Tite 1:15 - NYANMIƐN NDƐ'N 1998

¹⁵ Sran nga be akunndan'n ti kpa'n, like kwlaa ti kpa be nyrun, sanngɛ sran nga be akunndan'n ti-man kpa'n, bɔ be lafi-man Nyanmiɛn su'n, like fi ti-man kpa be nyrun. Afin be akunndan'n ti tɛtɛ, be ´yo sa-a be klun ti-man be.

Nyanmien nde Ufle

¹⁵ Swran nga bé akunndan'n ti kpa'n, liké kwlaa ti kpa bé nyrun, sannge swran nga bé akunndan'n ti'a kpa, bo bé lafi'a Nyanmien su'n, liké fi ti'a kpa bé nyrun. Afin bé akunndan'n ti tete, bé yô saa bé klun ti'a bé.

Tite 1:15 ပူးပေါင်းရင်းမြစ်များ

Nyanndra Mun 21:4

Sa tɛ yofuɛ'm be like b'ɔ o bé wun'n yɛlɛ bé wun nyinman-nyinmanlɛ nin bé wun tulɛ.

Nyanndra Mun 30:12

Sran'n wie o lɛ'n, ɔ bu i wun saun kusu wuun ɔ nian salo-mɛn i wun fiɛn'n le.

Ndɛ Nga Nyanmiɛn I Nuan Ijɔfuɛ Aze Kannin'n 2:13

Yɛ Aze usali be ekun kɛ: «?Yɛ sɛ sran wie kan fuɛn, b'ɔ ti kɛ i sɔ sran'n wo fiɛn nun'n, sɛ ɔ ko kan like nga be di'n, wuun ɔ ti kɛ fiɛn'n ɔ'a kɛn i sɔ like liɛ'n wie?» Nyanmiɛn nyrun jranfuɛ'm be tɛli i su kɛ: «Ɛɛn, wuun fiɛn'n ɔ'a kɛn i.»

Matthieu 15:18

Sanngɛ ndɛ ng'ɔ fin sran nuan fite'n ɔ fin i anwlɛn'n nun, like ng'ɔ saci sran'n yɛ.

Sa nga bé yôli'n 10:15

Yɛ ɔ tili sran sɔ'n i nɛn'n i kpɛ nnyɔn su ekun, ɔ seli i kɛ: «Like nga Nyanmiɛn bu i kɛ ɔ ti kpa'n, nán bu i kɛ ɔ ti kain.»

Rɔmfuɛ Mun 14:14

Sran wunmuan bɔ min nin e Min Jésus e ti'n ti, n si weiin kpa kɛ ninnge nga be o lɛ'n be kwlaa'n, be wie fi ti-man like tɛ, sanngɛ sɛ sran kun bu like kun kɛ ɔ ti-man kpa'n, wuun ɔ ti-man kpa i nyrun.

Rɔmfuɛ Mun 14:20

Nán man e saci like nga Nyanmiɛn yoli'n like bɔ e di'n ti. Nanwlɛ, like nga be di'n i kwlaa'n ti kpa, sanngɛ sɛ sran kun di like nan ɔ saci i niaan'n, wuun ɔ'a yo-man sa kpa.

Rɔmfuɛ Mun 14:23

Sanngɛ sran ng'ɔ wun-man like ng'ɔ di'n i wlɛ kpa sɛ ɔ ti kpa o, annzɛ sɛ ɔ ti-man kpa o, nan ɔ di'n, Nyanmiɛn wa se kɛ ɔ'a di fɔ, yɛlɛ kɛ like ng'ɔ yo'n, ɔ wun-mɛn i wlɛ. Afin like kwlaa nga be yo bɔ be wun-mɛn i wlɛ kɛ ɔ ti kpa nan b'a yo'n, ɔ ti sa tɛ.

1 Korɛntfuɛ Mun 10:23

E kwla sa'n kwlaa yo, sanngɛ like ngba yo-man e wun sa ye, e kwla sa'n kwlaa yo, sanngɛ nɛ́n i ngba yɛ man sran yo sran-an.

1 Korɛntfuɛ Mun 10:25

Like kwlaa nga be yo i atɛ gua bo lɔ'n, an `di, nán an usa nun nan amun klun a titi-man amun,

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

1 Korɛntfuɛ Mun 8:7

Sanngɛ sran ngba si-mɛn i sɔ. Afin amuɛn ndɛ'n tɛ o wie'm be klun, ɔ man kɛ be ´di nnɛn'n, ɔ yo be kɛ amuɛn nnɛn yɛ be su di sa. Kɛ be wun-mɛn i wlɛ kpa'n ti, be klun titi be.

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

Hébreu 12:15

An `nian amún wun kpa, nán man ye nga Nyanmiɛn yo sran'n ɔ to fuan sran fi nan klunwi'n i olui'n ɔ'a fɛfɛ-man, yɛ ɔ'a saci-man amun nan ɔ'a sa-man sran kpanngban'n ti .

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!