist nyan nyrun.

2 Korɛntfuɛ Mun 8:6

Ɔ man e srɛli Tit b'ɔ boli junman sɔ'n bo amun wun lɔ'n, kɛ ɔ ko uka amun nan an guagua nɛnnɛn dilɛ sɔ'n bo.

Galasifuɛ Mun 2:3

Tit b'ɔ ti n sunmanfuɛ'n, ɔ ti Grɛk ba, sanngɛ ba miɛn-mɛn i kɛ ɔ wla klɛn.

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Efɛzfuɛ Mun 1:2

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

Kolɔsfuɛ Mun 1:2

e ´klɛ fluwa nga blɛ amun bɔ an ti Nyanmiɛn sran kpa bɔ an ti e niaan, sran wunmuan bɔ e nin Krist ti'n ti, bɔ an wo Kolɔs lɔ'n. Man e Si Nyanmiɛn man an nyan ye, yɛ man amún wun jɔ amun fɔuun!

1 Timote 1:12

N ´la e Min Krist-Jésus b'ɔ wlali n fanngan'n i ase, afin m bɔ laa n saci i dunman'n bɔ n kle i yalɛ'n, bɔ n kpɛ i nzowa'n, ɔ buli n sran, yɛ ɔ fa min wlɛli i i junman'n nun. Nyanmiɛn sili min aunnvuɛ, afin sa wlɛ bɔ n wun-mɛn i'n nin i su bɔ n lafi-man'n ti yɛ n yoli sɔ-ɔ.

2 Timote 1:1

M Pɔl bɔ Nyanmiɛn man Krist-Jésus sunmannin min'n, n ´klɛ fluwa nga blɛ wɔ Timote bɔ a ti min anwlɛn su ba'n. Krist-Jésus sunmannin min kɛ n kan nguan nga Nyanmiɛn waan ɔ ´fa man be nga be nin Krist b'a kaci sran wunmuan'n i ndɛ. Man e Si Nyanmiɛn nin e Min Krist-Jésus be man a nyan ye, man be si wɔ aunnvuɛ, yɛ man ɔ́ wun jɔ wɔ fɔuun!

2 Timote 4:10

afin mɛn'n nun ninnge bɔ Demas klo be'n be ti ɔ'a wanndi min a ɔ Tɛsalonik. Krɛsɛn kusu ɔ'a ɔ Galasi, Tit a ɔ Dalmasi .

Tite 1:3

Kɛ blɛ ng'ɔ sieli'n juli'n, ɔ yili i ndɛ sɔ'n i nglo. E Defuɛ Nyanmiɛn'n yɛ ɔ fa ndɛ sɔ'n wlali ń sa nun kɛ n kan-an.

Tite 2:13

E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.

2 Piɛr 2:20

Afin sran nga be si e Min Jésus-Krist e Defuɛ'n, b'ɔ man be yaci sa nga be yo-ɔ be saci'n, sɛ be sa be sin ko fa sa sɔ'n kaci be junman ekun'n, be sacilɛ kasiɛn liɛ'n, ɔ yo tɛ tra klikli liɛ'n.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

2 Piɛr 3:2

An `bu ndɛ nga Nyanmiɛn nuan ijɔfuɛ'm be kan kleli amun laa'n, ɔ nin sa nga e Min b'ɔ ti e Defuɛ'n seli kɛ e `yo'n, bɔ be nga ɔ sunmannin be amún sin'n be kan kleli amun'n, i akunndan.

1 Jean 5:14

An `nian, sa nga ti yɛ é wla'n wo Nyanmiɛn su dan'n yɛ: e si kɛ like kwlaa nga e srɛ i'n, b'ɔ ti i klun su'n, ɔ ´man ye.

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.