Tite 1:10 - NYANMIƐN NDƐ'N 1998

¹⁰ Afin sran kpanngban bé nyin ti kekle, yɛ be kan ndɛ ngbɛn-ngbɛn fa laka sran mun. Be kpanngban lika be fin Zuif'm bɔ b'a kaci Kristfuɛ'n be nun.

Nyanmien nde Ufle

¹⁰ Afin swran kpanngban bé nyin ti kéklé, bé kan nde ngbenngben fa laka swran mun. Bé kpanngban lika bé fin Juif'm bo ba katyi Christfue'n bé nun.

Tite 1:10 ပူးပေါင်းရင်းမြစ်များ

Matthieu 23:14

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an de angboti mmla'm be awlo'n, yɛ an kan ndɛ tɛnndɛn kle Nyanmiɛn lelele kɛ sran'm be `bu amun sran kpa. I sɔ'n ti amun fɔ tulɛ liɛ'n ɔ wa yo tɛ kpa.]

Sa nga bé yôli'n 11:2

Kɛ Piɛr juli Zerizalɛm lɛ'n, Zuif'm bɔ be lafi klɛn wlalɛ'n su'n be fɛ i ɔli aamiɛn nan b'a ijɔ i, i sin be seli kɛ:

Sa nga bé yôli'n 15:1

Sran wie'm be fin Zide be wa seli e niaan'm be kɛ sɛ b'a wla-man be klɛn kɛ Moiz kleli be kɛ be yo'n sa'n, be su fite-man nun .

Sa nga bé yôli'n 15:24

E tili i kɛ sran wie bɔ be fin e wun wa bɔ nán e yɛ e sunmannin be'n, be ko kannin ndɛ wie mun kleli amun nan ndɛ sɔ'm be boli amún wla, yɛ be sanngannin amun akunndan.

Sa nga bé yôli'n 20:29

N si kɛ, kɛ n ko wɔ'n, gboklo wlɛfuɛ'm be wa wlu amun nun, yɛ be ´saci bua fa sɔ'n.

Galasifuɛ Mun 2:4

San be nga be tɔn bé wun suɛn kɛ be ti e niaan'n, be yɛ be klo kɛ ɔ yo sɔ-ɔ. Be wluli e nun blɛlɛlɛlɛ kɛ be ´kpla e nian é ti bɔ e bɔ e nin Krist-Jésus y'a kaci sran wunmuan'n bɔ y'a nyɛn'n ti, be waan be ´fa e wla kanga'n nun.

Galasifuɛ Mun 3:1

Galasifuɛ sinnglinfuɛ mun! ?Amun bɔ be kannin Jésus-Krist i wulɛ ndɛ'n i weiin kleli amun b'ɔ man ɔ yoli kɛ ɔ yoli amun nyrun sa'n, wan yɛ ɔ wa lakali amun-ɔn?

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

1 Timote 1:4

yɛ ngua nin be nannan-nannan'm be osu'n i finwlɛ b'ɔ wie-man mlɔnmlɔn'n b'ɔ kpɛ saɛ'n, min waan a tu be fɔ ekun kɛ nán man be fa be wla'n gua ninnge sɔ'm bé su. Sa sɔ'm be uka-man sran kɛ ɔ lafi Nyanmiɛn su ɔ yo sa ng'ɔ ti i klun sa'n.

1 Timote 1:6

Sran wie'm b'a yaci ninnge sɔ'm be yolɛ, b'a fa be wun a wla ndɛ ngbɛn-ngbɛn'm be kanlɛ nun.

1 Timote 1:9

Afin e si kɛ nán be nga be ti sran kpa'n be ti yɛ be sieli mmla nin-ɔn. Sanngɛ be sie mannin be nga be ti-man kpa'n, nin nyin keklefuɛ mun, nin be bɔ be sro-man Nyanmiɛn'n, nin sa tɛ yofuɛ mun, nin be bɔ bé nyin yi-man Nyanmiɛn bɔ be bu i ninnge'm be finfin'n, nin be bɔ be kun be si nin be nin'n, nin sran kunfuɛ mun,

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

2 Timote 4:4

Be su sie-man bé su nanwlɛ'n su kun, be ´sie bé su ndɛ nga be ti kɛ ngua sa'm be su.

Tite 1:6

N kɛnnin i kɛ man sran nga be ´fɛ i sie asɔnun kpɛnngbɛn'n ɔ yo sran bɔ be kwla saci-mɛn i wun kaan sa, bɔ i yi ti kun, bɔ i mma'm be lafi Nyanmiɛn su, bɔ be kwla saci-man be dunman kɛ be nzuɛn ti tɛ, yɛ bé nyin ti kekle.

Jacques 1:26

Sɛ sran kun bu i wun kɛ ɔ su Nyanmiɛn sanngɛ ɔ sie-mɛn i nuan'n diin'n, i Nyanmiɛn sulɛ'n ti ngbɛn, ɔ su lɛkɛ i wun.

1 Jean 2:18

Ba kanngan mun, y'a ju mɛn'n i bue nuan. An tili i kɛ Krist i Kpɔfuɛ'n ɔ ´ba. Krist i kpɔfuɛ kpanngban b'a ba, ɔ man e si kɛ y'a ju mɛn'n i bue nuan.

1 Jean 2:4

Sran ng'ɔ se kɛ ɔ si i sanngɛ ɔ fɛ-mɛn i ndɛ'n su'n, ɔ ti atofuɛ yɛ ɔ di-man nanwlɛ mlɔnmlɔn.

1 Jean 4:1

N sran kpa mun, be nga be se kɛ be ijɔ Nyanmiɛn Wawɛ'n nuan'n, nán an lafi be ngba su. An `sa be nian, sɛ be ijɔ Nyanmiɛn nuan sakpa o, annzɛ sɛ like wie yɛ be ijɔ i nuan o. Afin be nga be tɔn bé wun suɛn kɛ be ti Nyanmiɛn nuan ijɔfuɛ'n, be kpanngban kpa b'a ba mɛn'n nun.

Sa nglô yile 2:14

Sanngɛ amún wun sa wie o n klun, yɛlɛ kɛ sran wie'm be o amun nun lɔ bɔ be fa like nga Balaam kleli'n su. I yɛ ɔ kleli Balak yɛ man ɔ lakali Izraɛlfuɛ mun yɛ be yoli sa tɛ yɛ be dili amuɛn su nin-ɔn. Balak kunngba sɔ'n yɛ ɔ lakali be yɛ man be fa bé wun wlali tekle bolɛ'n nun nin-ɔn .

Sa nglô yile 2:6

Sa nga an yo b'ɔ ti kpa kan'n, yɛlɛ kɛ an klo-man sa nga Nikolafuɛ'm be yo be'n, bɔ n kusu n klo-man be'n.