Sofoni 3:5 - NYANMIƐN NDƐ'N 1998

⁵ Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Sofoni 3:5 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Zɔb I Nyrɛnnɛn Wunlɛ 34:10

Amun bɔ amun wun sa wlɛ'n, amun `tie nga n kan'n. Klunwi yolɛ'n nin ndɛ kwlɛ bulɛ'n, be ti-man Nyanmiɛn i nzuɛn mlɔnmlɔn.

Zɔb I Nyrɛnnɛn Wunlɛ 7:18

?Ɔ ti nguɛ bɔ i ti yɛ man nglɛmun kwlaa a niɛn i osu sɔ-ɔ? ?Ɔ ti nguɛ bɔ i ti yɛ man a sɛ i nian titi sɔ-ɔ?

Zɔb I Nyrɛnnɛn Wunlɛ 8:3

?A bu i kɛ wuun Nyanmiɛn ɔ'a kpɛ ndɛ bulɛ'n i wun? ?Nyanmiɛn b'ɔ kwla like kwlaa yo'n ɔ kpɛ nanwlɛ dilɛ'n i wun-ɔn ɔ yo ye?

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Jue Mun 37:6

Ɔ wa yo man ɔ nzuɛn kpa'n ɔ ´fite nglo wein kɛ like bɔ b'a fa sie i lika ng'ɔ kpaja'n nun'n sa. Yɛ ɔ ndɛ fɛ'n kusu ɔ ´fite nglo weiin kɛ like bɔ b'a yi nglo wia kpa'n nun'n sa.

Jue Mun 92:15

Kannzɛ be ´yo kpɛnngbɛn o, be tɛ su mma, nzue tɛ o be nun, yɛ be tɛ yo mlanmlanmlan.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 28:19

Blɛ'n kwlaa b'ɔ ´ba'n, ɔ ´kan amun. Afin ɔ ´ba nglɛmun kwlaa, ɔ ´ba wia'n nun, yɛ ɔ ´ba kɔnguɛ. Kɛ be ´ti i ngan'n, kpɛkuun srɛ ´kun be.

Ezai 33:2

Anannganman, si ye aunnvuɛ, e wla'n wo ɔ su. Nglɛmun kwlaa man e wunmiɛn. Sɛ e o nyrɛnnɛn nun'n, de ye.

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 3:3

I ti nzue'n ɔ'a tɔ-man. Wawa nun nzue'n ɔ'a tɔ-man. Sanngɛ ɔ waan san tekle'n cɛ yɛ a ´bo-ɔ, nán nyan yɛ a ko sa-a.

Zeremi 6:15

Sa tɛtɛ nga be yoli'n, ɔ yo-man be ya! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e yia nun'n, be ´fin ase.»

Zeremi 8:12

Sa tɛtɛ nga be yoli'n, kɛ ɔ `yo be ya'n, nán be-ɔ! Like nga be flɛ i nyannzuɛn'n, be si-mɛn i. I sɔ'n ti kusu sran nga be ´tɔ'n, be nin be yɛ be ´tɔ-ɔ. Blɛ nga e nin be e ´nyɛn i'n, be ´fin ase.»

Ngwlɛ Yilɛ 3:23

Aliɛ kwlaa ng'ɔ cɛn'n, ɔ yi i klun-ufue'n i nglo. Anannganman, nanwlɛ, a nin sran san nun-ɔn, a kpɔci-mɛn i le .

Ezekiɛl 18:25

Amun se kɛ: ‹Nga Anannganman yo'n ɔ ti-man su.› Izraɛlfuɛ mun, amun `tie. ?Nga n yo i yɛ'n ɔ ti-man su? ?Nán nga amun bɔbɔ amun yo'n yɛ ɔ ti-man su-ɔ?

Ezekiɛl 48:35

Talɛ ng'ɔ sin yia klɔ'n i kwlaa i tɛnndɛn nun'n ɔ ´yo mɛtri akpi ngwlan (9.000). Kɛ ɔ fin lɛ'n, be wa flɛ klɔ'n kɛ: Anannganman'n Wo Lɛ .

Ndɛ Nga Nyanmiɛn I Nuan Ijɔfuɛ Oze Kannin'n 14:9

?Efraimfuɛ mun, nguɛ ti yɛ man amun ko bua amuɛn ndɛ nun-ɔn? M bɔbɔ min n ´tɛ amun srɛlɛ'n su, n ´nian amun su. M bɔbɔ n ti kɛ siprɛs waka bɔ blɛ kwlaa nun i nnya'm be ti ble mlanmlan klanman'n sa. Min fanngan nun ti yɛ amun ninnge'm be ´yo ye-ɔ.»

Ndɛ Nga Nyanmiɛn I Nuan Ijɔfuɛ Oze Kannin'n 6:5

I sɔ'n ti, ndɛ nga n ´fa wla mín nuan ijɔfuɛ'm bé nuan kɛ be `kan kle amun'n, ɔ ti amún sa yalɛ ndɛ, ɔ ti amun wie ndɛ. I sɔ ndɛ liɛ'n, ɔ ´yo weiin sran kwlakwla nyrun.

Mise 3:11

sa ti bɔ n flɛ amun'n yɛlɛ kɛ klɔ'n su jɔlɛ difuɛ mun'n, sran ng'ɔ cɛ be like'n, i yɛ be bu i ndɛ'n klanman-an. Nyanmiɛn nyrun jranfuɛ'm be kusu be tannin be kalɛ nan b'a kle Nyanmiɛn i mmla mun. Nyanmiɛn nuan ijɔfuɛ'm be kusu, sɛ be ´kan Anannganman i nuan su ndɛ'n, san b'a tannin be kalɛ. Sanngɛ be yo bé wun kɛ Anannganman su yɛ be lafi sa. Be ko se kɛ: «?Anannganman nin ye o nun kwlaa nin-ɔn, nguɛ sa cɛ yɛ ɔ kwla nyan ye-ɔ ?»

Mise 7:9

Sɛ Anannganman'n fa é wun ya'n, i su-ɔ, afin e fɔnnin i wun. Sanngɛ ɔ ju i blɛ-ɔ, Anannganman ´jran é sin, ɔ ´di é ti ndɛ, ɔ ´yi ye fite weiin nun. I sɔ sa kpakpa ng'ɔ yo man ye'n, e bɔbɔ e ´wun i .

Abakik 1:3

?Nguɛ ti yɛ a yo man n wun sa tɛ nga mun-ɔn? ?Nguɛ ti yɛ i sɔ sa nyrɛnnɛn-nyrɛnnɛn liɛ mun a tran lɛ nian be sɔ-ɔ? Mianmianlɛ nin sa kekleekle'n sin yia min pɛ! Lika'n kwlaa, jɔlɛ dilɛ nin ndɛ kpɛlɛ'n yɛ ɔ o nun-ɔn.

Sofoni 2:1

Amun bɔ amun si-man nyannzuɛn'n amun `kan amun anwlɛn'n i ase nan amun `bu akunndan kpa,

Sofoni 3:13

Izraɛlfuɛ nga be ´ka'n, be su di-man ndrunmun kun, be su bua-man ato, be su lakalaka-man sran'm be kun, be ´di like be ku ´yi, be ´la fɔuun, sran fi su wla-man be srɛ kun.»

Sofoni 3:15

afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Zakari 2:5

Kɛ n ´to mín nyin-ɔn m'an wun like kun ekun. N ´nian-an, sran kun yɛ ɔ o yɛ, i sa nun lika sunnzunlɛ nyanman.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

JÉSUS-CHRIST I DYASIN FE'N BO LUC KLELI'N 12:2

Sa kwlaa nga sran'm be katakata su'n, i wie fi su ka-man lɛ b'ɔ su fite-man nglo-ɔ, yɛ ndɛ fi su ka-man nvialiɛ nun bɔ be su si-man nun-ɔn.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 3:26

Sanngɛ olɛ nga e o yɛ'n, ɔ kle ye wafa ng'ɔ fa bu sran sran kpa'n, afin ɔ kle i wun kɛ ɔ ti kpa yɛ ɔ bu be nga be lafi Jésus su'n be sran kpa.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

Mmla'n 23:14

Sɛ amun ´kɔ alɛ kunlɛ'n, amun `fa sue kan amun `sie amun trɔ'n nun. I liɛ sran kwlaa nga i waan ɔ ´kɔ atin nun'n, ɔ ´fɛ i sue'n kpɛ kunman. Kpɛkuun sɛ ɔ wie atin nun kɔ'n, ɔ ´kata i waka su'n su.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

1 Piɛr 1:17

An flɛ Nyanmiɛn b'ɔ nian-man sran nyrun yɛ ɔ di jɔlɛ'n, sanngɛ ndɛ sin yɛ ɔ jran di jɔlɛ'n, amun Si. I sɔ'n ti, kɛ an tɛ wo asiɛ'n su wa'n, an `yo sa ng'ɔ kle kɛ amún nyin yi i'n.