Sofoni 3:7 - NYANMIƐN NDƐ'N 1998

⁷ Min waan sɛ n ´yo sɔ nan Zerizalɛmfuɛ'm be ´sro min o. Bé nyin nglo-nglo nga n wlali'n, min waan wuun sɛ be ´wun i wlɛ o. Sa nga n ko yo'n, n yoli, sanngɛ sa tɛtɛ yolɛ'n yɛ bé wun kpɛ su-ɔ.»

Sofoni 3:7 ပူးပေါင်းရင်းမြစ်များ

Bo Bolɛ 6:12

Nyanmiɛn ´nian asiɛ nin-ɔn, ɔ wunnin kɛ ɔ'a wie saci. I su sran'm be kwlakwla b'a wie saci kpan.

2 Be Nyoliɛ 33:11

Yɛ Anannganman man Asiri famiɛn'n i sonja'm be su kpɛnngbɛn'm be wa tɔli be su-ɔ. Be trali Manase, be fali nga wie mun wlɛli i aoje'n nun, kpɛkuun be cili i klɛnnɛnklɛnnɛn nin aaba bɔ be yoli i tianman-tianman kɛ nyanman sa'n, nan b'a fɛ i b'a ɔ Babilɔni.

Zɔb I Nyrɛnnɛn Wunlɛ 36:10

Ɔ kle be ngwlɛlɛ, kɛ ɔ ´yo nan b'a nian bé wun'n ti. Ɔ se be kɛ be yaci be nzuɛn tɛ'n.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Nyanndra Mun 19:20

Be man wɔ afɔtuɛ-ɔ, fa ɔ́ su sie su. Lo ɔ́ wun man be kle wɔ ngwlɛlɛ, i liɛ'n cɛn wie a ´fa si ɔ ngwlɛlɛ liɛ.

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Zeremi 17:23

N kan kleli be-ɔ, b'a sie-man be su b'a tie-man, b'a kpɛ-man bé nyin wa nan se kɛ tilɛ yɛ be ´ti-ɔ.›

Zeremi 25:5

I nuan ijɔfuɛ'm be seli amun kɛ: ‹Amun kwlaa an `yaci amun nzuɛn tɛ'n, an `yaci amun aeliɛ tɛtɛ'n, i liɛ'n, amun ´ka lika nga Anannganman'n fa mannin amun nannan mun nin amun'n, amun ´ka nun mlɔnmlɔn.›

Zeremi 36:3

I liɛ'n, sa nga n waan n ´fa yo Zidafuɛ mun, sɛ wienun-ɔn be ´yaci be nzuɛn tɛ'n, ɔ man n ´yaci be fɔnlɛ'n ɔ nin be sa tɛ'n n ´cɛ be o.»

Zeremi 38:17

Yɛ Zeremi seli Sedesias kɛ: «Anannganman b'ɔ sie mɛn wunmuan'n, Izraɛl Nyanmiɛn'n i nuan su ndɛ'n yɛ. I waan: ‹Sɛ a fin klɔ'n nun fite nan a fa ɔ wun ko man Babilɔni famiɛn'n i awlo lɔ sran dandan mun'n, ɔ́ wun fouun! Yɛ kusu be su wɔ-man klɔ nga nun. A nin wɔ awlofuɛ mun amun ´fite nun.

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Zeremi 7:7

i liɛ n ´yaci amun lika nga nun wa. N ´yaci amun mɛn nga n fa mannin amun nannan mun b'ɔ ti amun liɛ titi'n i nun.

Zeremi 8:6

N sie mín su kpa n ti nga be kan'n. N wun kɛ ɔ ti-mɛn i su. Be nun kun sa koko-mɛn i sa tɛ'n ti, ɔ se-man kɛ: ?Nguɛ sa yɛ n yo i sɔ-ɔ? Be kwlaa be wanndi kɔ be nyrun ndɛnman su kɛ nnɛn kpanngɔ wie b'ɔ su wanndi kɔ alɛ kunlɛ sa.

Ndɛ Nga Nyanmiɛn I Nuan Ijɔfuɛ Oze Kannin'n 9:9

An yoli sa tɛtɛ'n lele ɔ'a bobo su kɛ Gibea blɛ su'n sa, i sɔ sa tɛ liɛ'n, Anannganman'n su bu-man nnya gua-man su, ɔ ´tu amun fɔ sa tɛ sɔ'm be ti .

Sofoni 3:2

Be kan ndɛ be kle i-ɔ, ɔ guɛ i su sin, be kle i ngwlɛlɛ-ɔ, ɔ fɛ-mɛn i su sie-mɛn i bo, ɔ fɛ-mɛn i wla gua-man Anannganman su.

Mmla'n 4:16

Nán amun yo like wie b'ɔ ti like wie nzɔliɛ amun fa saci amún wun. Nán amun yo like b'ɔ ti amuɛn'm be nzɔliɛ. Nán amun yo like wie b'ɔ ti sran yasua annzɛ bla wie nzɔliɛ,

1 Timote 1:5

E waan be `klo sran kpa ti yɛ e tu be fɔ sɔ nin-ɔn. Klolɛ sɔ'n fin sran bɔ sa tɛ kaan sa nun-mɛn i anwlɛn'n nun, b'ɔ man i klun titi-mɛn i'n, b'ɔ lafi Nyanmiɛn su sakpa'n.

2 Piɛr 3:9

Like nga e Min'n se kɛ ɔ ´yo, ɔ cuɛn-cuɛn-mɛn i ase kɛ sran'm be bu i'n sa. Sanngɛ ɔ trɛ i anwlɛn amun wun, ɔ klo-man kɛ sran kun sa mlin, ɔ klo kɛ sran'm be kwlaa be kaci be nzuɛn'n.