Tite 1:11 - NYANMIƐN NDƐ'N 1998

¹¹ Se i sɔfuɛ'm be kɛ be `yaci be ndɛ sɔ'm be kanlɛ. Be kle like ng'ɔ ti-mɛn i su'n, be fa kunndɛ sika ng'ɔ ti-mɛn i kunndɛwlɛ'n, ɔ man be bo awlo wie mun sekesekeseke.

Nyanmien nde Ufle

¹¹ Sé i sofue mun ke bé yatyi bé nde so'm bé kanle. Bé klé liké ng'o ti'e i su'n, bé fa kunnde sika ng'o ti'e i kunndewle'n, o man bé bô awlô'n wié sékésékéséké.

Tite 1:11 ပူးပေါင်းရင်းမြစ်များ

Jue Mun 107:42

Kɛ sran sɛsɛfuɛ'm be wun i sɔ sa mun'n, be klun jɔ, sanngɛ sran wlɛfuɛ'm be kwla uke-man bé nuan.

Jue Mun 63:11

Man be wɔ sran sɔ'm be kue sa bi! Man nsoso'm be di be fuɛn'n.

Zeremi 8:10

«I sɔ'n ti n ´fa bé yi mun m ´man sran uflɛ. N ´fa be fie mun m ´man be mɛn'n i fafuɛ mun. I sran bɔ be lɛ nyrun o, be bɔ be lɛ-man nyrun o, be kwlakwla'n, be bɔbɔ be like liɛ nyanlɛ akunndan cɛ yɛ be bu-ɔ. Be nga be tɔn be wun suɛn kɛ be ti min nuan ijɔfuɛ mun o, be nga be tɔn be wun suɛn kɛ be ti min nyrun jranfuɛ mun o, be kwlakwla be ti ato buafuɛ kpan.

Ezekiɛl 13:19

Ɔrz sa buɛ kun nin kpaun sin kanngan wie'm be ti an yo min finfin min sran'm be nyrun. An bua ato kle min sran mun, yɛ be kusu be lafi amun su-ɔ. Kpɛkuun an kun be ng'ɔ fata-man kɛ be wu'n, yɛ an yaci be nga be nin nguan nun tranlɛ fata-man'n be lɛ.›

Ezekiɛl 16:63

Yɛ ɔ́ wla wa kpɛn laa ndɛ su, nyannzuɛn ´kun wɔ yɛ a su kwla ijɔ-man bɔbɔ, sanngɛ min liɛ'n, i kwlaa nga a yoli'n, n ´yaci cɛ wɔ. Anannganman Nyanmiɛn yɛ n kan sɔ-ɔ.»

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 3:5

Ndɛ nga Anannganman kan man be nga be tɔn be wun suɛn kɛ be ti Nyanmiɛn nuan ijɔfuɛ be lakalaka i mɛn nunfuɛ mun'n yɛ: «Be bɔ sran ng'ɔ cɛ be like'n be se i kɛ: ‹Sa tɛ fi su nyan-man wɔ'n,› nga kusu bɔ ɔ'a man-man be like-ɔ, be nin i be lɛ i'n,

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

JÉSUS-CHRIST I DYASIN FE'N BO LUC KLELI'N 20:40

Ɔ man b'a kwla tra-man be anwlɛn b'a usɛ-mɛn i sa fi kun.

Jean 10:12

Sanngɛ bua sunianfuɛ'n b'ɔ ti-man bua tafuɛ, bɔ bua'm be ti-mɛn i liɛ'n, kɛ ɔ wun kɛ gboklo'n su ba'n, ɔ yaci be wanndi. Gboklo'n ɔ'a wlu be nun kpɛkuun b'a bo a sanndi.

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

2 Korɛntfuɛ Mun 11:10

Krist i nanwlɛ b'ɔ di bɔ n fa su'n ti'n, Akai mɛn wunmuan'n nun sran fi kwla se-man n kɛ nán n di min nuan.

1 Timote 5:13

Kɛ ɔ ko yo sɔ'n, be yo-man like fi, be wlan-wlan awlo'm be nun, yɛ ng'ɔ ti tɛ tra su'n, be ijɔ fiaii, ndɛ ng'ɔ ti-man be ndɛ'n nin ndɛ ng'ɔ fata-man'n yɛ be kan-an.

1 Timote 5:4

Sanngɛ ng'ɔ lɛ ba annzɛ anunman'n, man ba sɔ'm be si kɛ be Nyanmiɛn sulɛ'n nun'n, sa nga be ´dun mmua yo'n yɛlɛ be awlo'n i lika nianlɛ, ɔ nin like nga bé si nin be nin, ɔ nin be nannan'm be yo mannin be'n i wunsu yolɛ. I sɔ'n yo Nyanmiɛn fɛ.

1 Timote 6:5

Ɔ man sran nga be wun-man sa wlɛ'n, bɔ be si-man nanwlɛ'n kun'n be si akplowa b'ɔ lɛ-man kpɛ bo. Be bu kɛ Nyanmiɛn sulɛ'n man be ´nyan bé wun.

2 Timote 2:18

bɔ b'a yaci ndɛ nanwlɛ'n. Be se sran'm be kɛ be nga be wuli'n b'a cɛn, ɔ man be wie'm be lafi-man Nyanmiɛn su kpa kun.

2 Timote 3:6

Be wie'm be wlu awlo'm be nun blɛlɛlɛ be fa bla nga be wun-man sa wlɛ kpa'n bɔ bé wun sa sɔnnin, bɔ like fanunfanun bɔ bé nyin blo be su'n ti be yaci atin kpafuɛ'n.

Tite 1:7

Man asɔnun sunianfuɛ sɔ'n yo sran bɔ be kwla saci-mɛn i wun kaan sa, afin ɔ nian Nyanmiɛn ninnge'm be su. Nán man ɔ yo sran b'ɔ yo i bɔbɔ i klun sa, yɛ nán man ɔ yo ya fafuɛ, nin nzan nɔnfuɛ, nin utre klofuɛ, nin sran b'ɔ kunndɛ sika i wafa ng'ɔ ti-mɛn i su'n.

Tite 1:9

Man ɔ yo sran b'ɔ lafi ndɛ nanwlɛ nga be kleli i'n su kpa nan ndɛ nanwlɛ b'ɔ kle'n ti, ɔ kwla tu sran'm be fɔ, yɛ ɔ kle be nga be kpalo i ndɛ'n kɛ be si kɛ b'a fɔn .

Tite 3:10

Sran ng'ɔ fa ngbaciɛ wla sran'm be afiɛn'n, sɛ a kan kle i kpɛ kun, kpɛ nnyɔn b'ɔ fa-man'n, yi ɔ́ nyin i wun,