Sofoni 3:19 - NYANMIƐN NDƐ'N 1998

¹⁹ I sɔ blɛ nun'n e nin be kwlaa nga be kleli amun yalɛ'n e ´yia nun. Be nga bé ja yo be ya'n m miɛnmiɛn i, n ´yiayia be nga be mlinnin mun, n ´yo man an ´nyan kɔmin, amun dunman'n ´fu lele ɔ ´tru mɛn nga an wunnin nyannzuɛn nun'n be nun.

Sofoni 3:19 ပူးပေါင်းရင်းမြစ်များ

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 33:1

Ɔ bɔ a saci like'n bɔ be nian saci-man wɔ wie'n, ɔ yako! Ɔ bɔ a laka ɔ wiengu mun'n bɔ be nian laka-man wɔ wie'n, ɔ yako! Kɛ a ko wie ninnge'm be saci'n, be ´saci wɔ wie kusu. Kɛ a ko wie ɔ wiengu be laka'n, be ´laka wɔ be ´nyan wɔ wie kusu.

Ezai 60:14

Be nga be yoli wɔ tɛtɛ'n, be mma'm be ´ba ɔ nyrun, yɛ be ´kluklu bé ti'n, yɛ be kwlaa nga be yoli wɔ finfin'n, be ´koto ɔ́ bo, be ´flɛ wɔ kɛ Anannganman i Klɔ, be ´flɛ wɔ ekun kɛ Izraɛl Nyanmiɛn'n i Siɔn'n .

Ezai 60:18

Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.

Ezai 61:7

«Nyannzuɛn su kun-man amun, sanngɛ amun ´nyan nyrun kpa. Amún nyin su gua-man ase, sanngɛ amun klun ´jɔ like kpa bɔ amun ´nyɛn i'n ti. Amun ´nyan aja ninnge sɔ kpɛ nnyɔn amun mɛn'n nun. Yɛ amun klun wa jɔ anannganman-anannganman.

Ezai 62:7

Nán amun yaci i diin, amun `yo i sɔ lele man ɔ fa Zerizalɛm `sie i laa osu'n nun, amun `yo i sɔ lele man ɔ fa Zerizalɛm yo asiɛ wunmuan i anyrunnyan like.

Zeremi 30:16

Sanngɛ sɛ n ´kwla se'n, be kwlaa nga be kpisali wɔ, be mɛnnin wɔ bi'n, be ´kpisa be be ´mɛn be bi wie. Be ´tra ɔ kpɔfuɛ'm be kwlaa be ´kɔ. Be nga be sacili ɔ́ bo ninnge mun'n, be ´saci be liɛ'n wie. Be nga be fɛnnin ɔ́ bo ninnge'n, n ´yaci be ninnge liɛ'n kusu lɛ man be ´fɛn.

Zeremi 30:19

Be wa to jue, be ´bo sro. N ´yo man be ´trɛ. Be su ka-man kaan. M ´man be kɔmin su ɔ man be su yo-man be finfin.

Zeremi 31:8

«N su fa be Izraɛl i nglo lɔ mɛn'n nun m ´ba. N su yiayia be mɛn nga be o nun'n be tiwatiwa'm be su'n ba. Anyansifuɛ'm be o nun. Be nga bé ja'n ti-man kpa'n nin wunnzɛfuɛ, nin bla ta'm be o nun. Sran fi su ka-man. Sran nga be wa ba'n, b'a sɔn-man ngowa.

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Zeremi 46:28

Anannganman waan: ‹Izraɛlfuɛ mun, bɔ amun ti min sufuɛ mun, nán srɛ kun amun. Mɛn nga n yoli man amun bo sanndili be nun'n, n ´nunnun be. Amun liɛ'n, n su nunnun-man amun. Sa ng'ɔ fata kɛ n fa yo amun'n yɛ n ´fa yo amun-ɔn. Afin n yaci cɛ amun sɔ-ɔ ɔ yo-man ye.› »

Ezekiɛl 16:27

Yɛ nian, m'an tinngɛ mín sa ɔ́ wun, m'an kpɛ ɔ like sɔ'n i sin. N fali wɔ n wlali Filistifuɛ bɔ be ti ɔ kpɔfuɛ'm bé sa nun, be fali ya dan ɔ nzuɛn tɛtɛ b'ɔ yo sro'n ti.

Ezekiɛl 16:57

I nun sɔ nun'n, wuun ɔ́ sa tɛ liɛ'n nian fite-man nglo. Ɔ blɛ liɛ'n ɔ'a to wɔ b'ɔ fata kɛ Siri i mma bla mun nin be kwlaa nga be mantan be lɛ mun be sri wɔ, yɛ Filistifuɛ bɔ be yo wɔ finfin'n, be ´kpɛ wɔ nzowa.

Ezekiɛl 34:16

N ´kunndɛ nnɛn nga be mlin'n, n ´fa be ´sa be sin. Nnɛn nga be boli be kannin'n n ´cici be kannin'n su, yɛ nga be wunnɛn yo be ya'n, m ´man be wunmiɛn, sanngɛ nga be ti lugbɔɔ nin nga be lɛ wunmiɛn tra su'n, n ´nunnun be.» N ta min nnɛn mun kɛ ɔ fata'n sa.

Ezekiɛl 39:13

Mɛn'n bɔ be o nun i nun sran'm be kwlaa be ´sie be yɛ be ´nyan su dunman blɛ bɔ n ´yi min nyrun bɔ n lɛ i'n i nglo'n. Min Anannganman Nyanmiɛn yɛ n kan sɔ-ɔ.

Ezekiɛl 39:26

I liɛ'n, bé wla su kpɛn-man be nyannzuɛn dan'n bɔ be wunnin i'n i su kun. Yɛ bé wla su kpɛn-man bé sa tɛtɛ nga be yoli min'n be su kun. Be ´tran diin bé mɛn'n nun. Sran fi su kle-man be yalɛ kun.

Mise 7:10

Kɛ e kpɔfuɛ'm be wun i sɔ'n, be ´wun nyannzuɛn afin be usali kɛ: «?Ai! Anannganman amun Nyanmiɛn kpa'n, nguɛ yɛ ɔ o lɛ yo-ɔ? Kɛ be wa nanti be su kɛ akpɔ su fa sa'n, wuun e ´nian be e ´sri.»

Sofoni 3:15

afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Mmla'n 26:19

Anannganman amun Nyanmiɛn'n, ɔ klo kɛ amun nyan nyrun. Ɔ klo kɛ amun nvle'n yo dan nan i dunman'n fu, nan i nyrun ba nyan tra nvle ng'ɔ jrali be asiɛ'n su'n be kwlakwla. I liɛ'n, amun ´yo i nvle klonglonglo kɛ ɔ fa kannin'n sa.»

Hébreu 12:13

An `kpɛ atin nga an sin nun'n kpa nan sran nga i ja ti-man kpa'n i ja'n ɔ'a fɔnndɔn-man, sanngɛ ɔ'a yo juejue'n ti.

Sa nglô yile 20:9

Be sanndili asiɛ'n su lika'n kwlaa, be sin yia Nyanmiɛn sran mun nin klɔ nga Nyanmiɛn klo i'n. Sanngɛ sin fin nyanmiɛn su lɔ tɔli be nun, yɛ ɔ yrali be sekesekeseke .

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.