Sofoni 3:2 - NYANMIƐN NDƐ'N 1998

² Be kan ndɛ be kle i-ɔ, ɔ guɛ i su sin, be kle i ngwlɛlɛ-ɔ, ɔ fɛ-mɛn i su sie-mɛn i bo, ɔ fɛ-mɛn i wla gua-man Anannganman su.

Sofoni 3:2 ပူးပေါင်းရင်းမြစ်များ

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Jue Mun 10:4

Klunwifuɛ'n i klun akunndan'n i ngba'n yɛlɛ kɛ Nyanmiɛn nun-man lɛ. Ɔ tu i wun. Nyanmiɛn i ndɛ ti-mɛn i ndɛ.

Jue Mun 73:28

Sanngɛ Nyanmiɛn i tranlɛ bɔ e nin wɔ tran'n ɔ ti min anyanbeun like. Min min Anannganman, n ´fa mín wla'n n gua ɔ su. N ´kan sa kpakpa nga a yoli be'n mun n ´kle sran'm be kwlaa.

Jue Mun 78:22

afin b'a lafi-mɛn i su, b'a bu-mɛn i kɛ ɔ kwla be de.

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 31:1

Be nga be kɔ Ezipt kɛ be ´ko kunndɛ ukalɛ'n be yako. Nnɛn kpanngɔ'm be su yɛ be bu be akunndan'n be gua-a. Alɛ kakaklolo kpanngban'm be su yɛ bé wla'n wo-ɔ. Nnɛn kpanngɔ su fufuɛ'm be su yɛ be kisa-a, afin be si alɛ kun. Be kpɛ-man bé nyin Izraɛl Nyanmiɛn'n i wun lɔ, be usa-man Anannganman osu.

Ezai 43:22

Anannganman waan: «Ee! Zakɔb osu'n nunfuɛ mun, nán min yɛ amun kpan flɛli min-ɔn! Afin Izraɛlfuɛ mun, n flannin amun!

Ezai 9:12

Sanngɛ sran'm be sa-man bé sin Anannganman b'ɔ tuli be fɔ'n i sin. Yɛ be kunndɛ fa-man bé wun mantan-man Anannganman b'ɔ sie mɛn wunmuan'n.

Zeremi 13:25

Zerizalɛm, sa ng'ɔ wa ju ɔ su'n yɛ ɔ o lɛ-ɔ. Ɔ liɛ nga m'an fa m'an sie wɔ'n yɛ ɔ o lɛ-ɔ. Afin a yili ɔ́ wla min su. A ko fali ɔ́ wla'n guali ato ninnge'm be su.» Anannganman'n yɛ ɔ kan sɔ-ɔ.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 22:21

Blɛ nga sa fi nian ju-man'n yɛ n kan kleli wɔ-ɔ. A waan: ‹N tie-man.› Kɛ ɔ fin ɔ kaan nun lele'n, kɛ a yoli sɔ-ɔ. N kan ndɛ n kle wɔ-ɔ, a ti-man.

Zeremi 32:33

B'a kpɛ-man bé nyin mín wun wa. Bé sin yɛ be kaci sili min-ɔn. Nán kɛ b'a kle-man be ngwlɛlɛ-ɔ. Nán andɛ yɛ be boli be ngwlɛlɛ klelɛ'n bo-ɔ. Sanngɛ nán kɛ be wa sie be su nan se kɛ be ´tie ndɛ nga be kan'n ti-ɔ.

Zeremi 35:13

«Min Anannganman bɔ n sie mɛn wunmuan'n bɔ n ti Izraɛl Nyanmiɛn'n, min waan a ko usa Zidafuɛ mun nin Zerizalɛmfuɛ'm be kɛ: ‹?Nan an ko fa-man sa nga an ko tu-man amún wun fɔ nun? ?Ndɛ nga n kan kle amun'n, amun ko ti-man?› » Anannganman'n yɛ kan sɔ-ɔ.

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Ezekiɛl 22:24

«Klɔ sran, se Zerizalɛm kɛ: ‹A ti asiɛ bɔ a ti-man saun, bɔ ɔ'a nyan-man nzue min ya cɛn'n nun.

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

2 Timote 3:16

Nyanmiɛn Ndɛ nga be klɛli'n, i bɔbɔ yɛ ɔ fɛ i kwlaa mannin sran mun yɛ be klɛli-ɔ. Be fa kle like, be fa kle sran mun lele be wun nanwlɛ'n, be fa tu be fɔ, be fa kle be sa nga be yo-ɔ ɔ ti kpa'n

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .